Ռոմանովի թոմարես
| Ռոմանովի թոմարես | |
 Ռոմանովի թոմարես | |
| Դասակարգում | |
| Թագավորություն | Կենդանիներ (Animalia) |
| Տիպ/Բաժին | Հոդվածոտանիներ (Arthropoda) |
| Ենթատիպ | Վեցոտանիներ (Hexapoda) |
| Դաս | Միջատներ (Insecta) |
| Կարգ | Թիթեռներ (Lepidoptera) |
| Ընտանիք | Կապտաթիթեռներ (Lycaenidae) |
| Ցեղ | Tomares |
| Տեսակ | Ռոմանովի թոմարես (T. romanovi) |
| Միջազգային անվանում | |
| Tomares romanovi | |
Ռոմանովի թոմարես[1] (լատին․՝ Tomares romanovi), կապտաթիթեռների ընտանիքին պատկանող միջատ։ Գրանցված է Հայաստանի Հանրապետության Կարմիր գրքում։
Տարածվածություն խմբագրել
Տարածված է Փոքր Ասիայում, Անդրկովկասում, Իրանում, Հարավարևմտյան Թուրքմենստանում։ Հայաստանում հայտնի է Կոտայքի (Գառնի, Գեղադիր, Հացավան, Ջրվեժ գյուղեր, Հատիս լեռ), Վայող ձորի (Արտավան), Արարատի (Ուրցալանջ), Սյունիքի (Շվան ձոր գյուղի շրջակայք) մարզերից և «Խոսրովի անտառ» պետական արգելոցից[2]։
Էկոլոգիա խմբագրել
Ապրում են ծովի մակարդակից 1300-2200 մ բարձրության վրա, կիսաանապատներում, չոր մարգագետիններում և անտառի վերին եզրերի տափաստանացած հատվածներում։ Մայիսի կեսից մինչև հունիսի վերջը տալիս են մեկ սերունդ։ Թրթուրները զարգանում են Astragalus finitimus բույսի ծաղկաբույլերում, ձմեռում են հարսնյակները[2]։
Պահպանություն խմբագրել
Հազվագյուտ տեսակ է,որը Բնության պահպանության միջազգային միության Կարմիր ցուցակի չափորոշիչներով ներկայումս գնահատվում է որպես խոցելի տեսակ։
Չխախտված ցենոզներում, կախված կերաբույսի պոպուլյացիայի խտությունից, թվաքանակը համեմատաբար բարձր է։
Վտանգման հիմնական գործոններն են անասունների գերարածեցումը և հողերի գյուղատնտեսական յուրացումը։
Պահպանվում է «Խոսրովի անտառ» պետական արգելոցում և «Արևիկ» ազգային պարկում[2]։
Ծանոթագրություններ խմբագրել
- ↑ [1]
- ↑ 2,0 2,1 2,2 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիցեղերն ունի նյութեր, որոնք վերաբերում են «Ռոմանովի թոմարես» հոդվածին։ |
 | Վիքիպահեստն ունի նյութեր, որոնք վերաբերում են «Ռոմանովի թոմարես» հոդվածին։ |