Ուրցալանջ

Ուրցալանջ
Գյուղ
	Ուրցալանջ
Երկիր	Հայաստան
Մարզ	Արարատի
Համայնք	Արարատի մարզ, Հայկական մարզ և Արարատի շրջան
Հիմնադրված է	1831 թ.
Մակերես	24,73 կմ²
ԲԾՄ	1850 մ
Պաշտոնական լեզու	Հայերեն
Բնակչություն	157 մարդ (2011)
Ազգային կազմ	Հայեր
Ժամային գոտի	UTC+4
	Ուրցալանջ (Հայաստան)
	Ուրցալանջ (Հայաստան)
	Ուրցալանջ Վիքիպահեստում

Ուրցալանջ, գյուղ Հայաստանի Արարատի մարզում, մարզկենտրոնից գտնվում է 53 կմ հեռավորության վրա։

Պատմություն

Գյուղը հիմնադրվել է 1831 թվականին։ Նախկինում ունեցել է Զովաշեն, Քեշիշվերան, Քեշիշքենդ, Քեշիշքյանդ, Քեշվերան անվանումները։ Ուրցալանջ է վերանավանվել 1967 թվականին։ Գյուղից 2-3 կմ հյուսիս-արևմուտք գտնվում է Կապուտխաչ հնավայրը։ Գյուղը տեղադրված է Արածո գետի վերին հոսանքում, Գեղամա լեռների հարավահայաց լանջերին։ Ծովի մակարդակից ունի 1850 մ բարձրություն։

Կլիման

Կլիման բարեխառն լեռնային է։ Ձմեռը տևական է, ցուրտ, հաստատուն ձնածածկույթով։ Ամառը տաք է, համեմատաբար խոնավ։ Հունվարյան միջին ջերմաստիճանը տատանվում է -8-ից -12 °C , հուլիսյան միջինը՝ 15-ից 18 °C։ Բնական լանդշաֆտները սևահողային տափաստաններն են։ Ագրոկլիմայական տեսակետից ընկած է մասնակի ոռոգման գոտում։

Ունի սառնորակ աղբյուրներ։

Բնակչություն

Տարի	1831	1873	1897	1926	1939	1959	1970	1979	1989	2001	2004	2011
Բնակիչ	43	288^[2]	544	206	382	160	165	187	151	182	194	157^[1]

Տնտեսություն

Գյուղն ունի 55 տնտեսություն, տարրական դպրոց, գրադարան, բուժկետ, կապի հանգույց։ Համայնքի տնտեսության մասնագիտացման ճյուղը գյուղատնտեսությունն է, համախառն բերքի մեծ մասը տալիս է բուսաբուծությունը։ Գյուղատնտեսական նշանակության հողերը կազմում են շուրջ 2073 հա։ Համայնքի հողերի հիմնական մասն օգտագործվում են որպես վարելահողեր՝ զբաղեցնելով մոտ 225 հա։ Տնամերձ հողակտորներում ունի բազմամյա տնկարկներ։ Զբաղվում են դաշտավարությամբ, բանջարաբուծությամբ։ Մշակում են բանջարաբոստանային, հացահատիկային և կերային կուլտուրաներ։ Զբաղվում են խոշոր և մանր եղջերավոր անասնապահությամբ, թռչնաբուծությամբ։ Արդյունաբերություն չունի։