Կիսաանապատ

Կիսաանապատների բնական գոտին անցողիկ է՝ տարածված տափաստանների և անապատների միջև։

Կիսաանապատների տարածման շրջանները

Զոնայի կլիման ավելի ցամաքային է, քան տափաստաններում։ Հուլիսի միջին ջերմաստիճանը +22 +27 °C է։ Տարեկան տեղումների քանակը քիչ է՝ 200 - 300 մմ.։

Հողերը բաց շագանակագույն են և գորշ, շատ են աղուտները։ Հումուսի պարունակությունը շատ քիչ է։

Կիսաանապատային շրջան Կալահարիում

Կենդանական և բուսական աշխարը համապատասխանում է անապատների և տափաստանների տեսակներին։ Աճում է ավազուտային բոշխ, դաշտախոտ, օշինդր, աղուտաբույսեր, թփուտներ, կոշտ ու փշոտ խոտեր։ Շատ են բազմապիսի կրծողները՝ գետնասկյուռ, ճագարամուկ կամ գետնանապաստակ, ծվծվաններ կամ խոտադիրներ։ Խոշոր խոտակեր կենդանիներից կան այծքաղներ (սայգա, ջեյրան), որոշ վայրերում պահպանվել են վայրի ձիեր (Պրժևալսկու ձին)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 444)։