Ռիտա Լոբատու Վելյո Լոպես դե Ֆրեյտաս (պորտ.՝ Rita Lobato, հունիսի 7, 1866(1866-06-07), Rio Grande, Ռիու Գրանդի դու Սուլ, Բրազիլիա - հունվարի 6, 1954(1954-01-06), Rio Pardo, Ռիու Գրանդի դու Սուլ, Բրազիլիա), բրազիլացի բժշկուհի, քաղաքական գործիչ և ֆեմինիստուհի:

Ռիտա Լոբատու
Դիմանկար
Ծնվել էհունիսի 7, 1866(1866-06-07)
ԾննդավայրRio Grande, Ռիու Գրանդի դու Սուլ, Բրազիլիա
Մահացել էհունվարի 6, 1954(1954-01-06) (87 տարեկան)
Մահվան վայրRio Pardo, Ռիու Գրանդի դու Սուլ, Բրազիլիա
ՔաղաքացիությունFlag of Brazil (1889–1960).svg Բրազիլիա
Կրթությունfaculty of medicine?
Մասնագիտությունգրող և բժիշկ
Rita Lobato Վիքիպահեստում
Ռիտա Լոբատուն Բրազիլիայի նամականիշին, 1967 թվական

Բրազիլիայում բարձրագույն կրթություն ստացած (1887)[1] և Բրազիլիայում բժշկության ոլորտում գիտական աստիճան ստացած առաջին կինն է:

ԿենսագրությունԽմբագրել

1827 թվականին բրազիլացի կանանց թույլ են տվել դպրոց հաճախել։ Սակայն թույլտվությունը ներառել է միայն տարրական կրթությունը։ Ավելի ուշ` 1879 թվականին, կայսերական հրամանագրով իգական սեռը ևս ստացել է բարձրագույն կրթության թույլտվություն: Ռիտան ավարտել է դպրոցը։ Չնայած այս թույլտվության նվաճմանը` բոլոր կանայք, որոնք որոշել են գնալ այդ ճանապարհով, բախվել են մեծ նախապաշարմունքների և խտրականության: Որոշ մարդիկ պնդել են, որ կանայք շատ փոքր ուղեղ ունեն բժշկությունը հասկանալու համար, կամ որ կին բժիշկը երբեք ամուսին չի գտնի:

Ռիտա Լոբատուն ընդունվել է Ռիո դե Ժանեյրոյի բժշկական ֆակուլտետ, որտեղ նրա կրտսեր եղբայրը սովորել է դեղաբանություն: Ավելի ուշ իր համակուրսեցիների և պրոֆեսորների հետ կապված խնդիրների պատճառով տեղափոխվել է Սալվադորի բժշկական ֆակուլտետ (Բահիա):

1887 թվականին նա դարձել է առաջին բրազիլացի կինը և երկրորդ լատինամերիկուհին, որը ստացել է բժշկի դիպլոմ (առաջինը չիլիացի Էլոիսա Դիաս Ինսունսան է, որն ավարտել է բուհը 1886 թվականի նոյեմբերի 20-ին)։

Բրազիլիայի թերթերը նրան որպես օրինակ են ընդունել բրազիլացի աղջիկների համար։ Ավելի ուշ Ռիտա Լոբատուն ամուսնացել է և մի քանի տարի զբաղվել բժշկական գործունեությամբ։

Ֆեմինիստական շարժման մասնակիցը պայքարել է կանանց ընտրական իրավունքի համար, ինչն ավելի ուշ Ռիտա Լոբատուին բերել է քաղաքականություն: Բրազիլիայի ազատագրական կուսակցության («Partido Libertador») անդամ է։

Ընտրյալ հրատարակումներԽմբագրել

Նրա ընտրյալ հրատարակումները կոչվում են «Ապաքինում», «Բժշկության պատասխանատվություն», «Ցուցումներ, որոնք պահանջում են կեսարյան հատում»:

ՀիշատակԽմբագրել

1967 թվականին Բրազիլիայի փոստը թողարկել է Ռիտա Լոբատուի պատկերով նամականիշ, որը նվիրված է նրա ծննդյան հարյուրամյակին։

Նրա անունն է (Rua «Dra. Rita Lobato») կրում Պորտու Ալեգրիում և Ռիու Գրանդիում գտնվող փողոցները:

ԾանոթագրություններԽմբագրել

  1. «Роль женщины в медицине»։ Медицинские интернет-конференции։ 2017։ Վերցված է 2019-12-21 

Արտաքին հղումներԽմբագրել