Ջրահարս փոքր
| Ջրահարս փոքր | |
.jpg) Ջրահարս փոքր | |
| Դասակարգում | |
| Թագավորություն | Բույսեր (Plantae) |
| Վերնաբաժին | Բարձրակարգ բույսեր (Embryophyta) |
| Տիպ/Բաժին | Անոթավոր բույսեր (Tracheophyta) |
| Ենթատիպ | Սերմնավոր բույսեր (Spermatophytes) |
| Կարգ | Հովվափողածաղկավորներ (Alismatales) |
| Ընտանիք | Ջրազարդազգիներ (Hydrocharitaceae) |
| Ցեղ | Najas |
| Տեսակ | Ջրահարս փոքր (N. minor) |
| Միջազգային անվանում | |
| Najas minor | |
| Կարգավիճակ | |
Հատուկ պահպանության կարգավիճակ՝  Քիչ մտահոգող տեսակ | |
Ջրահարս փոքր (լատին․՝ Najas minor), ջրահարսազգիների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։
Նկարագրություն խմբագրել
Ջրային, խիտ ճյուղավորված, հաճախ կոտրատվող ցողուններով, սուզված կամ լողացող միամյա բույս է։ 0.6-0.9 մմ լայնությամբ, եզրերից՝ փոքրիշատե խոշոր, հիմքի մոտ հեռացած ատամիկներով տերևները օղակադիր են, դեղնականաչավուն տերևաթիթեղով։ Տերևապատյանները կարճ են, լայն, վերևում՝ ավելի մուգ գույնի ատամիկներով։ 4 մմ երկարությամբ, 1 մմ լայնությամբ պտուղը նստադիր է, 3-4 ողնուցանման, բարակ երկայնակի կողերով և դրանց միջև հորիզոնական բաց գույնի շերտերով[1]։
Տարածվածություն խմբագրել
Հայաստանում հանդիպում է Երևանի (Էջմիածին, Մասիս) և Ապարանի (Աղավնաձոր գյուղի մոտ Մարմարիկ գետի ձախափնյակում) ֆլորիստիկական շրջաններում։ Ընդհանուր արեալը ընդգրկում է Արևմտյան Նախակովկասը, Արևելյան, Հարավային Անդրկովկասը և Թալիշը, Եվրոպան, Արևմտյան Սիբիրը, Փոքր, Միջին և Արևելյան Ասիան, Իրանը, Հնդկաստանը, Հյուսիսային Աֆրիկան[1]։
Էկոլոգիա խմբագրել
Աճում է ստորին և միջին լեռնային գոտում` ծովի մակարդակից 800-1700 մ բարձրությունների վրա, ջրերում։ Ծաղկում է հունիս-հուլիս ամիսներին, պտղաբերում՝ հուլիս-օգոստոսին։ Հիդրոգամ՝ ջրում փոշոտվող բույս է[1]։
Պահպանություն խմբագրել
Խոցելի տեսակ է։ 1983 թ. հայտնաբերվել է նաև Ապարանի ֆլորիստիկական շրջանում։ Տարածման շրջանի մակերեսը 5000 կմ²-ից պակաս է, բնակության շրջանի մակերեսը՝ 500 կմ²-ից պակաս։ Հայաստանի Կարմիր գրքի առաջին հրատարակության մեջ ընդգրկված էր որպես ոչնչացման սպառնալիքի ենթակա տեսակ։ CITES-ի և Բեռնի կոնվենցիաների հավելվածներում բացակայում է[1]։
Պահպանության գործողություններ չեն իրականացվում[1]։
Ծանոթագրություններ խմբագրել
- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիցեղերն ունի նյութեր, որոնք վերաբերում են «Ջրահարս փոքր» հոդվածին։ |
 | Վիքիպահեստն ունի նյութեր, որոնք վերաբերում են «Ջրահարս փոքր» հոդվածին։ |