Վիքիպեդիա

Ջորջ Ֆրեդերիկ Ուոթս

անգլիացի նկարիչ և քանդակագործ

Ջորջ Ֆրեդերիկ Ուոթս (անգլ.՝ George Frederic Watts, փետրվարի 23, 1817(1817-02-23)[1][2][3][…], Լոնդոն, Մեծ Բրիտանիայի և Իռլանդիայի միացյալ թագավորություն - հուլիսի 1, 1904(1904-07-01)[1][2][3][…], Compton, Գիլֆորդ, Սյուրեյ, Անգլիա, Մեծ Բրիտանիայի և Իռլանդիայի միացյալ թագավորություն)՝ Վիկտորյական ժամանակաշրջանի անգլիացի սիմվոլիստ նկարիչ և քանդակագործ։ Ուոթսը հայտի է դարձել կենդանության օրոք՝ իր այլաբանական աշխատանքների շնորհիվ, ինչպիսիք են՝ «Հույս», «Սեր և կյանք»։

Ջորջ Ֆրեդերիկ Ուոթս
անգլ.՝ George Frederic Watts
George Frederic Watts by George Frederic Watts.jpg
Ծնվել էփետրվարի 23, 1817(1817-02-23)[1][2][3][…]
ԾննդավայրԼոնդոն, Մեծ Բրիտանիայի և Իռլանդիայի միացյալ թագավորություն
Վախճանվել էհուլիսի 1, 1904(1904-07-01)[1][2][3][…] (87 տարեկան)
Մահվան վայրCompton, Գիլֆորդ, Սյուրեյ, Անգլիա, Մեծ Բրիտանիայի և Իռլանդիայի միացյալ թագավորություն
ՔաղաքացիությունFlag of the United Kingdom (1-2).svg Մեծ Բրիտանիայի և Իռլանդիայի միացյալ թագավորություն
ԿրթությունԳեղարվեստի թագավորական ակադեմիա
Մասնագիտություննկարիչ և քանդակագործ
Ոճակադեմիզմ և սիմվոլիզմ[4]
Ժանրդիմապատկեր
Ուշագրավ աշխատանքներQ17491390?, Q17492586? և Hope?
Պարգևներ
Վաստակի շքանշան
ԱնդամակցությունԳեղարվեստի թագավորական ակադեմիա
ՀայրGeorge Watts?[5]
ԱմուսինԷլեն Արիս Տերրի[6] և Mary Fraser Tytler?[6]
ստորագրություն
Изображение автографа
Commons-logo.svg George Frederic Watts Վիքիպահեստում

ԿենսագրությունԽմբագրել

Նրա հայրը դաշնամուր լարող և պատրաստող էր։ Տաս տարեկանում ապագա նկարիչը դարձել է քանդակագործ Վիլյամ Բենեսի աշակերտը։ Ավելի ուշ, 18 տարեկանում ընդունվել է Թագավորական ակադեմիային կից արվեստի դպրոցը։ Աշխատանքը, որը Ուոթսին հաջողություն բերեց «Կարատակուսի հաղթական երթը Հռոմի փողոցներով» նկարն էր։ Այս ստեղծագործությունը հաղթեց Ազգային ժողովի վեսթմինսթերյան սրահում և Ուոթսին բերեց 300 ֆունտ դրամական պարգև։ Ստացած գումարը նրան հնարավորություն ընձեռեց 1843-1847-ական թվականներին ճանապարհորդել Իտալիա, որտեղ անտիկ ժամանակաշրջանի գլուխգործոցների և Վերածննդի ստեղծագործությունների ազդեցության շնորհիվ ձևավորվեց Ուոթսի ոճը։

Իտալիայից վերադառնալուց հետո Ուոթսը ձեռք բերեց դիմանկարչի և մասշտաբային այլաբանական կոմպոզիցիաների վարպետի համբավ։

1851-1875-ական թթ. ապրել է Պրինսեպ ամուսինների տանը և նրանց որդի Վալենտայնի ուսուցիչն էր։ Ուոթսի պնդմամբ տղան նկարչական կրթություն ստացավ։ Պրինսեպների տանը ապրելու ընթացքում Ուոթսը ստեղծել է հայտնի մարդկանց դիմանկարներ, այդ թվում՝ Լեյթոնի, Քարլայլի, Թեննինսոնի և այլոց։

Նկարչի ոճի փոփոխությունը տեղի է ունեցել 60-ականների վերջին և 70-ականների սկզբին։

1864 թվականին Ուոթսը ամուսնացել է դերասանուհի Էլեն Տերիի հետ։ Ամուսնությունը լուծարվեց 11 ամիս անց։ 1886 թ. Ուոթսի երկրորդ կինը դարձավ շոտլանդուհի նկարչուհի Մերի Ֆրեզեր Թիտլերը (1849-1938): 1891 թվականից ամուսնինները ապրում էին Լիմներլիզ տեղանքում։ 1903 թվականին տեղանքին կից բացվեց Ուոթսի թանգարանը, որի էքսպոզիցիայի մեջ ընդգրկված էին նրա ստեղծագործությունների մեծ մասը։ 1855 և 1894 թթ. նկարչին տրվում է բարոնի տիտղոս, սակայն Ուոթսը հրաժարվում է ինչպես տիտղոսից, այնպես էլ Թագավորական ակադեմիայի տնօրենի պաշտոնից։

Ուոթսը մահացել է Լիմներլիզում 1904 թ. հուլիսի 1-ին։ Թաղվել է մատուռում, որը կառուցվել էր նրա կնոջ նախագծով Ուոթսի թանգարանի մոտ։

ՊատկերասրահԽմբագրել

  • Պարոն Գալահադ

  • Պահապան հրեշտակ

  • Պաոլո և Ֆրանչեսկա

  • Պարիսի դատը

  • Օրփեոս և Էվրիդիկա

ԾանոթագրություններԽմբագրել

  1. ↑ 1,0 1,1 1,2 1,3 1,4 George Frederick Watts (նիդերլ.)
  2. ↑ 2,0 2,1 2,2 2,3 2,4 Benezit Dictionary of Artists — OUP, 2006. — ISBN 978-0-19-977378-7
  3. ↑ 3,0 3,1 3,2 3,3 3,4 Encyclopædia Britannica
  4. ↑ Cassou J., Brunel P., Claudon F., Pillement G., Richard L. Encyclopédie du symbolisme — 1979. — ISBN 2-85056-129-0
  5. ↑ Lundy D. R. The Peerage
  6. ↑ 6,0 6,1 Kindred Britain

ԳրականությունԽմբագրել

Արտաքին հղումներԽմբագրել

Ստացված է «https://hy.wikipedia.org/w/index.php?title=Ջորջ_Ֆրեդերիկ_Ուոթս&oldid=8210591» էջից