Ջորջ Անվին
Ջորջ Անվին (անգլ.՝ George Unwin, մայիսի 7, 1870[1], Ստոկպորտ, Մեծ Մանչեսթեր, Միացյալ Թագավորություն[2] - հունվարի 30, 1925[1], Withington, Քոսթուոլդ դիստրաքթ, Գլոստերշիր, Գլուսթերշիր, Անգլիա, Միացյալ Թագավորություն[3]), անգլիացի պատմաբան և տնտեսագետ, Մանչեստրի համալսարանի տնտեսագիտության պատմության պրոֆեսոր, Անգլիայի պատմության մեջ առաջին տնտեսության պատմության ամբիոնի հիմնադիրը, աշխատանքի, ֆինանսների և միջնադարյան գործամասերի պատմության մասին աշխատանքների հեղինակ։
Ջորջ Անվին | |
---|---|
Ծնվել է | մայիսի 7, 1870[1] Ստոկպորտ, Մեծ Մանչեսթեր, Միացյալ Թագավորություն[2] |
Մահացել է | հունվարի 30, 1925[1] (54 տարեկան) Withington, Քոսթուոլդ դիստրաքթ, Գլոստերշիր, Գլուսթերշիր, Անգլիա, Միացյալ Թագավորություն[3] |
Քաղաքացիություն | Մեծ Բրիտանիայի և Իռլանդիայի միացյալ թագավորություն |
Մասնագիտություն | համալսարանի դասախոս և տնտեսության պատմաբան |
Գործունեության ոլորտ | տմտեսության պատմություն |
Անդամակցություն | Թագավորական պատմական միության[3] |
Ալմա մատեր | Քարդիֆի համալսարան (1893)[3] և Լինկոլն Քոլեջ (1897)[3] |
Տիրապետում է լեզուներին | անգլերեն[1] |
George Unwin Վիքիպահեստում |
Կենսագրություն խմբագրել
Ջորջը ծնվել է 1870 թվականի մայիսի 7-ին Անգլիայի Լանկշաֆիր կոմսության Ստոկպորտ քաղաքի։ Ջորջը եղել է Էդվարդ Անվինի՝ հյուրանոցի սեփականատիրոջ և նրա կնոջ՝ Պրիսցիլայի՝ ծնված տեղացի վաճառողի ընտանիքում, վեց երեխաներից ավագը[4]։ Հայրը եղել է երկաթուղային նախկին ծառայող, իսկ Ջորջի ծնվելու ժամանակ հնաոճ մի փաբ է ունեցել քաղաքում, որը բավականաչափ եկամուտ չի բերել ընտանիքին[5]։
Ջորջը մինչև 13 տարեկանը (1883 թվական) սովորել է Էջլի Ուեսլիանի ցերեկային դպրոցում, իսկ հետո տեղափոխվել է Բապտիստական կիրակնօրյա դպրոցը։ Ոչ աշխատանքային օրերին Ջորջը որպես օգնական աշխատել է «Կարինգտոնը և որդնիները» գլխարկների գործվածքեղենի գործարանում, որտեղ ժամանակին աշխատել էր նրա մայրը։ Շուտով նա ստացել է գրասենյակային ծառայողի պաշտոն։ 1890 թվականին 20 տարեկան հասակում ընդունվել է Քարդիֆի համալսարան՝ ամեն տարի ստանալով 20 ֆունտ ստերլինգի չափով կրթաթոշակ։ 1893 թվականին, ստանալով դասական կրթաթոշակ, Ջորջն ընդունվել է Օքսֆորդի համալսարանի Լինքոլնի քոլեջը։ Ավարտելով այն՝ ստացել է կրթաթոշակ Օրիել քոլեջի կողմից, ինչն էլ նրան հնարավորություն է տվել 1898 թվականին 6 ամիս շարունակ սովորել Գերմանիայում։ Անվինը սովորել է որոշ առաջատար տնտեսագետների մոտ, որոնց թվում էր նաև Գուստավ ֆոն Շմոլլերը, որը չափազանց մեծ ազդեցություն է թողել նրա վրա[5]։
Վերադառնալով Բրիտանիա՝ 1899 թվականի հուլիսին դարձել է խորհրդարանի պատգամավոր Ռիչարդ Կոբդենի անձնական օգնականը։ 1904 թվականին Անվինը դարձել է Լոնդոնի տնտեսագիտության և քաղաքական գիտությունների դպրոցի կես դրույքով մշտական դասախոս։ 1906 թվականին ընտրվել է Թագավորական պատմական միավորման անդամ։ 1907 թվականին Անվինը պաշտոնը թողել է Ռիչարդ Կոբդենի մոտ։ 1908 թվականին դարձել է Էդինբուրգի համալսարանի տնտեսագիտության պատմության դասախոս։ 1910-1925 թվականներին համարվել է Մանչեստրի համալսարանի տնտեսագիտության պատմության՝ Բրիտանական կայսրության առաջին և միակ ամբիոնի պրոֆեսոր։ Նա նաև ուսուցանել է Բիրմինգհեմի համալսարանի առևտրային ֆակուլտետում[5]։
Անվինը մահացել է 1925 թվականի հունվարի 30-ին Մանչեստերում՝ 55 տարեկան հասակում[5]։
Ընտանիք խմբագրել
1902 թվականին Անվինը ամուսնացել է Ռևդ Մարկ Գայ Պիրսի 4 աղջիկներից 3-րդի՝ Ֆրենսիս Մաբել Պիրսի հետ։ Նրանք ծանոթացել են այն ժամանակ, երբ միասին աշխատելիս են եղել Մենսֆիլդ հաուսում տարբեր նախագծերում։ Սակայն նրանք երեխաներ չեն ունեցել[5]։
Մատենագիտություն խմբագրել
- Unwin G. Industrial Organisation in the Sixteenth and Seventeenth Centuries. London: Cass, 1904 (1957).
- Unwin G. Industries. Volume 2, pages 247–289 in The Victoria History of the County of Suffolk. Edited by William Page. London: Constable, 1907.
- Unwin G. The Gilds and Companies of London. 4th ed. New York: Barnes & Noble, 1908 (1964).
- Unwin G. Finance and Trade Under Edward III. London: Cass, 1918 (1962).
- Unwin G. Samuel Oldknow and the Arkwrights: The Industrial Revolution at Stockport and Margie. Manchester Univ. Press; New York: Longmans, 1924.
- Unwin G. Studies in Economic History: The Collected Papers of George Unwin.... Edited with an introductory memoir by R. H. Tawney. London: Macmillan, 1927
Ծանոթագրություններ խմբագրել
- ↑ 1,0 1,1 1,2 1,3 1,4 1,5 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 https://socialsciences.mcmaster.ca/econ/ugcm/3ll3/unwin/index.html
- ↑ 3,0 3,1 3,2 3,3 3,4 3,5 Oxford Dictionary of National Biography / C. Matthew — Oxford: OUP, 2004.
- ↑ Corley T.A.B. Unwin, George//Oxford Dictionary of National Biography
- ↑ 5,0 5,1 5,2 5,3 5,4 Corley T.A.B. George Unwin: a Manchester economic historian extraordinary//Henley Business School University of Reading Whiteknights, 2002
Վիքիպահեստն ունի նյութեր, որոնք վերաբերում են «Ջորջ Անվին» հոդվածին։ |