Ջովաննի Պաոլո Պանինի
Ջովաննի Պաոլո Պանինի (անգլ.՝ Giovanni Paolo Panini, հունիսի 17, 1691[1][2][3], Պյաչենցա, Էմիլիա Ռոմանիա[4][5] - հոկտեմբերի 21, 1765[6][7][8][…], Հռոմ, Պապական մարզ[4][5]), իտալացի նկարիչ, ճարտարապետ, ով աշխատել է Հռոմում և հայտնի է հատկապես իր բնապատկերներով։ Որպես նկարիչ, Պանինին հայտնի է իր Հռոմի տեսարաններով, որտեղ նա իր հատուկ հետաքրքրությունն է դրսևորել քաղաքի հնությունների շուրջ։ Նրա լավագույն աշխատանքներից են «Պանթեոն»֊ը և պատկերասրահներում ցուցադրվող Հռոմի բնապատկերներով նկարները։ Պանինիի աշխատանքներից շատերը, հատկապես որտեղ ավերակներ են, ունեն արտասովոր և ոչ իրական գեղեցկություն՝ բնորոշելով կապրիչոյի թեմաները։ Այստեղ նա հիշեցնում է իտալացի նկարիչ Մարկո Ռիչիին։ Պանինին նկարել է նաև դիմանկարներ, այդ թվում Պապ Բենեդիկտոս XIV֊ի դիմանկարը[11]։
Ջովաննի Պաոլո Պանինի | |
|---|---|
 | |
| Ծնվել է | հունիսի 17, 1691[1][2][3] |
| Ծննդավայր | Պյաչենցա, Էմիլիա Ռոմանիա[4][5] |
| Վախճանվել է | հոկտեմբերի 21, 1765[6][7][8][…] (74 տարեկան) |
| Մահվան վայր | Հռոմ, Պապական մարզ[4][5] |
| Քաղաքացիություն | Իտալիա |
| Մասնագիտություն | նկարիչ, ճարտարապետ և բեմանկարիչ |
| Ոճ | բարոկկո[9] |
| Ժանր | բնանկար[4][10], պատմական գեղանկարչություն[4], Ճարտարապետական նկարչություն[10] և դիմապատկեր[10] |
| Թեմաներ | գեղանկարչություն |
| Ուշագրավ աշխատանքներ | Ժամանակակից Հռոմ, Անտիկ Հռոմ և Roman Capriccio: The Pantheon and Other Monuments? |
| Ուսուցիչ | Giuseppe Natali?, Andrea Galluzzi?, Francesco Galli Bibiena? և Benedetto Luti? |
| Աշակերտներ | Giovanni Niccolò Servandoni? |
| Զավակներ | Francesco Pannini? |
 Giovanni Paolo Pannini Վիքիպահեստում | |
Կենսագրություն
խմբագրելՊաոլո Պանինին ծնվել է 1691 թվականի հունիսի 17֊ին։ Կրտսեր տարիքում Պանինին դասեր է ստացել իր հարազատ քաղաք Պյանչեցայում, Ջուզեպպե Նատալիի և Անդրեա Գոլուզիի մոտ, իսկ ավելի ուշ, բեմական դիզայներ Ֆրանչեսկո Գոլլի֊Բիբիենայի մոտ։ 1711 թվականին նա տեղափոխվեց Հռոմ, որտեղ և սովորեց նկարչություն Բենդետտո Լուտիի մոտ։ Հռոմոմ Պանինին հայտնի դարձավ, որպես պալատների դեկորատոր, այդ թվում նաև այնպիսի շինություններում աշխատանքներ կատարեց, ինչպիսիք են Պատրիցիի վիլան (1719–1725), Պալացցո դե Կառոլիսը (1720) և Հռոմեական սեմինարիան (1721–1722)։ 1719 թվականին նա ընդունվեց Հայրապետական թեմի գրականության եւ գեղարվեստի ակադեմիան։ Դասավանդեց Հռոմի Սան Լուկա քաղաքի ակադեմիայում և Ֆրանսիայի ակադեմիայում, որտեղ նա մեծ ազդեցություն ունեցավ ֆրանսիացի նկարիչ Ժան Օնորե Ֆրագոնարի վրա։ Պանինին մահացել է 1765 թվականի հոկտեմբերի 21֊ին, Հռոմում[11]։
Ժառանգություն
խմբագրելՊանինիի արվեստանոցը ներառում է ֆրանսիացի նկարիչ Հյուբեր Ռոբերի և իր որդու՝ Ֆրանցեսկո Պանինի աշխատանքները։ Նրա վեդուտների այդ ոճը ազդեցություն է թողել այլ բնանկարիչների վրա, հատկապես իր աշակերտների, ինչպիսին Անտոնիո Ջոնին է, ինչպես նաև իտալացի նկարիչներ, ճարտարապետական բնապատկերի՝ վեդուտների վարպետներ Ջովաննի Անտոնիո Կանալետտոյի և Բեռնարդո Բելլոտոյի վրա։ Որոշ անգլիացի նկարիչներ, այդ թվում Մարլոուն և Սքելթոնը, նույնպես ընդօրինակել են նրան։ Նկարիչ և ճարտարապետ լինելուց բացի, Պանինին Հռոմի ֆրանսիական ակադեմիայում հեռանկարի և օպտիկայի պրոֆեսոր էր։ Նրա հեռանկարի հմուտ կիրառումը ավելի ուշ ոգեշնչեց «Պանինի պրոեկցիայի» ստեղծմանը[12]։
Պատկերասրահ
խմբագրել-
Պանինի պանթեոն -
Պանինի հուշարձաններ -
Պանինի Կապրիցիո -
Հին Հռոմ -
Ժամանակակից Հռոմ -
Մոնտեսիտորիո -
Պանինի Սուրբ Պետրոս, Հռոմ -
Հովիվների երկրպագություն,Բրունքլինի թանգարանում -
-
Ծանոթագրություններ
խմբագրել- ↑ 1,0 1,1 Giovanni Paolo Pannini (նիդերլ.)
- ↑ 2,0 2,1 Ferrari A. M. Panini [Pannini, Giovanni [Gian] Paolo] // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — doi:10.1093/GAO/9781884446054.ARTICLE.T065056
- ↑ 3,0 3,1 Կերպարվեստի արխիվ — 2003.
- ↑ 4,0 4,1 4,2 4,3 4,4 4,5 4,6 4,7 http://www.getty.edu/vow/ULANFullDisplay?find=Giovanni+Paolo+Panini&role=&nation=&prev_page=1&subjectid=500018296
- ↑ 5,0 5,1 5,2 5,3 5,4 5,5 https://doi.org/10.1093/gao/9781884446054.article.T065056
- ↑ 6,0 6,1 6,2 RKDartists (նիդերլ.)
- ↑ 7,0 7,1 7,2 KulturNav — 2015.
- ↑ 8,0 8,1 8,2 Բրոքհաուզի հանրագիտարան (գերմ.)
- ↑ https://www.britannica.com/biography/Giovanni-Paolo-Pannini
- ↑ 10,0 10,1 10,2 https://rkd.nl/explore/artists/61709
- ↑ 11,0 11,1 Anna Maria Ferrari. "Panini, Giovanni Paolo." Grove Art Online. Oxford Art Online. 27 March 2010.
- ↑ Anna Maria Ferrari. "Panini, Giovanni Paolo." Grove Art Online. Oxford Art Online. 27 March 2010.
 | Վիքիպահեստն ունի նյութեր, որոնք վերաբերում են «Ջովաննի Պաոլո Պանինի» հոդվածին։ |