Վիքիպեդիա

Ջոան Կարլայլ (նկարչուհի)

Օպերային երգչուհի տես՝ Ջոան Կարլայլ (երգչուհի)։

Ջոան Կարլայլ կամ Կարել կամ Կարիել[6] (անգլ.՝ Joan Carlile, 1606[1][2], Լոնդոն, Անգլիայի թագավորություն - 1679[3][4][2][…], Լոնդոն, Անգլիայի թագավորություն[5][7], անգլիացի դիմանկարչուհի և առաջին բրիտանուհին, որը մասնագիտորեն զբաղվել է նկարչությամբ[8][9])։ Նրանից առաջ Բրիտանիայում աշխատած պրոֆեսիոնալ հայտնի նկարչուհիները ծնվել են Եվրոպայի այլ մասերում։

Ջոան Կարլայլ
Լեդի Վենտվորտի դիմանկարը
Ծնվել է1606[1][2]
ԾննդավայրԼոնդոն, Անգլիայի թագավորություն
Վախճանվել է1679[3][4][2][…]
Մահվան վայրԼոնդոն, Անգլիայի թագավորություն[5]
Քաղաքացիություն Անգլիայի թագավորություն
Մասնագիտություննկարչուհի և արվեստագետ
Ժանրդիմապատկեր
Թեմաներդիմանկար
ԱմուսինԼոդովիկ Կարել
 Joan Carlile Վիքիպահեստում

Կենսագրություն խմբագրել

 
«Լեդի Դորոթի Բրաունի և սըր Թոմաս Բրաունի դիմանկարը», հեղինակ՝ Ջոան Կարլայլ

Ջոան Կարլայլը՝ ծնյալ Ջոան Պալմեր, Լոնդոնի թագավորական զբոսայգիների պաշտոնյա Վիլյամ Պալմերի դուստրն էր[10]։ Նա կրկնօրինակում էր իտալացի նկարիչների աշխատանքներն ու դրանք վերարտադրում մանրանկարների տեսքով[10]։

1626 թվականի հուլիսին[6] ամուսնացել է պոետ ու դրամատուրգ Լոդովիկ Կարելի կամ Կարլայլի հետ[10], որը որպես Ռիչմոնդ զբոսայգու անտառապահի օգնական, բնակարան ուներ Պիտերշեմ Լոջում[11]։ 1654 թվականին զույգը տեղափոխվել է Լոնդոնի Կովենտ գարդեն թաղամասը[8], սակայն երկու տարի անց վերադարձել Պիտերշեմ[7], երբ Ստյուարտների վերականգնումից հետո Լոդովիկին կարգել էին «Պիտերշեմի տան ու զբոսայգու պահապան»։ Լոնդոն են վերադարձել 1665 թվականին[8]։

Լոդովիկը մահացել է 1675 թվականին ու հուղարկավորվել Պետերշեմի ծխական եկեղեցու բակում։ Ջոանը, որն այն ժամանակ բնակվում էր Սենտ-Մարտին-ին-դը-Ֆիլդզ ծխական համայնքում[6], վախճանվել է 1679 թվականին ու փետրվարի 27-ին հուղարկավորվել ամուսնու կողքին[6][7]։

Ունեցել են երկու զավակ՝ Ջեյմսը (ամուսնացել է Էլենի հետ և ունեցել երկու որդի) և Պենելոպեն (ամուսնացել է իրավաբան Ջոն Ֆիշերի հետ)[6]։

Ստեղծագործություններ խմբագրել

Կարլայլի «Լեդի Դորոթի Բրաունի և սըր Թոմաս Բրաունի դիմանկարը» աշխատանքը գտնվում է Լոնդոնի Դիմանկարների ազգային պատկերասրահում[12]։ Այնտեղ գտնվող «Սըր Թոմաս Բրաուն» դիմանկարը նույնպես վերագրվում է նկարչուհուն։

2016 թվականին Թեյթ պատկերասրահը ձեռք է բերել 1650-1655 թվականներին արված «Անհայտ կնոջ դիմանկար»-ը[13]։

Մոտավորապես 1648 թվականին[14] արված «Էլիզաբեթ Մյուրեյ, Դայսանտի կոմսուհի» կտավը, որտեղ տիկինը պատկերված է իր ամուսնու և քրոջ հետ, վերագրվել է Կարլայլին ու գտնվում է Ազգային հիմնադրամում[14][15]։ Կոմսուհու ևս մեկ դիմանկար գտնվում է Թիրլեսթեյն ամրոցում[16]։

«Կարլայլ ընտանիքը սըր Ջասթին Իշեմի հետ Ռիչմոնդ զբոսայգում» կտավը պահվում է Նորթհեմփթոնշիրի Լամպորտ գյուղում գտնվող Լամպորտ Հոլ դղյակում[17]։ «Եղջերուի որս»[10], «Եղջերուի որսը»[18] կամ «Եղջերուի որս Ռիչմոնդ զբոսայգում»[19] անուններով հայտնի այս նկարը ցուցադրվել է Թեյթ բրիտանական պատկերասրահում 1972 թվականին[10]։

Ողջ հասակով, սպիտակ հանդերձներով ու մանուշակագույն թիկնոցով մի կնոջ դիմանկար, որը ենթադրաբար լեդի Էնն Վենտվորթն է, գտնվում է մասնավոր հավաքածուում[20]։

Կարլայլին վերագրված դիմանկարի մի մանրանկար, որը կոչվում էր «Լանջազգեստին կրծքազարդով սպիտակազգեստ կինը», 2005 թվականին աճուրդի է հանվել Սոթբիսի կողմից Լոնդոնում[21]։

Տես նաև խմբագրել

Ծանոթագրություններ խմբագրել

  1. ↑ 1,0 1,1 RKDartists (նիդերլ.)
  2. ↑ 2,0 2,1 2,2 2,3 2,4 Artnet — 1998.
  3. ↑ 3,0 3,1 3,2 Joan Carlile — 2008.
  4. ↑ 4,0 4,1 4,2 RKDartists (նիդերլ.)
  5. ↑ 5,0 5,1 5,2 Union List of Artist Names — 2011.
  6. ↑ 6,0 6,1 6,2 6,3 6,4 Charles H Gray (1905). «Lodowick Carliell; his life, a discussion of his plays, and The deserving favourite, a tragi-comedy reprinted from the original edition of 1629». University of Chicago Press. Վերցված է 2013 թ․ մարտի 20-ին.
  7. ↑ 7,0 7,1 7,2 Arianne Burnette (2010). «Joan Carlile». Oxford Dictionary of National Biography. Oxford University Press. Վերցված է 2012 թ․ դեկտեմբերի 3-ին.
  8. ↑ 8,0 8,1 8,2 «Joan Carlile (1606?–1679): An Identification». The Burlington Magazine. 96 (618): 275–277. 1954 թ․ սեպտեմբեր. JSTOR 871403. {{cite journal}}: Cite uses deprecated parameter |authors= (օգնություն)
  9. ↑ Phaidon Editors (2019). Great women artists. Phaidon Press. էջ 87. ISBN 0714878774. {{cite book}}: |last1= has generic name (օգնություն)
  10. ↑ 10,0 10,1 10,2 10,3 10,4 Cathy Hartley (2004). A Historical Dictionary of British Women. Taylor & Francis. էջ 166. ISBN 978-020340390-7. Վերցված է 2016 թ․ փետրվարի 18-ին.
  11. ↑ David McDowall (1996). Richmond Park: The Walker's Historical Guide. էջ 47. ISBN 978-0952784708. OCLC 36123245. OL 8477606M.
  12. ↑ «Lady Dorothy Browne, née Mileham; Sir Thomas Browne». Art UK. Վերցված է 2016 թ․ մարտի 28-ին.
  13. ↑ «Tate acquires its earliest work by a woman artist» (Press release). London: Tate Gallery. 2016 թ․ սեպտեմբերի 20. Վերցված է 2018 թ․ հուլիսի 1-ին. «This new acquisition is the earliest work by a woman artist to enter the collection.»
  14. ↑ 14,0 14,1 «Elizabeth Murray, Countess of Dysart (1626–1698), with her First Husband, Sir Lionel Tollemache (1624–1669), and her Sister, Margaret Murray, Lady Maynard (c.1638–1682)». National Trust Collections. National Trust. Վերցված է 2014 թ․ ապրիլի 15-ին.
  15. ↑ «Elizabeth Murray (1626–1698), Countess of Dysart, with Her First Husband, Sir Lionel Tollemache (1624–1669), and Her Sister, Margaret Murray (c.1638–1682), Lady Maynard». Art UK. Վերցված է 2016 թ․ մարտի 27-ին.
  16. ↑ «Elizabeth Murray (c.1630–1698), Countess of Dysart and Duchess of Lauderdale». Art UK. Վերցված է 2016 թ․ մարտի 28-ին.
  17. ↑ «The Carlile Family with Sir Justinian Isham in Richmond Park». Art UK. Վերցված է 2016 թ․ մարտի 28-ին.
  18. ↑ Germaine Greer (2001). The Obstacle Race: The Fortunes of Women Painters and Their Work. London and New York: Tauris Parke. էջեր 255–256. ISBN 1 86064 677 8.
  19. ↑ «Stag hunt in Richmond Park». The art world in Britain 1660 to 1735. Արխիվացված է օրիգինալից 2016 թ․ մարտի 3-ին. Վերցված է 2016 թ․ փետրվարի 18-ին.
  20. ↑ «Lot 303: Joan Carlisle (London? c. 1606–1679 Petersham)». Important Old Master Paintings by Christie's. Invaluable. 2005 թ․ հունվարի 26. Արխիվացված է օրիգինալից 2018 թ․ դեկտեմբերի 19-ին. Վերցված է 2015 թ․ փետրվարի 22-ին.
  21. ↑ «Some works of Anna Joan Carlile». Arcadja. Վերցված է 2016 թ․ փետրվարի 18-ին.
 Վիքիպահեստն ունի նյութեր, որոնք վերաբերում են «Ջոան Կարլայլ (նկարչուհի)» հոդվածին։
Ստացված է «https://hy.wikipedia.org/w/index.php?title=Ջոան_Կարլայլ_(նկարչուհի)&oldid=9743527» էջից