Ազգային հիմնադրամ (Մեծ Բրիտանիա)
Պատմական հետաքրքրության կամ բնության գեղեցկության օբյեկտների ազգային հիմնադրամ (անգլ.՝ National Trust for Places of Historic Interest or Natural Beauty), սովորաբար կոչվում է Ազգային հիմնադրամ (անգլ.՝ National Trust), բրիտանական շահույթ չհետապնդող և ոչ պետական կազմակերպություն։ Հիմնադրվել է 1895 թվականին «ափերի, գյուղական շրջանների և Անգլիայի, Ուելսի ու Հյուսիսային Իռլանդիայի շինությունների» պահպանության համար։ Շոտլանդիայի տարածքում նմանատիպ գործունեություն է ծավալում Շոտլանդիայի ազգային հիմնադրամը[2]։
| Ազգային հիմնադրամ | |
|---|---|
 | |
| Տեսակ | national trust?, ոչ առևտրային կազմակերպություն և հավաքածու |
| Երկիր | .svg){kind=small} Միացյալ Թագավորություն |
| Կարգախոս | For ever, for everyone |
| Հիմնադրված | հունվարի 12, 1895[1] |
| Գլխադասային գրասենյակ | Սուինդոն, Միացյալ Թագավորություն |
| Գլխավոր քարտուղար | Չարլզ, Ուելսի արքայազն |
| Անձնակազմ | ▼7578 մարդ (2021) |
| Կայք | nationaltrust.org.uk |
ՊատմությունԽմբագրել
Հիմնադրամի ստեղծման նախաձեռնությունը պատկանում է Վիկտորյական Անգլիայի բարեգործ Օկտավիա Հիլլին (1838-1912)։ Նախաձեռնությանը ֆինանսական աջակցություն է ցուցաբերել Վեսթմինսթերյան առաջին դուքսը։ Օբյեկտների նշանակալի մասը հիմնադրամին անցել է ոչ թե գնման, այլ տերերի կտակագրման եղանակով։ Դա պայմանավորված էր նրանով, որ 20-րդ դարում շատ ազնվական ընտանիքներ կորցրին իրենց եկամտի ավանդական աղբյուրները և չկարողանալով իրենց քաղաքամերձ կալվածքները պահել բարվոք վիճակում՝ որոշեցին իրենց ընտանեկան օջախները փոխանցել Ազգային հիմնադրամին[3]։
Ներկայումս ազնվականների կալվածքներից բացի հիմնադրամը տնօրինում է բրիտանական ափի համեմատաբար անխնամ տարածքները (օրինակ՝ Բրաունսի և Լինդիսֆարն կղզիները) և Անգլիայի հյուսիսում գտնվող Լճային երկրամասի քառորդը։ Վերջին տարիներին հիմնադրամն ընդլայնում է իր գործունեությունը նոր տեսակի օբյեկտների վրա, ինչպես՝ Ջոն Լենոնի և Փոլ ՄաքՔարթնիի տները Լիվերպուլում[4]։
2005 թվականին հիմնադրամի շտաբ-կայանը տեղափոխվել է Սուինդոնի երկաթուղային դեպոյի վերակառուցված շինություն[5]։
Կարևոր օբյեկտներԽմբագրել
- Գլաստոնբերյան գերեզմանաթումբ (անգլ.՝ Glastonbury Tor)
- Ֆաունտինյան աբբայություն (անգլ.՝ Fountains Abbey)
- Սաթթոն-Հու հնագիտական տարածք (անգլ.՝ (Sutton Hoo)
- Սթոու պալատ և այգիներ
- Կլիվդեն (անգլ.՝ Cliveden)
- Սթոուրհեդ
- Հարդվիք հոլ (անգլ.՝ Hardwick Hall)
- Քեդլսթոն հոլ (անգլ.՝ Kedleston Hall)
- Փեթուորթ հաուս (անգլ.՝ Petworth House)
- Նոուլ հաուս (անգլ.՝ Knole House)
- Մոնթեքյութ հաուս
- Բելթոն հաուս (անգլ.՝ Belton House)
- Կորֆ ամրոց (անգլ.՝ Corfe Castle)
- Դրոգո ամրոց
- Թաթերշոլ ամրոց (անգլ.՝ Tattershall Castle)
ԾանոթագրություններԽմբագրել
- ↑ Deutsche Nationalbibliothek, Staatsbibliothek zu Berlin, Bayerische Staatsbibliothek, Österreichische Nationalbibliothek Record #17978-4 // Gemeinsame Normdatei (գերմ.) — 2012—2016.
- ↑ «What we do»։ National Trust։ Վերցված է մարտի 17, 2013
- ↑ «National Trust to review governance structure»։ www.civilsociety.co.uk։ Վերցված է 2018-10-17
- ↑ «Beatles Childhood Homes, National Trust»։ Վերցված է հունվարի 8, 2017
- ↑ «Heelis»։ National Trust։ Արխիվացված է օրիգինալից մայիսի 28, 2011-ին