Պատրիկ Ֆիորի

Պատրիկ Ֆիորի (ֆր.՝ Patrick Fiori), բուն ազգանունը Պատրիկ Ժան-Ֆրանսուա Շուշայան (ֆր.՝ Patrick Jean-François Chouchayan, սեպտեմբերի 23, 1969(1969-09-23), Մարսել), նշանավոր ֆրանսահայ երգիչ։ Երգում է ֆրանսերենով։ «Փարիզի Աստվածամոր տաճարը» (ֆր.՝ Notre Dame de Paris) երաժշտական ներկայացման աստղ. կատարել է արքայական հրաձիգների հրամանատարի՝ Ֆեբա դե Շատոպերի դերը։

Պատրիկ Ֆիորի Patrick Fiori
Ծնվել է	սեպտեմբերի 23, 1969(1969-09-23) (54 տարեկան)
Ծննդավայր	Մարսել
Քաղաքացիություն	Ֆրանսիա
Ազգություն	հայ և կորսիկացի
Մասնագիտություն	երգիչ, կոմպոզիտոր, երգերի հեղինակ և դերասան
Ամուսին	Ariane Quatrefages?
Ծնողներ	հայրը՝ Ժակ Շուշայան
Կայք	patrickfiori.net
Patrick Fiori Վիքիպահեստում

Կենսագրություն

Պատրիկ Ֆիորին ծնվել է 1969 թ. սեպտեմբերի 23-ին Մարսելում, իսկ այնուհետև ծնողները տեղափոխվել են Կորսիկա։ Հայրը հայազգի Ժակ Շուշայանն է, իսկ մայրը կորսիկուհի է։ Ֆիորին խոստովանում է, որ իր գործունեության սկզբում ընտանիքում մշտապես փողի խնդիր է եղել, և ծնողները ստիպված են եղել շատ աշխատել, որպեսզի ապահովեն երեխաներին։ Ինքը նույնպես կատարել է տարբեր աշխատանքներ, որպեսզի ինչ-որ կերպ օգնի հարազատներին՝ փորձելով իր ուժերը որպես պիցցայի վաճառող, էլեկտրիկ, դեկորատոր։ Ֆիորին նշում է.

«Ինչքան ես ինձ հիշում եմ, այնքան ես շրջապատված եմ եղել երաժշտությամբ։ Երբ ես փոքր էի, իմ քույրերը երգում էին շուրջս և ինձ երգով օրոր ասում։ Մեզ մոտ բոլորն են երգում, նույնիսկ՝ հայրս, որը, չնայած իր աղետալի ձայնին, ստեղծագործում և հնարում էր»։

Հիմա իր սիրելի կատարողների շարքում Պատրիկը նշում է Շառլ Ազնավուրին, Ժակ Բրելին, Էդիթ Պիաֆին, Տոտո Կուտունյոյին։ Առաջին ալբոմը նա թողարկել է 17 տարեկան հասակում։ Ապագա աստղի դեբյուտը կայացել է 12 տարեկան հասակում, հայտնի արտիստ Ֆրանկ Ֆեռնանդելի հրավերով՝ մասնակցելու նրա երաժշտական կոմեդիային։

Ալբոմներ

• 1994։ Puisque c'est l'heure
• 1995։ Le cœur à l'envers
• 1998։ Prends moi
• 2000։ Chrysalide
• 2002։ Patrick Fiori
• 2005։ Si on chantait plus fort
• 2008։ Les choses de la vie
• 2010։ L'instinct masculin
• 2014: Choisir
• 2017: Promesse

Համերգային ալբոմներ

• 2011։ L’instinct masculin Live

Հավաքածուներ

• 2007։ 4 mots

Նշանավոր սինգլներ

• 1993: "Mama Corsica"
• 1998: "Belle" w/ Դանիել Լավուա & Գարու
• 1998: "Elle est"
• 2000: "Que tu reviennes"
• 2003: "Je sais où aller"
• 2005: "Toutes les peines"
• 2007: "4 Mots sur un piano" w/ Ժան Ժակ Գոլդման & Քրիստին Րիկոլ
• 2015: "Corsica" w/ Պատրիկ Բրուել
• 2017: "Pour mieux s'aimer"
• 2017: "Chez nous (Plan d'Aou, Air Bel)" w/ Սոպրանո

Արտաքին հղումներ

• Պատրիկ Ֆիորիի պաշտոնական կայքէջ
• Պատրիկ Ֆիորիի կենսագրությունը Radio France internationale կայքէջում Արխիվացված 2005-11-23 Wayback Machine
• Պատրիկ Ֆիորիի հարցազրույցը ТВЦ ալիքի «Տրամադրություն» հաղորդման շրջանակներում։ Հարցազրույցը վարում է Ալեքսանդրա Գլոտովան, 2011 թ.

Վիքիպահեստն ունի նյութեր, որոնք վերաբերում են «Պատրիկ Ֆիորի» հոդվածին։