Պիեմոնտ (Piemonte), մարզ Իտալիայի հյուսիս-արևմուտքում, այդ երկրի 20 մարզերից մեկը[1]։ Ընդգրկում է Թուրին, Վերչելի, Կունեո, Ալեսանդրիա, Նովարա, Աստի գավառները։ Տարածությունը 25,4 հազար կմ2 է, բնակչությունը 4,2 միլիոն (1978)։ Վարչական և տնտեսական գլխավոր կենտրոնը՝ Թուրին։ Արդյունաբերության և կապիտալի համակենտրոնացումով երկրի տնտեսապես առավել զարգացած շրջաններից է։ Արդյունաբերության մեջ գերիշխում են երկրի խոշորագույն մոնոպոլիաները։ Զարգացած է մեքենաշինությունը (ավտոմոբիլաշինություն, տրակտորաշինություն, մոտորաշինություն, ավիացիոն, էլեկտրատեխնիկական արդյունաբերություն, գնդառանցքակալների, գրամեքենաների արտադրություն)։ Ավանդական ճյուղերից են տեքստիլ մեքենաների, ճշգրիտ սարքերի, գյուղատնտեսական գործիքների արտադրությունը։ Բրդյա գործվածքների, արհեստական մետաքսի, ցեմենտի արտադրությամբ Պիեմոնտը գրավում է 1-ին տեղը երկրում։ Կան էլեկտրամետալուրգիական, նավթավերամշակման, դեղագործական, սննդի ձեռնարկություններ, ՀԷԿ-եր, ՋԷԿ-եր, ԱԷԿ։ Մշակվող հողերը 1,5 միլիոն հա են (53% ֊ը՝ ցանքատարածություններ, 39% ը՝ մարգագետիններ ու արոտավայրեր, 8%-ը՝ պտղատու և խաղողի այգիներ)։ Բրնձի մշակմամբ երկրի առաջատար շրջաններից է։

Պիեմոնտ
Piemonte
flag of Piedmont? Զինանշան


ԵրկիրԻտալիա Իտալիա
ԿարգավիճակԻտալիայի շրջան
Մտնում է1206 կոմունա
ՎարչկենտրոնԹուրին
ԲԾՄ421 մետր
Օրենսդրական մարմինRegional Council of Piedmont?
Բնակչություն (2013)
4 436 798 (6-րդ տեղ)
Խտություն174,66
Տարածք25 402  (2-րդ տեղ)
Հիմնադրված է1970 թ.
Սահմանակցում էՎալե, Տիչինո, Լոմբարդիա, Էմիլիա Ռոմանիա, Լիգուրիա, Պրովանս-Ալպեր-Լազուր ափ, Ռոն-Ալպ, Վալլե Դ'Աոստա, Վերին Ալպերի Պրովանս, Ծովափնյա Ալպեր, Վերին Ալպեր, Սավոյ և Օվրեն-Ռոն-Ալպեր
Ժամային գոտիUTC+1
ISO 3166-2 կոդIT-21
regione.piemonte.it

Ծանոթագրություններ խմբագրել

  1. rai (2015 թ․ հունիսի 3). «An aerial view of Piedmont». Արխիվացված է օրիգինալից 2017 թ․ ապրիլի 8-ին – via YouTube.


Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 291