Բուրդ

Բուրդ, կենդանիներից` ոչխարից, այծից, ուղտից խուզվող մազածածկ, որն ունի մանվելու հատկություն և որից գործելու կամ թաղիքացնելու միջոցով հնարավոր է տարբեր գործվածքներ պատրաստել։ Մազածածկը, որից հնարավոր չէ գործվածք կամ թաղիք պատրաստել, չի պատկանում բրդային հումքին։
Իր ֆիզիկատեխնիկական, տեխնոլոգիական և մեխանիկական համալիր հատկություններով ոչխարի բուրդը համարվում է բարդ կառուցվածքով արժեքավոր հումք։ Այն ունի վատ ջերմահաղորդականություն, լավ էլեկտրաջերմամեկուսիչ է, ամուր է, խոնավածուծ է, բաց է թողնում օդը (շնչող է) և ուլտրամանուշակագույն ճառագայթները, օժտված է ներկվելու բացառիկ հատկությամբ և չափազանց հիգիենիկ է։

Բրդի հիմնական աղբյուր հանդիսացող ոչխարները

Բրդի տարբեր տարատեսակներ, ինչպես նաև բրդից պատրաստված նկար

Արտադրությունը

Բրդի տարեկան համաշխարհային արտադրությունը կազմում է մոտավորապես 1.3 միլիոն տոննա։

1. Ավստրալիա։ համաշխարհային խուզի 25%-ը (2004/2005 թթ. 475 միլիոն կգ չլվացած)
2. Չինաստան։ 18%
3. ԱՄՆ։ 17%
4. Նոր Զելանդիա։ 11%
5. Արգենտինա։ 3%
6. Թուրքիա։ 2%
7. Իրան։ 2%
8. Մեծ Բրիտանիա։ 2%
9. Հնդկաստան։ 2%
10. Սուդան։ 2%
11. Հարավային Աֆրիկա։ 1%

Արտաքին հղումներ

• Ավստրալիական բրդի շուկա
• AWI կայք Archived 2009-08-15 at the Wayback Machine.
• Բրդի արդյունաբերությունը Միացյալ նահանգներում Archived 2009-01-15 at the Wayback Machine.

Վիքիբառարան

Ընթերցե՛ք «բուրդ» բառի բացատրությունը Հայերեն Վիքիբառարանում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 619)։