Պատշգամբի մոտ։ Իսպանուհի Լեոնորան և Ամպարան

«Պատշգամբի մոտ։ Իսպանուհիներ Լեոնորան և Ամպարան» (ռուս.՝ У балкона. Испанки Леонора и Ампара), ռուս գեղանկարիչ, թատերական նկարիչ, մանկավարժ և գրող Կոնստանտին Կորովինի նկարներից։ Այս ստեղծագործությունը հեղինակը վրձնել է 1888-ից 1889 թվականներն ընկած ժամանակահատվածում։ Յուղաներկով կտավի չափերն են 62 × 39 սմ[1][2]։ Երբեմն կտավը կոչվում է «Պատշգամբի մոտ» և «Իսպանուհիները»։

Պատշգամբի մոտ։ Իսպանուհի Լեոնորան և Ամպարան
տեսակգեղանկար
նկարիչԿոնստանտին Կորովին
տարի1888
գտնվում էՏրետյակովյան պատկերասրահ
հավաքածուՏրետյակովյան պատկերասրահ
Ծանոթագրություններ

Այսօր «Պատշգամբի մոտ։ Իսպանուհիներ Լեոնորան և Ամպարան» ստեղծագործությունը պահպանվում և ցուցադրվում է Տրետյակովյան պատկերասրահում (Մոսկվա, Ռուսաստան

Նկարագիր

խմբագրել

«Պատշգամբի մոտ։ Իսպանուհիներ Լեոնորան և Ամպարան» ստեղծագործությունում Կորովինը պատկերել է երկու աղջկա։ Նրանք կանգնած են գորգին, պատուհանի մոտ, որը բացվում է դեպի պատշգամբ։ Այդ աղջիկները, հենված մեկը մյուսին, կտավի կոմպոզիցիայի կենտրոնական մասն են։ Նրանք աշխուժորեն հետաքրքրված են ինչ-որ բանով, որը կատարվում է փողոցում, այդ պատճառով էլ պատշգամբի պատուհանների շերտավարագույրների արանքից դուրս են նայում[3]։ Նկարիչը մեծ ուշադրություն է դարձրել լույսի նրբերանգի խաղերին, որոնք ներթափանցում ե շերտավարագույրի արանքից։ Թեթև, սահուն վրձնահարվածները կատարված են իմպրեսիոնիզմի ոճով, որին միահյուսվում է նաև մոդեռնիզմը[1]։

Պատմություն

խմբագրել

«Պատշգամբի մոտ։ Իսպանուհիներ Լեոնորան և Ամպարան» ստեղծագործությունը Կորովինը սկսել է նկարել 1888 թվականին Վալենսիայում, երբ ճանապարհորդում էր Իսպանիայում։ Կտավն ավարտին է հասցրել 1889 թվականին Մոսկվայում[4]։ Նկարիչը նշում է, որ Վալենսիայի հյուրանոցում նա շվեյցարին խնդրել է իր համար երկու մոդել իսպանուհի գտնի։ Որոշ ժամանակ անց բարապանը Կորովինի սենյակ է ուղեկցում երկու երիտասարդ իսպանուհու՝ Ամպարային ու Լեոնորային։ Նկարիչը խնդրում է աղջիկներին, որ կանգնեն պատշգամբի մոտ ու կեցվածք ընդունեն։ Վերջում աղջիկները հրաժարվում են նկարչի առաջարկած գումարից, բայց, ինչ-որ կերպ փոխհատուցել ցանկացող Կոնստանտին Կորովինը նրանց տանում է շուկա՝ գնելով կոշիկ ու չինական մետաքսից գլխաշոր[4]։

Նկարն առաջին անգամ հանրությանը ցուցադրվել է 1889 թվականին՝ Գեղարվեստական շրջիկ ցուցահանդեսների ընկերության 17-րդ ցուցահանդեսին[2]։

1900 թվականին կտավը ցուցադրվել է Փարիզում՝ Համաշխարհային ցուցահանդեսում։ Այստեղ հեղինակին շնորհում են ոսկե մեդալ։ Այս ցուցահանդեսին Կորովինը գերազանցում է Վիկտոր Վասնեցովին, Իսահակ Լևիտանին, Վասիլի Պոլենովին և Կոնստանտին Մակովսկուն[5][6]։

Ծանոթագրություններ

խմբագրել
  1. 1,0 1,1 «Коровин Константин Алексеевич — У балкона. Испанки Леонора и Ампара». Տրետյակովյան պատկերասրահ, www.tretyakovgallery.ru. Արխիվացված է օրիգինալից (HTML) 2012 թ․ հոկտեմբերի 1-ին. Վերցված է 02.08.2012-ին.
  2. 2,0 2,1 «Константин Коровин — У балкона. Испанки Леонора и Ампара». Сайт выставки ГТГ «Константин Коровин: живопись, театр», korovin.tretyakov.ru. Արխիվացված է օրիգինալից (HTML) 2012 թ․ հոկտեմբերի 1-ին. Վերցված է 02.08.2012-ին.
  3. Р. И. Власова. «Константин Коровин: Коровин в живописи и театре (часть 7)». Сайт, посвящённый Константину Коровину — kkorovin.ru. Արխիվացված է օրիգինալից (HTML) 2012 թ․ հոկտեմբերի 1-ին. Վերցված է 03.08.2012-ին.
  4. 4,0 4,1 «Константин Коровин. Галерея картин и рисунков художника — У балкона. Испанки Леонора и Ампара. 1888—1889». Сайт, посвящённый Константину Коровину — kkorovin.ru. Արխիվացված է օրիգինալից (HTML) 2012 թ․ հոկտեմբերի 1-ին. Վերցված է 02.08.2012-ին.
  5. «Письмо [[Васнецов, Виктор Михайлович|Виктора Васнецова]] [[Васнецов, Аполлинарий Михайлович|Аполлинарию Васнецову]] от 23 сентября 1900 года (с примечаниями)». Сайт, посвящённый Виктору Михайловичу Васнецову — www.vasnecov.ru. Արխիվացված է օրիգինալից (HTML) 2012 թ․ հոկտեմբերի 1-ին. Վերցված է 15.08.2012-ին. {{cite web}}: URL–wikilink conflict (օգնություն)
  6. «Университетский историк. Альманах. Выпуск 9: Русско-французские художественные связи на рубеже XIX–XX вв» (PDF). Санкт-Петербургский государственный университет — history.spbu.ru. 2011. Արխիվացված է օրիգինալից (PDF) 2012 թ․ հոկտեմբերի 1-ին. Վերցված է 15.08.2012-ին.

Արտաքին հղումներ

խմբագրել