Պաուլ Կլեեի կենտրոն

Պաուլ Կլեեի կենտրոն
Տեսակ	պատկերասրահ, հիշողությանն առնչվող հաստատություն, ոչ առևտրային կազմակերպություն և թանգարան
Երկիր	Շվեյցարիա
Տեղագրություն	Բեռն
Վայր	Schosshalde?
Մասն է	list of cultural properties in Bern / Kirchenfeld-Schosshalde?
Պատկանում է	Պաուլ Կլեեի կենտրոնի ամառային ակադեմիա և Kunstmuseum Bern – Zentrum Paul Klee umbrella foundation?
Ղեկավարության նստավայր	Zentrum Paul Klee, Բեռն
Հասցե	Monument im Fruchtland 3, 3006 Bern3006
Հիմնադրվել է	2005
Այցելուներ	148 610 մարդ (2018)
Տնօրեն	Նինա Ցիմմեր
Կայք	zpk.org

Պաուլ Կլեեի կենտրոն (գերմ.՝ Zentrum Paul Klee), թանգարան և ցուցահանդեսային կենտրոն, որի հիմնական ցուցադրությունը կազմում են Պաուլ Կլեեի ստեղծագործությունները։ Թանգարանը գտնվում է Բեռնում, Կլեեի թաղման տեղից ոչ հեռու^[7]։

Պատմություն

Ի սկզբանե թանգարան ստեղծելու գաղափարը պատկանել է նկարչի թոռանը՝ Ալեքսանդր Կլեեին։ 1997 թվականին Պաուլ Կլեեի հարսը՝ Լիվիա Կլեե-Մայերը Բեռն քաղաքին է նվիրել նկարչի մոտ 700 աշխատանքներ։ Ծրագիրը հնարավոր է դարձել Մորիս Էդմոն Մյուլերի և նրա կնոջ՝ Մարթա Մյուլերի նվիրատվությունների շնորհիվ^[8]։

Կենտրոնի արտասովոր շենքը նախագծել է իտալացի ճարտարապետ Ռենցո Պիանոն։ Նրա մտահղացմամբ շենքը իրենից ներկայացնում է «լանդշաֆտային քանդակ»․ նրա հարթ գծերը կրկնում են անտառապատ բլուրների ուրվագծերը հետին ֆոնին և ներդաշնակորեն միախառնվում շրջակա բնապատկերին^[7]։ Քանի, որ Կլեեի նկարները զգայուն են լույսի նկատմամբ, համալիրի հիմնական մասը գտնվում է գետնի տակ։ Շենքի կառուցման ընթացքում տեղանքից հանվել է 180000 խմ հող և բերվել մոտ երկու հազար պողպատե կոնստրուկցիաներ և 10000 խմ բետոն^[7]։

Կենտրոնի հանդիսավոր բացումը տեղի է ունեցել 2005 թվականի հունիսի 20-ին։ Կենտրոնում ցուցադրվում են Պաուլ Կլեեի մոտ 4000 կտավներ, ջրաներկ և գծանկարային աշխատանքներ^[9]։ Դրանցից մի քանիսը նախկինում ցուցադրվել են Բեռնի պատկերասրահում, սակայն Կենտրոնի բացումից հետո հնարավոր է դարձել այցելուներին ներկայացնել անհամեմատ մեծ թվով աշխատանքներ։ Այնուամենայնիվ, Կենտրոնի ցուցահանդեսային տարածքը թույլ չի տալիս միաժամանակ ցուցադրել ամբողջ հավաքածուն, ուստի ցուցահանդեսը մշտապես թարմացվում է թեմատիկ ցուցահանդեսների շրջանակներում^[10]։

Պաուլ Կլեեի կենտրոնը այցելուներին առաջարկում է լայնածավալ մշակութային ծրագիր։ Բացի թանգարանում կազմակերպվող ընդհանրացնող և թեմատիկ էքսկուրսիաներից, դրանք ներառում են նաև գրական և երաժշտական տարբեր միջոցառումներ։ Կենտրոնի ստեղծողները հաշվի են առել Կլեեի ստեղծագործության երկու կարևոր ասպեկտները՝ նրա կապը մանկական արվեստի և երաժշտության հետ և արտացոլել այդ ասպեկտները Կենտրոնի հայեցակարգում։ Այսպես՝ կենտրոնին կից ստեղծվել է Creaviva մանկական թանգարանը, որը կազմակերպում է տարբեր միջոցառումներ երիտասարդ այցելուների համար։ Բացի այդ, թանգարանն ունի իր երաժշտական խումբը՝ «Կլեեի անսամբլ»^[9]։

Գրականություն

Renzo Piano. Zentrum Paul Klee, Bern: the architecture. — Hatje Cantz Publishers, 2006. — 159 p.
Петрикова С. Центр Пауля Клее в Берне. — Третьяковская галерея : журнал. — 2007. — № 1 (14).

Ծանոթագրություններ

↑ ^1,0 ^1,1 ^1,2 ^1,3 Swiss GLAM Inventory, 16 September 2016 — 2016.
↑ ^2,0 ^2,1 archINFORM (գերմ.) — 1994.
↑ https://www.fundraiso.ch/sponsor/dachstiftung-kunstmuseum-bern-zentrum-paul-klee
↑ https://www.zpk.org/app/kmb/action/counterproxy/gb_zpk_kmb_2018_web.pdf?id=577
↑ https://www.tagesanzeiger.ch/kultur/kunst/nina-zimmer-wird-die-neue-superdirektorin/story/16746180
↑ https://www.zpk.org/admin/data/hosts/zpk/files/page_editorial_paragraph_file/file/430/geschaeftsbericht_zpk_kmb_2016.pdf?lm=1523875184
↑ ^7,0 ^7,1 ^7,2 Թանգարանի կայք, «Ճարտարապետություն»(անգլ.)
↑ Թանգարանի կայք, «Նվիրատվություններ»(անգլ.)
↑ ^9,0 ^9,1 Սոֆյա Պետրիկովա. Պաուլ Կլեեի կենտրոն Բեռնում
↑ Թանգարանի կայք, «Հավաքածու»(անգլ.)

Արտաքին հղումներ

Պաուլ Կլեեի կենտրոնի կայքը(գերմ.),(անգլ.),(ֆր.)
Picture Database of the artist Paul Klee
Zentrum Paul Klee Virtual Tour
Панорама Центра на сайте города Берн
Софья Петрикова. Центр Пауля Клее в Берне. Журнал «Третьяковская галерея». Специальный выпуск «Швейцария — Россия: на перекрестках культур».

Վիքիպահեստն ունի նյութեր, որոնք վերաբերում են «Պաուլ Կլեեի կենտրոն» հոդվածին։

[_cb8d91bebb2a643d-1] 1,0 ^1,1 ^1,2 ^1,3 Swiss GLAM Inventory, 16 September 2016 — 2016.

[_ad19439cbe6f161e-2] 2,0 ^2,1 archINFORM (գերմ.) — 1994.

[_4ca326ed7cc60ba5-3] ttps://www.fundraiso.ch/sponsor/dachstiftung-kunstmuseum-bern-zentrum-paul-klee

[_fdff2fc6fc8a76bb-4] ttps://www.zpk.org/app/kmb/action/counterproxy/gb_zpk_kmb_2018_web.pdf?id=577

[_734750b8c789f095-5] ttps://www.tagesanzeiger.ch/kultur/kunst/nina-zimmer-wird-die-neue-superdirektorin/story/16746180

[_1348913837a33f63-6] ttps://www.zpk.org/admin/data/hosts/zpk/files/page_editorial_paragraph_file/file/430/geschaeftsbericht_zpk_kmb_2016.pdf?lm=1523875184

[S-Arch-7] 7,0 ^7,1 ^7,2 Թանգարանի կայք, «Ճարտարապետություն»(անգլ.)

[8] Թանգարանի կայք, «Նվիրատվություններ»(անգլ.)

[Petr-9] 9,0 ^9,1 Սոֆյա Պետրիկովա. Պաուլ Կլեեի կենտրոն Բեռնում

[10] Թանգարանի կայք, «Հավաքածու»(անգլ.)

[7]

[1]

[2]

[3]

[4]

[5]

[6]

[8]

[9]

[10]