Ոսկե տղան

«Ոսկե տղան» (ռուս.՝ «Золотой мальчик»), խորհրդային տիկնիկային մուլտֆիլմ, որը ստեղծել է ռեժիսոր Վադիմ Կուրչևսկին 1969 թվականին «Սոյուզմուլտֆիլմ» կինոստուդիայում Տիկնիկային մուլտֆիլմերի ստեղծագործական միավորման կողմից։

Ոսկե տղան
Տեսակ	կարճամետրաժ մուլտիպլիկացիոն ֆիլմ
Ռեժիսոր	Վադիմ Կուրչևսկի
Հնչյունավորում	Կլարա Ռումյանովա, Անատոլի Պապանով և Գոտլիբ Ռոնինսով
Երաժշտություն	Ալեքսանդր Զացեպին և Գեորգի Գարանյան
Օպերատոր	Միխայիլ Կամենեցկի և Թեոդոր Բունիմովիչ
Երկիր	ԽՍՀՄ
Ընկերություն	Սոյուզմուլտֆիլմ
Թվական	1969

Սյուժե

Մի քաղաքում ապրում էին Սև ավազակը, Վարդագույն թագավորը, Կապույտ տիկինը, Կանաչ արջը և Ոսկե տղան։ Առաջին չորս հերոսները կարծում են, որ տղան բառացիորեն ոսկե է և երազում է ստանալ նրան՝ որպեսզի կատարվեն իր երազանքները. ավազակը ցանկանում է «թողնել գործը» և հանգստանալ առողջավայրում, թագավորը՝ գնել նոր գահ, տիկինը՝ զարդեր, իսկ արջը՝ հեռացվածների փոխարեն տեղադրել ոսկե ատամներ և դառնալ «գազանների թագավոր»։

Բայց իրականում տղան պարզապես կարմրահեր է, և նրան ոկես կոչվում են միայն կարեկից լինելու համար։ Այսպես, նա օգնում է արջին տեղադրել սպիտակ ատամներ, որոնք, նրա կարծիքով, ավելի գեղեցիկ են, ինչի շնորհիվ արջը կրկին կարող է ուտել քաղցրավենիք։ Ավազակին տղան խորհուրդ է տալիս աշխատանքի ընդունվել որպես բակապան, ինչի շնորհիվ նա ուրախությամբ նոր կյանք է սկսում։ Տիկնոջը նա փրկում է մենակությունից՝ նրա հետ խաղալով շարժական խաղեր, և նա վերադարձնում է իր նախկին գեղեցկությունն ու երիտասարդությունը և հրաժարվում է սպառումից։ Եվ միայն թագավորը երկար ժամանակ չի կարողանում հրաժարվել հին նախապաշարմունքներից, բայց բառացիորեն թանգարանային ցուցանմուշ դառնալու հեռանկարի դեպքում ընտրում է նոր ընկերներին՝ հրաժարվելով արտոնություններից։ Արդյունքում բոլորը հասկանում են, որ նյութական հարստությունը կյանքում ամենակարևորը չէ։

Նկարահանող խումբ

Սցենարիստներ	Ե. Պատրիկ, Վադիմ Կուրչևսկի
Ռեժիսոր	Վադիմ Կուրչևսկի
Բեմադրող նկարիչ	Օլգա Գվոզդևա
Օպերատորներ	Միխայիլ Կամենեցկի, Թեոդոր Բունիմովիչ
Կոմպոզիտորներ	Ալեքսանդր Զացեպին, Գեորգի Գարանյան
Երգի տեքստերը	Ալեքսանդր Տիմոֆեևսկի
Հնչյունային օպերատոր	Վլադիմիր Կուտուզով
Մոնտաժող	Նադեժդա Տրեշչյովա
Խմբագիր	Ռաիսա Ֆրիչինսկայա
Մուլտիպլիկատորներ	Մայա Բուզինովա, Վյաչեսլավ Շիլոբրեև, Պավել Պետրով, Յուրի Կլեպացկի
Տիկնիկներն ու դեկորացիաները պատրաստել են	Վլադիմիր Աբակումով, Գալինա Գետինգեր, Վիկտոր Գրիշին, Սվետլանա Զնամենսկայա, Վ. Կալաշնիկովա, Վ. Կուրանով, Գենադի Լյուտինսկի, Օլեգ Մասաինով, Վալերի Պետրով, Մարինա Չեսնոկովա, Սեմյոն Էտլիս, Ռոման Գուրովի ղեկավարությամբ
Ֆիլմի տնօրեն	Նաթան Բիտման
Դերերը հնչյունավորել են	Կլարա Ռումյանովա — Ոսկե տղա / քաղաքացուհիներ Անատոլի Պապանով — պատմող / Սև ավազակ / Կանաչ արջ Գոտլիբ Ռոնինսոն — Վարդագույն թագավոր / Կապույտ տիկին / ատամնաբույժ

Քննադատների արձագանք

...Փորձ կատարելով տիկնիկային ֆիլմի ոլորտում՝ Կուրչևսկին շարունակում է ռեժիսորական զինանոցը համալրել ծավալուն անիմացիայի արտահայտիչ միջոցներով, կուտակում է նախկինում վիճելի և ժամանակի ընթացքում անվերապահորեն ընդունելի դարձած իր էկրանային նորամուծությունները... արվել է այդպիսի գեղարվեստական հայտնագործություն։
...Կուրչևսկին փորձում է գտնել տիկնիկային անիմացիայի մեջ կոլորիստական դրամատուրգիայի կիրառման տարբեր եղանակներ... ...«Ոսկե տղայի» մեջ առավել հերոսների գունավորումը (ավազակն այնտեղ գեր է ու սև, տիկին, որ տարված է ձեռք բերելու մոլուցքով, գեր է ու վառ կարմիր և այլն), ինչը համապատասխանում է իրենց «ներքին» էությանը։ Եվ միայն «ոսկե» տղան, ըստ էության, ոչ թե ոսկե է, այլ սովորական հմայիչ տղա, որը, ճիշտ է, կարող է մարդկանց (նույնիսկ այնպիսի անպիտաններին, ինչպես վերոհիշյալ ավազակն ու քաղքենուհին) համար կատարել բարի և օգտակար գործեր և դրանով իսկ վերադաստիարակել նրանց։

Բնօրինակ տեքստ (ռուս.)  

…экспериментируя в области кукольного фильма, Курчевский продолжает пополнять режиссёрский арсенал выразительных средств объёмной мультипликации, накапливает свои, когда-то спорные, а со временем ставшие безусловными экранные новации. …было сделано некое художественное открытие.
…Курчевский пытается найти различные способы применения колористической драматургии в кукольной мультипликации…. …в «Золотом мальчике», самая раскраска персонажей (разбойник там был тощим и чёрным, дама, одержимая манией приобретательства, толстой и пунцовой и т. д.) соответствовала их «внутренней» сущности. И только «золотой» мальчик на самом деле оказывался никаким не золотым, а самым обыкновенным симпатичным мальчуганом, умеющим, правда, делать людям (даже таким негодным, как вышеуказанные разбойник мещанка) добрые и полезные дела и тем самым перевоспитывать их.

— Լ. Զակրժևսկայա, «Վադիմ Կուրչևսկի», «Մուլտիպլիկացիոն կինոյի վարպետները» շարքից, Մոսկվա, 1987 թվական

Վերաթողարկում

• Մուլտֆիլմը թողարկվել է DVD-ով «Ո՞վ լինել, ինչպիսի՞ն լինել։ Թողարկում 1», «Սոյուզմուլտֆիլմ» (տեղայնացնող՝ «Союз») հավաքածուում։

Գրականություն

• Людвига Феофиловна Закржевская Вадим Курчевский. Из серии «Мастера мультипликационного кино». Союз кинематографистов СССР. Всесоюзное бюро пропаганды киноискусства. Москва, 1987. Тираж 40 000 экз.

Արտաքին հղումներ

• «Золотой мальчик» մուլտֆիլմը «Անիմատոր.ռու» կայքում
•  «Золотой мальчик»
• Вадим Курчевский: Тексты Энциклопедия отечественного кино