Ոսկեվան

գյուղ ՀՀ Տավուշի մարզում

Ոսկեվան (նախկին անվանումը՝ Ղոշղոթան), գյուղ Հայաստանի Հանրապետության Տավուշի մարզում, նախկին Նոյեմբերյանի շրջանում, մարզկենտրոնից 33 կմ հյուսիս-արևմուտք, Ոսկեպարի լեռնաշղթայի հարավային լանջին։ Գյուղը մինչև 1978 թ. կոչվել է Ղոշղոթան, իսկ 1978 թվականից Ոսկեվան։

Գյուղ
Ոսկեվան
ԵրկիրՀայաստան Հայաստան
ՄարզՏավուշ
Հիմնադրված էXIV դար թ.
Այլ անվանումներԿոշկոտան, Ղոշղոթան
ԲԾՄ930 մ
Կլիմայի տեսակմերձարևադարձային
Պաշտոնական լեզուՀայերեն
Բնակչություն1256[1] մարդ (2011)
Ազգային կազմՀայեր
Տեղաբնականունոսկևանցի
Ժամային գոտիUTC+4
Ոսկեվան (Հայաստան)##
Ոսկեվան (Հայաստան)

Ըստ մեզ հասած տվյալների, մի անգամ գյուղացիները, որոնք հարկ էին վճարում նաև թուրք բեկերին, սկսել էին աշնանացան վարի աշխատանքները, երբ բեկերն իրենց հարկահանների հետ գյուղ են մտնում տվյալ տարվա չվճարած հարկը հավաքելու։ Նրանք պահանջում են դադարեցնել վարի աշխատանքները և հավաքել տրվելիք հարկերը։ Հարկը հավաքելուց հետո թուրք բեկը թույլ է տալիս շարունակել վարի աշխատանքները, ասելով՝ գոշքոթանլարը, այսինքն՝ լծեք գութանները, այստեղից էլ Գոշքոթան՝ Ղոշղոթան անվան ծագումը։

1978 թ. Նոյեմբերյանի շրջսովետի գործկոմի նախաձեռնությամբ՝ նախագահ Սուրեն Սարիբեկի Անտոնյան, միջնորդություն ներկայացվեց ՀԽՍՀ Գերագույն խորհուրդ՝ շրջանի 3 բնակավայրերի անվանափոխության վերաբերյալ։ Առաջարկվեց Դոստլուն անվանել Բարեկամավան, Ղալաչան՝ Բերդավան, Ղոշղոթանը՝ Ոսկեվան։ Ղոշղոթանցիները սիրով համաձայնեցին և ընդունեցին գյուղի նոր անունը։

Ոսկեվանը գտնվում է նախկին շրջկենտրոն Նոյեմբերյանից 16 կմ, մարզկենտրոն Իջևանից՝ 45 կմ, և Երևանից՝ 180 կմ հեռավորության վրա[2]։

Բնակչություն խմբագրել

Ըստ Հայաստանի 2011 թ. մարդահամարի արդյունքների՝ Ոսկեվանի մշտական բնակչությունը կազմել է 1256, առկա բնակչությունը՝ 1206 մարդ[1], բնակչության փոփոխությունը ժամանակի ընթացքում` ստորև[3].

Տարի 1831 1873 1897 1926 1939 1959 1970 1979 1989 2001 2011
Բնակիչ 354[4] 646[4] 1041 1204 1681 1186 1571 1495 1621 1381 1256[1]

Տնտեսություն խմբագրել

Բնակչությունը զբաղվում է անասնաբուծությամբ, պտղաբուծությամբ, ծխախոտագործությամբ, հացահատիկի և կերային կուլտուրաների մշակությամբ։

Պատմամշակութային կառույցներ խմբագրել

Ոսկեվանի մեջ է Սուրբ Գայանե եկեղեցին, 4 կմ արևմուտքում՝ Շեկ աղբյուր, 3 կմ հյուսիս՝ Ոսկեվան, 3 կմ արևելք՝ Խլեզձոր և 5 կմ հյուսիս՝ Սռի գյուղատեղիները։

Գյուղի հին գերեզմանոցի հարավային մասում կանգուն է բռնչենի ծառը, որի տարիքը ոչ ոք չգիտի, ենթադրվում է որ այդ ծառը գյուղի հասակակիցն է։ Ծառի առջևի մասում Զորավար Անդրանիկի ծննդյան 125-ամյակի կապակցությամբ 1990 թ. կառուցվել է նրա կիսանդրին։ Կիսանդրին քանդակել է հարևան Ոսկեպար գյուղի բնակիչ Հրաչիկ Եգորի Ալավերդյանը։ Հուշարձանի բացման արարողությանը ներկա էր նաև Հայաստանի ազգային հերոս Գեղազնիկ Արմենակի Միքայելյանը[2]։

Տես նաև խմբագրել

Ծանոթագրություններ խմբագրել

  1. 1,0 1,1 1,2 2011 թ Հայաստանի մարդահամարի արդյունքները
  2. 2,0 2,1 Սաֆարյան, Երվանդ (2012). Ոսկեվան. Երևան.{{cite book}}: CS1 սպաս․ location missing publisher (link)
  3. «Հայաստանի հանրապետության բնակավայրերի բառարան, էջ 162» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2014 Մայիսի 24-ին.
  4. 4,0 4,1 Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»