Նինայի կապտաթիթեռ
Նինայի կապտաթիթեռ | |
Դասակարգում | |
Թագավորություն | Կենդանիներ (Animalia) |
Տիպ/Բաժին | Հոդվածոտանիներ (Arthropoda) |
Ենթատիպ | Վեցոտանիներ (Hexapoda) |
Դաս | Միջատներ (Insecta) |
Կարգ | Թիթեռներ (Lepidoptera) |
Ընտանիք | Կապտաթիթեռներ (Lycaenidae) |
Ցեղ | Polyommatus |
Ենթացեղ | Agrodiaetus |
Տեսակ | Նինայի կապտաթիթեռ (P. ninae) |
Միջազգային անվանում | |
Polyommatus ninae |
Նինայի կապտաթիթեռ (լատին․՝ Agrodiaetus ninae), կապտաթիթեռների ընտանիքին պատկանող միջատ։ Գրանցված է Հայաստանի Հանրապետության Կարմիր գրքում։
Նկարագրություն
խմբագրելՈչ խոշոր չափի թիթեռ է, որի արուների առջևի թևի երկարությունը 15-20 սմ է, թևերն ընդհանուր երկնագույն երանգով են և մետաքսյա փայլով, ջղերի դիստալ ծայրերը՝ սև փոշեծածկով, թևերի ստորին մակերեսն ունի սեռին բնորոշ հետին թևերի վրա լավ արտահայտված սպիտակ մանրագիծ, հետին թևերի դիսկալ պուտը և հետդիսկալ պտերի շարքը լավ են զարգացած[1]։
Տարածվածություն
խմբագրելՏարածված է Վրաստանում, Հյուսիսարևելյան Թուրքիայում։ Հայաստանում հայտնի է Շիրակի (Ջաջուռի լեռնանցք), Կոտայքի (Գեղարդի վանք` Գողթ գյուղի մոտ), Գեղարքունիքի (Շորժա) և Վայոց ձորի (Վայք քաղաքի շրջակայք, Մարտիրոս, Գնիշիկ գյուղեր) մարզերից և «Խոսրովի անտառ» պետական արգելոցի Գառնիի հատվածից[1]։
Էկոլոգիա
խմբագրելԱպրում են 1300-2300 մ բարձրությունների վրա՝ գիհու նոսրանտառներում, տրագանտներում։
Տալիս են մեկ սերունդ, թռիչքը` հուլիսի սկզբից մինչև օգոստոսի կեսը։ Թրթուրը զարգանում է Astragalus brachycarpus, Astragalus subrobustus վեգետացիան ավարտած բույսերի տերևների և ծաղկաբույլերի վրա։ Ձմեռում են առաջին հասակի թրթուրները[1]։
Պահպանություն
խմբագրելՍահմանափակ, կտրատված արեալով հազվագյուտ տեսակ է։ Բնության պահպանության միջազգային միության Կարմիր ցուցակի չափորոշիչներով գնահատվում է որպես խոցելի տեսակ։
Թվաքանակը չափավոր բարձր է՝ խիստ տատանումներով տարբեր տարիներին, թվաքանակի փոփոխության միտումները բացահայտված չեն։
Վտանգման հիմնական գործոններն են խոպան հողերի հերկումը, անասունների գերարածեցումը։
Պահպանվում է «Խոսրովի անտառ» պետական արգելոցում և «Սևան» ազգային պարկում[1]։
Ծանոթագրություններ
խմբագրել- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
Վիքիցեղերն ունի նյութեր, որոնք վերաբերում են «Նինայի կապտաթիթեռ» հոդվածին։ |