Թրթուր, կենդանիների (մեծ թվով անողնաշարավորների և որոշ ողնաշարավորների՝ ձկների, երկկենցաղների) անհատական զարգացման փուլ, երբ ձվաբջջում սննդարար նյութերի քանակը չի բավականացնում սաղմնային զարգացումն ավարտելու համար։ Թրթուրային շրջանում օրգանիզմն ինքնուրույն կյանք է վարում և մեծ մասամբ ունենում է հատուկ օրգաններ, որոնք հատկանշական չեն հասուն ձկներին։ Շատ կենդանիների, թրթուրների և հասուն ձկների կյանքի պայմանները տարբերվում են միմյանցից։ Օրինակ՝ բազմախոզան որդերի և շատ փափկամարմինների թրթուրը՝ տրոխոֆորան ազատ լողացող է, իսկ հասուն անհատները հատակային կյանք են վարում։ Թրթուրի առկայությունը զարգացման շրջանում երբեմն կապված է ապրելավայրի փոփոխության հետ, օրինակ՝ երկկենցաղներից շատերի թրթուրները հարմարված են ջրում ապրելուն, հասուն ձևերը՝ ցամաքում։

առագաստավոր թրթուր

Թրթուրի մարմնի կառուցվածքը խմբագրել

Թրթուրի մարմնի կառուցվածքը
 

  1. Գլուխ
  2. Կուրծք
  3. Որովայն
  4. Մարմին հատված
  5. Բեղիկներ
  6. Որովայնային (կեղծ) ոտքերը
  7. Օդանցք (խարան)
  8. Կրծքային (իսկական) ոտքեր

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 227