Նիկոլայ Սապունով (ռուս.՝ Николай Николаевич Сапунов, դեկտեմբերի 17 (29), 1880, Մոսկվա, Ռուսական կայսրություն[1] - հունիսի 14, 1912(1912-06-14)[2], Զելենոգորսկ, Վիբորգի նահանգ, Ռուսական կայսրություն), ռուս նկարիչ։

Նիկոլայ Սապունով
Николай Сапунов
Ծնվել էդեկտեմբերի 17 (29), 1880
ԾննդավայրՄոսկվա, Ռուսական կայսրություն[1]
Վախճանվել էհունիսի 14, 1912(1912-06-14)[2] (31 տարեկան)
Մահվան վայրԶելենոգորսկ, Վիբորգի նահանգ, Ռուսական կայսրություն
Քաղաքացիություն Ռուսական կայսրություն
ԿրթությունՄոսկվայի նկարչության, քանդակագործության և ճարտարապետության ուսումնարան, Իսահակ Լևիտան, Վալենտին Սերով և Կոնստանտին Կորովին
Մասնագիտություննկարիչ
Ոճսիմվոլիզմ[3]
Ժանրնատյուրմորտ
 Nikolay Sapunov Վիքիպահեստում

1893-1901 թվականներին սովորել է Մոսկվայի գեղանկարչության, քանդակագործության և ճարտարապետության ուսումնարանում։ «Գոլուբայա ռոզա» խմբավորման ցուցահանդեսի (1907) մասնակից։ Ստեղծել է դեկորատիվ նատյուրմորտներ («Սկահակներ և ծաղիկներ», տեմպերա, 1910, Տրետյակովյան պատկերասրահ, Մոսկվա), գրոտեսկային կենցաղային պատկերներ («Կարուսել», տեմպերա, յուղաներկ, 1908, (Սանկտ Պետերբուրգ), որոնց բնորոշ է իրականության և թատերայնության զուգորդումը, վառ գուներանգը։

1905 թվականից մասնակցել է Վսևոլոդ Մեյերխոլդի «սիմվոլիկ» թատրոնի ստեղծմանը, հեղինակի, բեմադրողի և նկարչի ձգտումների համադրություն է եղել Ալեքսանդր Բլոկի «Բալագանչիկ» բեմադրությունը Վ․ Կոմիսարժևսկայայի անվան ակադեմիական դրամատիկական թատրոնում (Սանկտ Պետերբուրգ, 1906), Ա․ Շնիցլերի «Կոլոմբինայի շարֆը» ֆանտասմագորիկ ձևավորումը Ինտերմեդիաների տանը (Սանկտ Պետերբուրգ, 1910

Սապունովի բեմանկարչական և հաստոցային մի քանի աշխատանքներ գտնվում են Հայաստանի ազգային պատկերասրահում և «Արամ Աբրահամյանի հավաքածու» թանգարանում (Երևան)։ Սապունովը մահացել է Տերիյոկիում նավակով զբոսանքի ժամանակ, երբ ծանրաբեռնված նավակը շրջվել է, մյուս ուղևորներին փրկել է օգնության հասած նավը։

Պատկերասրահ խմբագրել

Ծանոթագրություններ խմբագրել

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 186