Նադի

Նադի (ֆիջ.՝ Nadi), քաղաք Ֆիջիում։

Քաղաք
Նադի
ֆիջ.՝ Nadi
Երկիր	Ֆիջի
Նահանգ	ՄբաՄբա
Շրջան	Արևմտյան շրջան (Ֆիջի)
Հիմնադրված է	1947 թ.
Մակերես	7,8 կմ²
ԲԾՄ	10 մետր
Բնակչություն	11 871 մարդ (2007)
Ժամային գոտի	UTC+12
Պաշտոնական կայք	naditowncouncil.org/index.html (անգլ.)
Նադի (Ֆիջի)
Նադի Վիքիպահեստում

Աշխարհագրություն

Նադի քաղաքը գտնվում է Վիտի-Լևու կղզու արևմտյան ափին։ Արևելքում ողողվում է Նադի գետի ջրերով։ Քաղաքի մակերեսը կազմում է 7,8 կմ²։ Բաժանված է երեք վարչական շրջանի․

• Նադի,
• Մարտինտար,
• Նամակա։

Պատմություն

Քաղաքը հիմնադրվել է 1947 թվականին։ 1972 թվականին Նադիում հաստատվել է տեղական ինքնավարության համակարգ։

Բնակչություն

2007 թվականի մարդահամարի արդյունքների համաձայն՝ քաղաքում ապրում է 11871 մարդ։ Վերջինիս շնորհիվ այն դարձել է բնակչության թվով չորրորդ քաղաքը Ֆիջիում։ Նադիի էթնիկ կազմը բազմազան է․ այնտեղ ապրում են ինչպես Ֆիջիացիներ և հնդիկներ, որոնք կազմում են Ֆիջիի բնակչության մեծամասնությունը, այնպես էլ բազմաթիվ օտարերկրացիներ։

Նադին Ֆիջիում հանդիսանում է հինդուիզմի և իսլամի կենտրոնը։ Քաղաքում է գտնվում հարավային կիսագնդի ամենախոշոր հինդուիստական տաճարը՝ Շրի Շիվա Սուբրամանյա տաճարը (անգլ. Sri Siva Subramaniya temple)։

Քաղաքը սպասարկվում է Նադի միջազգային օդանավակայանի կողմից, որը գտնվում է քաղաքի կենտրոնից մոտ 9 կմ հեռավորության վրա։

Տնտեսություն

Քաղաքը հանդիսանում է գյուղատնտեսական շրջանի կենտրոնը։ Արդյունաբերության առաջատար ճյուղը սննդի արդյունաբերությունն է (նախ և առաջ շաքարի և շաքարեղեգի արտադրությունը)։

Նադիի բյուջեի զգալի մասն են կազմում զբոսաշրջությունից ստացված եկամուտները։

Պատկերասրահ

• 
  Կենտրոնական փողոցը՝ կունիս-Ռոուդ
• 
  Տեղական հինդուիստական տաճար
• 
  Տեղական հինդուիստական տաճար
• 
  Նադի միջազգային օդանավակայանի մուտքը

Արտաքին հղումներ

• Նանդիի զբոսաշրջության կայք(անգլ.)

Վիքիպահեստն ունի նյութեր, որոնք վերաբերում են «Նադի» հոդվածին։