Մովսես Դավթյան (զինվորական)

Մովսես Դավթյան
մայիսի 23, 1991 - հոկտեմբերի 10, 2020 (29 տարեկանում)
Ծննդավայր	Լոռու մարզ, Ազնվաձոր
Մահվան վայր	Ֆիզուլիի շրջան, ԼՂՀ
Գերեզման	Վանաձորի պանթեոն
Քաղաքացիություն	ՀՀ
Զորատեսակ	Զրահատանկային զորքեր
Ծառայության տարիներ	2012-2020
Կոչում	Կապիտան
Մարտեր/; պատերազմներ	Քառօրյա պատերազմ (2016), Հայ-ադրբեջանական պատերազմ (2020)
Կրթություն	Մոնթե Մելքոնյանի անվան ռազմամարզական վարժարան (2006-2008) , Վազգեն Սարգսյանի անվան ռազմական համալսարան (2008-2012)
Պարգևներ	«Մարշալ Բաղրամյան» մեդալ, «Հայոց բանակի 20-ամյակ» ՀՀ ՊՆ հոբելյանական մեդալ, «Սոյուզ 2007 Իսիկ-Կուլ» հուշամեդալ, «Տանկային բիաթլոնի միջազգային առաջնությանը 2-րդ տեղ զբաղեցնելու համար» ՌԴ ՊՆ մեդալ, «ռազմական համագործակցության ամրապնդման համար» ՌԴ ՊՆ մեդալ, ԽՍՀՄ հերոս Հունան Ավետիսյանի անվան ՀՀ ՊՆ մեդալ, Արցախի Արիության համար մեդալ

Վիքիպեդիայում կան հոդվածներ Դավթյան ազգանունով այլ մարդկանց մասին։

Մովսես Սեյրանի Դավթյան (մայիսի 23, 1991 - հոկտեմբերի 10, 2020), Արցախի Հանրապետության Պաշտպանության բանակի զրահատանկային զորքերի կապիտան։ Մասնակցել է 2007 թ. - Ղրղզստանի Հանրապետությունում ՀԱՊԿ անդամ պետությունների ռազմամարզական երիտասարդական կազմակերպությունների «Միություն 2007 Իսիկ-Կուլ» միջազգային ուսումնամարզական հավաքներին որպես ՀՀ թիմի ավագ, և թիմը գրավել է 3-րդ տեղ։ Եղել է 2014 թ. Տանկային բիաթլոնի միջազգային առաջնության Հայաստանի հավաքական թիմի հրամանատար^[1], թիմը գրավել է 2-րդ տեղ^[2]^[3]։ Արցախի «Մարտական խաչ» 2-րդ աստիճանի շքանշանի ասպետ^[4]։

Կենսագրություն

Ծնվել է 1991 թվականի մայիսի 23-ին Հայաստանի Լոռու մարզի Ազնվաձոր գյուղում։

1998-2006 թթ. սովորել է Ազնվաձորի միջնակարգ դպրոցում։ Հաճախել է բռնցքամարտի Վանաձորի Վարդան Բադալյանի անվան մարզադպրոցում։

2006-2008 թթ. սովորել է Մոնթե Մելքոնյանի անվան ռազմամարզական վարժարանում։

2008-2012 թթ. սովորել է ՀՀ ՊՆ Վ. Սարգսյանի անվան ռազմական համալսարանում։

2012 թվականին անցել է զիվորական ծառայության Արցախի ՊԲ որպես լեյտենանտ, տանկային դասակի հրամանատար։

2007 թ. մասնակցել է Ղրղզստանի Հանրապետությունում ՀԱՊԿ անդամ պետությունների ռազմամարզական երիտասարդական կազմակերպությունների «Միություն 2007 Իսիկ-Կուլ» միջազգային ուսումնամարզական հավաքներին որպես Հայաստանի թիմի ավագ, և թիմը գրավել է 3-րդ տեղ։

2014 թ. մասնակցել է Տանկային բիաթլոնի միջազգային առաջնությանը որպես հրամանատար, որտեղ Հայաստանի հավաքական թիմը գրավել է 2-րդ տեղՔաղվածելու սխալ՝ The opening <ref> tag is malformed or has a bad name։

2015 թ. մասնակցել է Կենտրոնական ենթակայության տակ գտնվող զորամասերի միջև ռազմականացված եռամարտ մրցումներին և գրավել է 1-ին տեղ։

2015 թ. մասնակցել է Կենտրոնական ենթակայության տակ գտնվող զորամասերի միջև 70 կգ քաշային կարգում կշռաքարի բարձրացման մրցումներին և գրավել է 2-րդ տեղ։

2019 թվականին ամուսնացել է։ Զոհվելուց երկու ամիս անց ծնվել է կապիտան Դավթյանի առաջնեկը՝ դուստրը։

Զինվորական ծառայություն

2012 թվականին անցել է զիվորական ծառայության Արցախի ՊԲ որպես լեյտենանտ, տանկային դասակի հրամանատար։

2014 թվականին ստացել է ավագ լեյտենանտի կոչում։

2015 թվականին նշանակվել է տանկային գումարտակի 2-րդ տանկի վաշտի հրամանատար (հրաման թիվ 918, 01.04.2015թ.):

2016 թվականի ստացել է կապիտանի կոչում (հրաման թիվ 1549, 01.08.2016թ)։

2016 թ. ապրիլյան քառօրյա պատերազմի ժամանակ մարտական կիրառման տարբեր շրջաններում իրականացրել է մարտական հերթապահություն՝ ղեկավարելով մարտին մշտապես պատրաստ տանկային ստորաբաժանումը։

2020 թվականի պատերազմի ժամանակ նրա տանկային վաշտը նախ հերթապահել է մարտական նշանակության դիրքերում, ապա մասնակցել Հադրութի ուղղությամբ մարտական գործողություններին։

2020 թվականի հոկտեմբերի 10-ին Ֆիզուլիի պաշտպանության հատվածում մարտական գործողությունների ծավալման ժամանակ ստացել է հրազենային բեկորային վիրավորում և տեղում զոհվել է։

Պարգևներ

2007 - ՀՀԿ կողմից պատվոգիր և արժեքավոր նվեր-ժամացույց, Աշոտ Նավասարդյանի անվան կրթաթոշակ` մարտական պատրաստության և զինվորական կարգապահության մեջ ակնառու առաջադիմության համար
2007 - «Союз 2007 Иссык – Куль» հուշամեդալ
2012 - «Հայոց բանակի 20-ամյակ» ՀՀ ՊՆ հոբելյանական մեդալ (ՀՀ Պաշտպանության նախարարի հրաման թիվ 973, 18.09.2012 )
2014 - ՌԴ ՊՆ մեդալ «Чемпионат мира Танковый биатлон - 2014») Տանկային բիաթլոնի միջազգային առաջնությանը 2-րդ տեղ զբաղեցնելու համար (протокол №17б 16.08.2014г.)
2014 - «За укрепление боевого содружества» ՌԴ ՊՆ մեդալ (ՌԴ Պաշտպանության նախարարի հրաման թիվ 565, 28.08.2014 )
2014 - Մարշալ Բաղրամյանի անվան ՀՀ ՊՆ մեդալ (ՀՀ Պաշտպանության նախարարի հրաման թիվ 971, 18.09.2012 )
2014 - ավագ լեյտենանտ Մովսես Սեյրանի Դավթյանի անունը, ազգանունը և հայրանունը գրանցվել է զորամասի պատվո գրքում։
2014 - անվանական ժամացույց՝ ԱՀ նախագահի կողմից
2014 - դրամական պարգև՝ ՀՀ ՊՆ-ի կողմից
2015 - դրամական պարգև՝ ԱՀ ՊՆ-ՊԲ հրամանատարի կողմից
2015 - ԽՍՀՄ հերոս Հունան Ավետիսյանի անվան ՀՀ ՊՆ մեդալ (Հունան Ավետիսյանի անվան ֆոնդի ղեկավարի հրաման թիվ 35, 03.02.2015 )
2015 - «Ռուսաստանի հայերի միության 10 ամյակ» հոբելյանական մեդալ
2016 - Լավագույն տանկային վաշտի հրամանատար ճանաչվելու համար դրամական պարգև ԶՄ հրամանատարի կողմից
2020 - հետմահու պարգևատրվել է «Արիության մեդալ»-ով (Արցախի նախագահի հրաման թիվ 429-Ա, 2021 )
2021 - հետմահու պարգևատրվել է «Մարտական խաչ» 2-րդ աստիճանի շքանշանով^[4]
2022 - Վանաձորի քաղաքային պանթեոնում տեղադրվել է խաչքար ի հիշատակ Մովսես Դավթյանի։