Ազնվաձոր

գյուղ Հայաստանի Լոռու մարզում
Անվան այլ կիրառումների համար տե՛ս՝ Ազնվաձոր (այլ կիրառումներ)

Ազնվաձոր, գյուղ Հայաստանի Լոռու մարզի Փամբակ համայնքում[1]։

Գյուղ
Ազնվաձոր
ԵրկիրՀայաստան Հայաստան
ՄարզԼոռու մարզ
Համայնք Փամբակ համայնք[1]
Այլ անվանումներԻբրահիմլի, Խանջաղազ, Խանջղազ, Խանջուղազ, Գյոզալդարա
Մակերես14.56 կմ²
ԲԾՄ1675 մ
Պաշտոնական լեզուՀայերեն
Բնակչություն380[2] մարդ (2011)
Ազգային կազմՀայեր
Կրոնական կազմՀայ Առաքելական եկեղեցի
Տեղաբնականունազնվաձորցի
Ժամային գոտիUTC+4
Ազնվաձոր (Հայաստան)##
Ազնվաձոր (Հայաստան)
Ազնվաձոր (Լոռու մարզ)##
Ազնվաձոր (Լոռու մարզ)

Վանաձոր քաղաքից հեռու է մոտ 3 կմ հյուսիս-արևելք։ Ազնվաձոր է վերանվանվել 1991 թ. ապրիլի 3-ին[3]։

Գյուղը գտնվում է Բազումի լեռնաշղթայի հարավային լանջերին՝ ծովի մակարդակից 1675 մ բարձրության վրա։

Կլիմա խմբագրել

Կլիման բարեխառն լեռնային է, տևական, ցուրտ ձմեռներով։ Ամեն տարի հաստատվում է կայուն ձնածածկույթ։ Ամառները տաք են, համեմատաբար խոնավ։ Տարեկան թափվում են 600-700 մմ մթնոլորտային տեղումներ։ Ագրոկլիմայական տեսակետից ընկած է մասնակի ոռոգման գոտում։ Բնական լանդշաֆտները սևահողային տափաստաններն են, կան նաև անտառներ։

Բնակչություն խմբագրել

Ըստ Հայաստանի 2011 թ. մարդահամարի արդյունքների՝ Ազնվաձորի մշտական բնակչությունը կազմել է 380, առկա բնակչությունը՝ 348 մարդ[2]։ Նախկինում բնակեցված է եղել ադրբեջանցիներով, որոնք 1988-1989 թթ հայ-ադրբեջանական հարաբերությունների վատթարացման արդյունքում տեղափոխվել են Ադրբեջանի Հանրապետություն։

Ազնվաձորի բնակչության փոփոխությունը ժամանակի ընթացքում` ստորև[3].

Տարի 1831 1897 1926 1939 1959 1970 1979 1989 2001 2011
Բնակիչ 33 393 706 822 624 1041 1091 706[4] 473 380[2]

Գյուղատնտեսություն խմբագրել

Գյուղատնտեսական հողահանդակներում մեծ բաժին ունեն վարելահողերը (32 հա), խոտհարքերը (96 հա)։ Պետական հողերը օգտագործվում են որպես արոտավայրեր՝ կազմելով 157 հա, կան նաև պտղատու այգիներ և վարելահողեր՝ համապատասխանաբար զբաղեցնելով 7 և 31 հա։ Գյուղի մասնագիտացման ուղղությունը երկրագործությունն է։ Զբաղվում են դաշտավարությամբ, պտղաբուծությամբ (տանձ, խնձոր, կեռաս), մշակում են հացահատիկային, կերային, բանջարաբոստանային կուլտուրաներ։ Զբաղվում են նաև խոշոր եղջերավոր անասնաբուծությամբ, մեղվաբուծությամբ։

Հասարակական կառույցներ խմբագրել

Գյուղն ունի դպրոց՝ Ազնվաձորի միջնակարգ դպրոց, գրադարան, բուժկետ և կապի հանգույց։

Ծանոթագրություններ խմբագրել

  1. 1,0 1,1 Տեղեկություններ Փամբակ համայնքի մասին Լոռու մարզի մարզպետարանի կայքում, (արխիվացված 11․07․2023 թվական)։
  2. 2,0 2,1 2,2 2011 թ Հայաստանի մարդահամարի արդյունքները
  3. 3,0 3,1 «Հայաստանի հանրապետության բնակավայրերի բառարան, էջ 8» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2013 Նոյեմբերի 10-ին.
  4. Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 5 [-] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 2001, էջ 542 — 916 էջ։