Միշել Ռու Կրտսեր
Միշել Ալբեր Ռու (ֆր.՝ Michel Roux Jr, հայտնի է որպես Միշել Ռու կրտսեր, մայիսի 23, 1960, Քենթ, Անգլիա, Միացյալ Թագավորություն), ֆրանսիական ծագմամբ բրիտանացի շեֆ խոհարար, ռեստորանատեր և Ռու հայտնի ընտանիքի ներկայացուցիչ։
Միշել Ռու Կրտսեր | |
---|---|
Ծնվել է | մայիսի 23, 1960 (63 տարեկան) |
Ծննդավայր | Քենթ, Անգլիա, Միացյալ Թագավորություն |
Քաղաքացիություն | Միացյալ Թագավորություն և Ֆրանսիա |
Կրթություն | Էմանուել դպրոց |
Մասնագիտություն | շեֆ խոհարար |
Ծնողներ | հայր՝ Ալբեր Ռու |
Կայք | michelroux.co.uk |
Michel Roux, Jr. Վիքիպահեստում |
Կենսագրություն խմբագրել
Ռուն ծնվել է Կենտ կոմսության Պեմբուրի գյուղում՝ հայտնի ռեստորանատեր Ալբեր Ռու ընտանիքում։ Մանկությունից նա մասնակից է դարձել ընտանեկան գործին։ 1979-1980 թվականներին աշխատել է Le Gavroche ռեստորանում՝ իր հոր ղեկավարությամբ։ Դրանից հետո՝ 1980-1982 թվականներին, վերապատրաստվել է Միոննեում (Ռոն Ալպեր, Ֆրանսիայի Լիոն քաղաքի մոտ) գտնվող Ալեն Շապելի հոթել-ռեստորանում[1][2]։ 1982-1983 թվականներին՝ Վալերի Ժիսկար դ'Էստենի և Ֆրանսուա Միտտերանի օրոք, զինվորական ծառայության է անցել Ելիսեյան պալատում։
Ծառայությունն ավարտելուց հետո երկու ամիս աշխատել է Սեն-Մանդեի Ժերար Մոտի դելիկատեսների հաստատությունում, իսկ հետո ևս երկու ամիս՝ Վիկտոր Հյուգոյի անվան փողոցում գտնվող Լամարտինի մսի խանութում[2]։ 1983 թվականին՝ Լոնդոն վերադառնալուց հետո, Միշել Ռուն Finlay Robertson-ում սովորել է հաշվապահական հաշվառում։ Այնուհետև Պիեր Կոֆմանի La Tante Claire ռեստորանում աշխատել է շեֆ խոհարար, իսկ 1983 թվականի հոկտեմբերից դեկտեմբեր՝ Հոնկոնգի Mandarin Oriental հոթելում։ 1985-1990 թվականներին Միշել Ռուն աշխատել է Ռու եղբայրների Le Gavroche և The Waterside Inn ռեստորաններում։ 1993 թվականին նրա հայրը՝ Ալբեր Ռուն, հեռացել է գործերից։ Այդ ժամանակից մինչև հիմա Միշել Ռու կրտսերը գլխավորում է Le Gavroche ռեստորանը։ 2003 թվականից Միշել Ռուն Walbrook club-ի և Compass Group-ի խորհրդատուն է։ Միևնույն ժամանակ Միշել Ռու կրտսերը գրել է մի քանի գիրք խոհարարական արվեստի մասին։ Gourmand World Cookbook Awards-ը նրա «Սննդի և գինու համապատասխանություն» գիրքը իր թեմատիկայով ճանաչել է լավագույնը[3]։ Ռուն հեռուստատեսությունում հաճախ հանդես է գալիս որպես խոհարարական փորձագետ։
Գրքեր խմբագրել
- Le Gavroche Cookbook (2001), London: W&N (Orion), ISBN 978-0-304-35573-0
- The Marathon Chef: Food for Getting Fit (2003), London: W&N (Orion), ISBN 978-0-297-84309-2
- Le Gavroche Cookbook: Ten Recipes from One of the World’s Great Restaurants (2005), London: Phoenix, ISBN 978-0-297-84392-4
- Matching Food And Wine: Classic And Not So Classic Combinations (2005), London: W&N (Orion), ISBN 978-0-297-84379-5
- Michel Roux: A Life In The Kitchen (2009), London: W&N (Orion), ISBN 978-0-297-84482-2
- Cooking with The Master Chef: Food For Your Family & Friends (2010), London: W&N (Orion), ISBN 978-0-297-86309-0
Ծանոթագրություններ խմբագրել
- ↑ «Michel Roux Jr». relaischateaux.com. Արխիվացված է օրիգինալից 2009 թ․ ապրիլի 9-ին. Վերցված է 2001 թ․ հունվարի 13-ին.
- ↑ 2,0 2,1 «Biography : Chef Michel Roux Jr». Hub UK. Արխիվացված է օրիգինալից 2020 թ․ նոյեմբերի 15-ին. Վերցված է 2008 թ․ օգոստոսի 28-ին.
- ↑ Amanda Mosle Freidman (2007 թ․ սեպտեմբերի 24). «Michel Roux Jr. keeps tradition alive at Le Gavroche». Nation's Restaurant News. Վերցված է 2008 թ․ օգոստոսի 28-ին.
Վիքիպահեստն ունի նյութեր, որոնք վերաբերում են «Միշել Ռու Կրտսեր» հոդվածին։ |