Միհրան Լիսիցյան

Միհրան Վարդանի Լիսիցյան (փետրվարի 13, 1913(1913-02-13), Թիֆլիս, Ռուսական կայսրություն - 1998, Մոսկվա, Ռուսաստան), հայ ճարտարապետ, ճարտարապետության թեկնածու (1941), պրոֆեսոր (1963), ՌԽՖՍՀ վաստակավոր ճարտարապետ (1983), ՌԴ ճարտարապետության և շինարարական գիտությունների (1994) և ճարտարապետության միջազգային (1995) ակադեմիաների պատվավոր անդամ։

Միհրան Լիսիցյան
Ի ծնե	Միհրան Վարդանի Լիսիցյան
Ծնվել է	1913 փետրվարի 13
Ծննդավայր	Թիֆլիս
Մահացել է	հուլիսի 22, 1998(1998-07-22) (տարիքը 85)
Վախճանի վայր	Մոսկվա
Ազգություն	հայ
Ճյուղ(եր)	ճարտարապետություն
Գործունեություն	ճարտարապետ
Կրթություն	Մոսկվայի ճարտարապետության ինստիտուտ (1937)
Պարգևներ	և
Միհրան Լիսիցյան Վիքիդարանում
Mihran Lisitsyan Վիքիպահեստում

Ազգագրագետ, հասարակական գործիչ, պատմաբան, աշխարհագրագետ, բանասեր, մանկավարժ, թարգմանիչ, հրատարակիչ Ստեփան Լիսիցյանի եղբոր որդին է, ԽՍՀՄ սպորտի վաստակավոր մարզիչ (1963), համամիութենական կարգի մրցավար (1948), գեղարվեստական մարմնամարզության խորհրդային դպրոցի հիմնադիրներից մեկի՝ Մարիա Լիսիցյանի եղբայրն է։

Կենսագրություն

1937 թվականին ավարտել է Մոսկվայի ճարտարապետության ինստիտուտը։ 1944 թվականից եղել է Օդանավակայանների կառուցման գլխավոր վարչության օդանավակայանների նախագծման և կառուցման արվեստանոցի պետ։ 1944 թվականից դասավանդել է Մոսկվայի ճարտարապետության ինստիտուտում։ 1961-1971 թվականներին՝ ներքնատեսքի, 1971-1976 թվականներին՝ բնակելի տների ամբիոնների վարիչ, 1958-1971 թվականներին՝ պրոռեկտոր։ 1969-1971 թվականներին՝ Քաբուլի պոլիտեխնիկական ինստիտուտի ռեկտորի խորհրդական։

Ստեղծագործական գործունեություն

Միհրան Լիսիցյանի նախագծերով իրականացվել են բնակելի տներ Մոսկվայում (1948-1950), Խաբարովսկի մարզապալատը (1958), միջազգային ցուցահանդեսների ԽՍՀՄ տաղավարներ՝ Կարաչիում (1955), Քաբուլում (1958), Դամասկոսում (1959) և այլուր։

Համահեղինակ է «Բնակելի տների ճարտարապետական նախագծում» (ռուսերեն, 1964, 1972, 1990) և «Հասարակական շենքերի ներքնատեսքը» (ռուսերեն, 1973) բուհական դասագրքերի։