Միխայիլ Կարակաշ
Միխայիլ Նիկոլայի Կարակաշ (սեպտեմբերի 24, 1887, Շիրոկոե, Սմիֆերոպոլի շրջան, Ղրիմի ինքնավար խորհրդային սոցիալիստական հանրապետություն - օգոստոսի 15, 1937[1], Բուխարեստ, Ռումինիա), ռուս օպերային երգիչ (բարիտոն), ռեժիսոր, մանկավարժ։
| Միխայիլ Կարակաշ | |
|---|---|
 | |
| Ծնվել է | սեպտեմբերի 24, 1887 Շիրոկոե, Սմիֆերոպոլի շրջան, Ղրիմի ինքնավար խորհրդային սոցիալիստական հանրապետություն |
| Երկիր |  Ռուսական կայսրություն և .svg){kind=small} ԽՍՀՄ |
| Մահացել է | օգոստոսի 15, 1937[1] (49 տարեկան) Բուխարեստ, Ռումինիա |
| Ժանրեր | դասական երաժշտություն |
| Մասնագիտություն | օպերային երգիչ և երաժշտության ուսուցիչ |
| Երգչաձայն | բարիտոն |
| Գործիքներ | վոկալ |
| Կրթություն | Բելգրադի համալսարան |
 Mikhail Karakash Վիքիպահեստում | |
Կենսագրություն խմբագրել
Միխայիլ Կարակաշը ծնվել է 1887 թվականին Կարակաշ դաստակերտում (Սիմֆերոպոլի մոտակայքում, Ղրիմ)։ Ավարտել է Ս. Պետերբուրգի համալսարանի պատմաբանասիրության բաժինը, ապա՝ կոնսերվատորիան։
1911-1921 թվականներին երգել է Ս. Պետերբուրգի Մարիինյան թատրոնում. դերերգերից են՝ Եվգենի Օնեգին (Պ. Ի. Չայկովսկու «Եվգենի Օնեգին»), Ֆիգարո (Ջ. Ռոսսինիի «Սևիլյան սափրիչ»), Էսկամիլիո (Ժ. Բիզեի «Կարմեն»), Դև (Ա. Գ. Ռուբինշտեյնի «Դև»), Մերկուցիո (Շ. Գունոյի «Ռոմեո և Ջուլիետ»), Իշխան Իգոր (Ա. Պ. Բորոդինի «Իշխան Իգոր»)։ Հաճախ հանդես է եկել Ֆ. Շալյապինի խաղընկերությամբ։ Շրջագայել է նաև համերգներով. երկացանկում՝ Ս. Վ. Ռախմանինովի, Ի. Ֆ. Ստրավինսկու, Ա. Տ. Գրեչանինովի և ուրիշների ստեղծագործություններից։
1919 թվականին Ալեքսանդր Սպենդիարյանը նրան նվիրել է «Հայաստան» ռոմանսը։
1921 թվականին տեղափոխվել է Իտալիա, ապա՝ Փարիզ։ «Շանզ էլիզե» թատրոնում բեմադրել է Ա. Պ. Բորոդինի «Իշխան Իգոր», Ա. Ս. Դարգոմիժսկու «Ջրահարսը» օպերաները։ Եղել է Բելգրադի օպերային թատրոնի գլխավոր ռեժիսոր, ապա ապրել է Ռումինիայում։
Միխայիլ Կարակաշը մահացել է 1937 թվականին Բուխարեստում։
Ծանոթագրություններ խմբագրել
- ↑ 1,0 1,1 1,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
Գրականություն խմբագրել
- Левик С. Ю. Четверть века в опере. — М.: Искусство, 1970. — С. 378. — 23 000 экз.
- Летопись жизни и творчества Ф. И. Шаляпина / Сост. Ю. Котляров, В. Гармаш. — Кн. 2. — Л., 1985.
- П. Н. Каракаш Михаил Николаевич // Русское Зарубежье. Золотая книга эмиграции. Первая треть XX века : Энциклопедический биографический словарь. — М.: РОССПЭН, 1997. — С. 278—280.
- Каракаш Михаил Николаевич // Отечественные певцы. 1750—1917: Словарь / Пружанский А. М. — Изд. 2-е испр. и доп. — М., 2008.
Արտաքին հղումներ խմբագրել
- «Каракаш Михаил Николаевич». Исторический словарь. Энциклопедии & Словари. Արխիվացված է օրիգինալից 2013 թ․ ապրիլի 11-ին. Վերցված է 2013 թ․ մարտի 10-ին.
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|