Մեթյու (փոթորիկ)
Մեթյու փոթորիկ (անգլ.՝ Matthew Hurricane), հզոր արևադարձային ցիկլոն, որը ձևավորվել է Կարիբյան ծովում: Մեթյու փոթորիկը օդերևութաբանները անվանել են «տասնամյակի ամենահզոր փոթորիկ»: Սա փոթորիկների գնահատման աղյուսակում, գնահատվել է 5-րդ ամենաբարձր բալով[1]: Մեթյու փոթորիկը սկսել է իր շարժումը սեպտեմբերի 22-ին Աֆրիկայի ափերից: Ներկայումս սպասվում է, որ փոթորիկը շարժվում է դեպի հյուսիս՝ մեծ վնասներ պատճառելով Հայիթիի, Ճամայկայի և Կուբայի արևելյան ափերին: Հոկտեմբերի 1-ի տվյալներով քամու առավելագույն արագությունը կազմել է 185 կիլոմետր ժամ[2][3]:
| Մեթյու | |
|---|---|
 | |
| Տեսակ | Հինգերորդ կատեգորիայի փոթորիկ |
| Տեղագրություն | Կարիբյան ծով |
| Երկիր | Հողմակողմ կղզիներ,  Կոլումբիա,  Ճամայկա,  Հայիթի,  Դոմինիկյան Հանրապետություն,  Կուբա,  Բահամյան Կղզիներ և  ԱՄՆ |
| Մասն է | 2016 Atlantic hurricane season? |
| Ձևավորված | սեպտեմբերի 28, 2016 |
| Քայքայված | հոկտեմբերի 10, 2016 |
| Վնաս | 15 088 000 000 ԱՄՆ դոլար |
| Զոհվածներ | 603 |
| Hurricane Matthew Վիքիպահեստում | |
| Երկիր | Զոհեր |
|---|---|
| Կոլումբիա | 1 |
| Կուբա | 0 |
| Դոմինիկյան Հանրապետություն | 4 |
| Հայիթիի Հանրապետություն | ≈800 |
| Սենտ Վինսենթ և Գրենադիններ | 1 |
| Ընդհանուր | ≈806 |
Հոկտեմբերի 5-ին քամու արագությունը Հայիթիի մոտ կազմել է 230 կիլոմետր ժամ: Փոթորիկը հարվածներ է հասցրել Ճամայկայի և Կուբայի ափերին: Ֆլորիդայի և Հյուսիսային Կարոլինայի նահանգապետերը արդեն իսկ հայտարարել են արտակարգ դրություն նահանգների ողջ տարածքում[4]: Հոկտեմբերի 6-ին փոթորիկը արդեն իսկ խլել էր ամենաքիչը 102 մարդու կյանք, հիմնականում Հայիթիում: Օդերևութաբանները նշում էին, որ փոթորիկը Ֆլորիդայի ափերին կհասնի հոկտեմբերի 6-ին և կշարժվի Հյուսիսային Կարոլինայի ուղղությամբ: Փոթորիկը կհասնի մինչև Նյու Յորք, Կոնեկտիկուտ և Մասաչուսեթս նահանգների ափերը[5]:
Հոկտեմբերի 6-ին Մեթյու փոթորիկը հասավ Կուբայի արևելյան ափերին, որտեղից արդեն իսկ տարհանվել էր շուրջ մեկ միլիոն մարդ: Ինչպես տեղեկացնում է Ֆրանսպրեսը փոթորիկը վնասել է ճանապարհները և տները: Այնուհետև փոթորիկը շարժվել է դեպի Բահամյան Կղզիներ: Որոշ աղբյուրների փոխանցմամբ Կարիբյան ավազանում զոհերի ընդհանուր թիվը կազմել է 27 մարդ[6]: Միևնույն ժամանակ բազմաթիվ բնակավայրերի կապը կտրվել է արտաքին աշխարհի հետ: Հոկտեմբերի 6-ի առավոտվա տվյալներով Հայիթիում զոհերի թիվը կազմել է 65: Իշխանությունները նշում էին, որ թվերը կարող են աճել[7]: Reuters գործակալության փոխանցմամբ զոհերի թիվը կազմում էր 100-ից ավելի[8], իսկ Ուկրաինայի առաջին լրատվական հեռուստալիքը հայտնեց 140 զոհերի մասին[9]:
Հոկտեմբերի 6-ին ԱՄՆ նախագահ Բարաք Օբաման Ֆլորիդա նահանգում հայտարարեց արտակարգ դրություն՝ կապված փոթորկի վերահաս վտանգի հետ: Նշվում է ավելի քան 2 միլիոն մարդու տարհանման վերաբերյալ: Հավելյալ տարհանում է տեղի ունեցել նաև Ջորջիա նահանգում[10]: Հոկտեմբերի 9-ին հայտարարվեց միայն Հայիթիում ավելի քան 800 զոհի մասին:
ԾանոթագրություններԽմբագրել
- ↑ «На Карибы надвигается ураган "Мэтью"»։ Корреспондент։ Վերցված է 1 жовтня 2016
- ↑ «Ураган Мэтью набрал максимальную мощь - видео»։ Новое Время։ Վերցված է 1 жовтня 2016
- ↑ «До Карибів наближається потужний ураган "Метью"»։ ВВС Україна։ Վերցված է 2 жовтня 2016
- ↑ Кількість жертв урагана Метью зростає
- ↑ Ураган Метью в Карибському басейні
- ↑ Ураган «Меттью» пошкодив дороги на Кубі
- ↑ Joseph Guyler Delva (October 6, 2016)։ «Haiti bears brunt of Hurricane Matthew as death toll hits 69»։ Port-au-Prince, Haiti: Reuters։ Վերցված է October 6, 2016
- ↑ Число жертв урагана «Мэтью» превысило 100 человек
- ↑ КІЛЬКІСТЬ ЖЕРТВ УРАГАНУ МЕТЬЮ ЗРОСЛА ДО 140 ЛЮДЕЙ
- ↑ Б.