Մբոմբելա

Մբոմբելա (սվատի՝ Mbombela), նախկինում՝ Նելսպրուիտ (աֆրիկաանս՝  և անգլ.՝ Nelspruit), քաղաք Հարավային Աֆրիկայի հյուսիս-արևելքում։ Մպումալանգա նահանգի մայրաքաղաքն է։ Գտնվում է Կոկորդիլոս գետի ափին, Մոզամբիկի սահմանից 100 կիլոմետր դեպի արևմուտք, Յոհանեսբուրգից 330 կիլոմետր դեպի արևելք։

Քաղաք
Մբոմբելա
սվատի՝ Mbombela
Երկիր	Հարավաֆրիկյան Հանրապետություն
Հիմնադրված է	1905 թ.
Մակերես	72,63 կմ²
ԲԾՄ	619 մետր
Բնակչություն	58 670 մարդ (2011)
Ժամային գոտի	UTC+2
Հեռախոսային կոդ	013
Փոստային դասիչ	1201 և 1200
Պաշտոնական կայք	mbombela.gov.za
Մբոմբելա (Հարավաֆրիկյան Հանրապետություն)
Մբոմբելա Վիքիպահեստում

Պատմություն

Նելսպրուիտը հիմնադրվել է 1905 թվականին Նել ազգանունով երեք հովիվ եղբայրների կողմից։ 2009 թվականի հոկտեմբերին Հարավաֆրիկյան Հանրապետության կառավարության որոշմամբ քաղաքը վերանվանվել է Մբոմբելա։

Այժմ քաղաքը Հարավային Աֆրիկայի հյուսիս-արևելքի արդյունաբերական և գյուղատնտեսական կարևոր կենտրոն է։ Այստեղ կենտրոնացված են փայտամշակման, թղթի և կահույքի արտադրության ձեռնարկությունները։ Պտղաբեր հողը և մերձարևադարձային կլիման իդեալական պայմաններ են ապահովում ֆերմերներին ցիտրուսային և արևադարձային մրգերի (մանգո, բանան, ավոկադո) աճեցման համար։

Ենթակառուցվածք

Քաղաքում կա երկու օդանավակայան՝ Մփումալանգի Քրյուգերի անվան միջազգային օդանավակայանը և Նելսպրեյտ օդանավակայանը։ Քաղաքում է գտնվում «Էմնոտվենի» խաղատունը։ Քաղաքում են գտնվում նաև Բուսաբանական այգին և Ցիտրուսային և մերձարևադարձային մրգերի պետական հետազոտական ինստիտուտը։ 2010 թվականի ՖԻՖԱ-ի Աշխարհի գավաթի համար քաղաքը կառուցեց Մբոմբելա մարզադաշտը 46,000 նստատեղով։ Դրա կառուցման համար ծախսվել է 1 միլիարդ ռանդ։

Նելսպրուտում քիչ մեծ հյուրանոցներ կան, բայց բնության սիրահարների համար կան շատ փոքր պանդոկներ, այդ թվում՝ մոտակա Կրուգեր ազգային պարկը։ Քաղաքի մոտակայքում են գտնվում մի շարք զբոսաշրջային վայրեր՝ Սադվալի քարանձավները և Սադվալի դինոզավրերի այգին, «Տառապանքների քաղաքը» Hudsprut hepard ֆերմայի հետ, ջրվեժների կիրճը, Դալստրումի ձկնաբուծարանները և այլն։

Կլիմա

Մբոմբելայի կլիման
Ամիս	Հունվար	Փետրվար	Մարտ	Ապրիլ	Մայիս	Հունիս	Հուլիս	Օգոստոս	Սեպտեմբեր	Հոկտեմբեր	Նոյեմբեր	Դեկտեմբեր	Տարեկան
Առավելագույն բարձր, °C	40	39	38	36	35	32	32	35	38	40	38	38	40
Միջին բարձր,°C	29	29	28	27	25	23	23	25	27	27	27	28	27
Միջին ցածր,°C	19	19	18	14	10	6	6	9	12	14	17	18	13
Առավելագույն ցածր,°C	11	11	10	5	2	-2	-1	-1	2	5	10	10	-2
Տեղումների քանակ, մմ	127	108	90	51	15	9	10	10	26	75	115	131	767
Տեղումների միջին օրեր	14	12	12	7	4	2	2	3	5	11	15	14	100
Source: South African Weather Service

Պատկերասրահ

• 
  Տեսարան Նելսպրուտից
• 
  Տեսարան Նելսպրուտից, Հարավային Աֆրիկա
• 
  Նելսպրուտ, Հարավային Աֆրիկա
• 
  Նելսպրուտ, Հարավային Աֆրիկա
• 
  Նելսպրուտ, Հարավային Աֆրիկա
• 
  Նեսլպրուտ քաղաքի համայնապատկերը
• 
  Նելսպրուտի այգիները

Ծանոթագրություններ

Վիքիպահեստն ունի նյութեր, որոնք վերաբերում են «Մբոմբելա» հոդվածին։