Մասնակից:Varsenik Danielyan/Ավազարկղ 1
 |
|---|
Սանկտ Պետերբուրգի Լեոնիդ Յակոբսոնի անվան պետական ակադեմիական բալետի թատրոն (Յակոբսոնի բալետ), առաջին բալետային թատրոնն է ԽՍՀՄ-ում, որը ստեղծվել է օպերային խմբից առանձին։ Հիմնադրվել է 1966 թվականին պարող և պարուսույց Պյոտր Գուսևի կողմից որպես «Կամերային բալետ», հետագայում որպես «Խորեոգրաֆիկ մանրաերկեր»[1]։ 1969 թվականից մինչև 1975 թվականի հոկտեմբեր թիմը գլխավորել է Լեոնիդ Յակոբսոնը։ 2011 թվականից թատրոնի գեղարվեստական ղեկավարն է Անդրիան Ֆադեևը[2]։
Շենք խմբագրել
Յակոբսոնի բալետի շենքը գտնվում է Սանկտ Պետերբուրգի Մայակովսկու 15 հասցեում:
Այս հասցեում էր գտնվում պետական ձիաբուծության գլխավոր տնօրինության շենքերի համալիրը։ Փողոցին նայող գլխավոր շենքը կառուցվել է 1834-1835 թվականներին՝ ճարտարապետ Զ.Ֆ. Կրասնոպևկովի նախագծով։ Հետագայում դրան ավելացվել են ախոռ և ծառայողական մասնաշենքեր, իսկ 1904-1905 թվականներին բակում կառուցվել է կլոր ձիավարժարան։ 1920-ական թվականներին Համալիրի տարածքի մի մասը տրվել է որպես կոմունալ բնակարաններ։ Նրանցից բացի շենքում տեղակայվել են Լենինգրադի պետական ձիաբուծարանը և Հյուսիս-արևմտյան վիճակագրական վարչությունը։ 1972 թվականին Լենինգրադի քաղաքային գործկոմի 03/06/1970 և 05/29/1972 որոշումներով բակի կենցաղային շենքերը և ձիավարժարանը փոխանցվել են խորեոգրաֆիկ բալետային խմբի տնօրինությանը։
Պետական ձիաբուծության գլխավոր տնօրինության շենքերի համալիրը և Սանկտ Պետերբուրգի ձիավարժարանը ներառված է Ռուսաստանի Դաշնության ժողովուրդների մշակութային ժառանգության օբյեկտների (պատմության և մշակույթի հուշարձաններ) պետական գրանցամատյանում որպես տարածաշրջանային նշանակության քաղաքաշինության և ճարտարապետական հուշարձաններ[3]:
Գործունեություն խմբագրել
Թատրոնը հիմնադրվել է 1966 թվականի նոյեմբերի 12-ին ԽՍՀՄ մշակույթի նախարարության պատվերով՝ «Խորեոգրաֆիկ մանրանկարներ» անունով։ Լեոնիդ Յակոբսոնը թատրոնը ղեկավարել է 1969-1976 թվականներին: Նրա մահից հետո Կիրովի անվան թատրոնի ղեկավար Ասկոլդ Մակարովը զբաղեցրեց գեղարվեստական ղեկավարի պաշտոնը։ Այդ ընթացքում թատրոնում հայտնվեցին արտասահմանյան պարուսույցների ներկայացումներ, մեծածավալ դասական գործեր: 2011 թվականից թատրոնի գեղարվեստական ղեկավարն է Ռուսաստանի վաստակավոր արտիստ Անդրիան Ֆադեևը։
Թատերախումբը Սանկտ Պետերբուրգի բարձրագույն «Ոսկե սոֆիտ» թատերական մրցանակի դափնեկիր է: Թատերախմբի խաղացանկում եղել է «Սպարտակ», «Ժիզել», «Կարապի լիճը», «Շչելկունչիկ», «Պակիտա», «Շոպենիանա», «Քնած գեղեցկուհին», «Դոն Կիխոտ», «Ռոմեո և Ջուլիետ», «Հազարան բլբուլ» և այլ հանրաճանաչ դասական ներկայացումներ[4]:
Բալետի պարողներ խմբագրել
Նրա ամենահայտնի և տաղանդավոր պարողներից են եղել Նատալյա Մակարովան, Միխայիլ Բարիշնիկովը, Ալլա Օսիպենկոն, Մայա Պլիսեցկայան: Թատերախմբի առաջատար մենակատարներն են Ալլա Բոչարովան, Սվետլանա Սվինկոն, Ելենա Չեռնովան, Ստեփան Դեմինը, Դենիս Կլիմուկը, Անդրել Սորոկինը[5]:
Ծանոթագրություններ խմբագրել
- ↑ Санкт-Петербургский государственный академический театр балета им. Л. Якобсона. «История театра». Արխիվացված է օրիգինալից 2018-08-17-ին. Վերցված է 2018-08-16-ին.
{{cite web}}: Unknown parameter|deadlink=ignored (|url-status=suggested) (օգնություն) - ↑ Ольга Федорченко. «Творческий наследник». Коммерсантъ. Արխիվացված է օրիգինալից 2015-04-02-ին. Վերցված է 2015-03-11-ին.
{{cite web}}: Unknown parameter|deadlink=ignored (|url-status=suggested) (օգնություն) - ↑ «Распоряжение КГИОП № 10-46 от 30.01.2015». Արխիվացված է օրիգինալից 2018-08-17-ին. Վերցված է 2018-08-16-ին.
{{cite web}}: Unknown parameter|deadlink=ignored (|url-status=suggested) (օգնություն); no-break space character in|title=at position 21 (օգնություն) - ↑ «О театре». Театр Балета им. Леонида Якобсона (ռուսերեն). 2013-11-21. Վերցված է 2023-01-23-ին.
- ↑ «Солисты». Театр Балета им. Леонида Якобсона (ռուսերեն). Վերցված է 2023-01-23-ին.