Ղուշչի (Ծալկայի շրջան)
Лущенко
| Գյուղ | ||
|---|---|---|
| Ղուշչի | ||
| վրաց.՝ კუშჩი | ||
| Երկիր |  Վրաստան | |
| Մարզ | Քվեմո Քարթլի | |
| Շրջան | Ծալկայի | |
| Համայնք | Ծալկայի մունիցիպալիտետ | |
| ԲԾՄ | 1540 մ | |
| Բնակչություն | 532 մարդ (2014) | |
| Ազգային կազմ | Հայեր | |
| ||
Ղուշչի (վրացերեն՝ კუშჩი), հայաբնակ գյուղ Վրաստանի Քվեմո Քարթլիի մարզի Ծալկայի շրջանում, Խրամ գետի ափին, Ծալկայից 25 կմ արևմուտք։ Գտնվում է ծովի մակարդակից 1540 մ բարձրության վրա։
Բնակչությունը
խմբագրել2014 թվականի տվյալներով, գյուղն ուներ 532 բնակիչ[1], ովքեր զբաղվում են հացահատիկի, բանջարեղենի, կարտոֆիլի մշակությամբ, այգեգործությամբ և անասնապահությամբ։ Գյուղում կա միջնակարգ դպրոց, մանկապարտեզ, ակումբ, գրադարան, բուժկետ։
Գյուղը հիմնադրվել է 1830 թվականին։ 1870թ-ին Ղուշչիում կառուցվել է Սուրբ Գևորգ եկեղեցին և կամարակապ քարե կամուրջ Խրամ գետի վրա։
Ղուշչիում է ծնվել գեներալ-մայոր Հրայր Սիմոնյանը։
Պատմությունը
խմբագրել1992 թվականից՝ ԽՍՀՄ-ի փլուզումից հետո գյուղում փակվեցին գրադարանը, ակումբը և մանկապարտեզը։ Գյուղի հայկական եկեղեցին և քարե կամուրջը, որը կապում է Ղուշչի գյուղը հույնաբնակ Ջինիս, այժմ Արծիվան, գյուղի հետ կառուցել է Հովակիմ Մեհրաբյանը։ Ղուշչին կառուցվել է Խռամ գետի ձախ ափին փոքրիկ բլրի վրա, Ծալկայից 23կմ հեռավորության վրա։ Գյուղի բնակիչները գաղթել են Էրզրումի նույնանուն գյուղից, որը գտնվում է Տղմուտ գետի ձախ ափին բլրի վրա։ Գյուղը հյուսիսից հարևան է հույնաբնակ Ջինիս, այժմ Արծիվան, գյուղին, հարավից՝ հայաբնակ Նարդևան գյուղին, արևմուտքից՝ հույնաբնակ Օլյանկ, այժմ Բերթա, գյուղին, հյուսիս-արևմուտքից՝ հայաբնակ Ղզլքիլիսա գյուղին, իսկ արևմուտքում գետն է և արոտավայրերը։ Հարավ-արևմուտքում Սուրբ Հովհաննես սարն է իր եկեղեցով։ Սուրբ Հովհաննես սարի ներքևում գյուղի ձորն է կրկին իր եկեղեցով։ Ձորն ունի իր այգին, որը տնկել է Վարդան Մեհրաբյանը։ Այգում կա խնձորենի, տանձենի, բարդի։
Ծանոթագրություններ
խմբագրել- ↑ «მოსახლეობის საყოველთაო აღწერა 2014». საქართველოს სტატისტიკის ეროვნული სამსახური. ნოემბერი 2014. Վերցված է 26 ივლისი 2016-ին.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ 
|