Հիշատակի ծառուղի

«Հիշատակի ծառուղի», «Երախտիքի ծառուղի», Հայոց մեծ եղեռնի 100-րդ տարելիցի կապակցությամբ 12 կիսանդրիներից բաղկացած ծառուղի Երևանի Կենտրոն համայնքում, Երևանի պետական համալսարանի Սարգիս և Մարի Իզմիրլյանների անվան գրադարանի մուտքի մոտ՝ Չարենցի փողոցի կողմից։

Հիշատակի ծառուղի
«Հիշատակի ծառուղի»
Ընդհանուր տեղեկություններ
Համայնք	Կենտրոն
Գտնվում է	ԵՊՀ Սարգիս և Մարի Իզմիրլյանների անվան գրադարան
Քանդակագործ(ներ)	Վլադիմիր Անտաշյան
Շինարարության ավարտ	2015, ապրիլի 29
Ներկա վիճակ	կանգուն

Պատմություն

Հիշատակի ծառուղում տեղադրված են Հայոց ցեղասպանությունը հասարակական լայն շրջանակներում քննադատած, բողոքի ու կարեկցանքի խոսքեր արտահայտած, ինչպես նաև հայության մի ստվար հատվածին մահվան ճիրաններից փրկած ու օգնություն ցուցաբերած օտարազգի հայտնի գործիչներից 12-ի կիսանդրիները։

Երախտիքի ծառուղին հիմնադրվել է ԵՊՀ դասախոսների, աշխատակիցների և ուսանողների, «Արդշինբանկ» ՓԲԸ-ի, «Պրոմեթեյ Բանկ» ՍՊԸ-ի և այլ բարերարների նվիրատվությամբ։

Հեղինակ

• Քանդակագործ՝ Վլադիմիր Անտաշյան

Կիսանդրիներ

• Ալմա Յոհանսոն (Alma Johansson, 1880-1974 թվականներ, Շվեդիա)
• Անատոլ Ֆրանս (Anatole France, 1844-1924 թվականներ, Ֆրանսիա)
• Արմին Վեգներ (Armin Wegner, 1886-1978 թվականներ, Գերմանիա)
• Կարեն Եպպե (Karen Jeppe, 1876-1935 թվականներ, Դանիա)
• Հենրի Մորգենթաու (Henry Morgenthau, 1856-1946 թվականներ, ԱՄՆ)
• Յակոբ Կյունցլեր (Jakob Künzler, 1871-1949 թվականներ, Շվեյցարիա)
• Յոհաննես Լեփսիուս (Johannes Lepsius, 1858-1926 թվականներ, Գերմանիա)
• Պիեռ Քիյառ (Pierre Quillard, 1864-1912 թվականներ, Ֆրանսիա)
• Ջեյմս Բրայս (James Bryce, 1838-1922 թվականներ, Մեծ Բրիտանիա)
• Ռաֆայել Լեմկին (Raphael Lemkin, 1900-1959 թվականներ, Լեհաստան)
• Ֆրանց Վերֆել (Franz Werfel, 1890-1945 թվականներ, Ավստրիա)
• Ֆրիտյոֆ Նանսեն (Fridtjof Nansen, 1861-1930 թվականներ, Նորվեգիա)

Մեջբերումներ

Երևանի պետական համալսարանի բակում հիմնված այս ծառուղին մեր շնորհակալության համեստ արտահայտությունն է օտարազգի բոլոր այն անձանց ու կառույցներին, ովքեր անշահախնդիր ներդրում են ունեցել անպաշտպան հայերին փրկելու, փրկված հայերի համար կենսապայմաններ ապահովելու, հայության դեմ կատարված եղեռնագործության մասին աշխարհին տեղեկացնելու, հայության դատին հետամուտ լինելու գործում։ - Արամ Սիմոնյան, ԵՊՀ ռեկտոր

Այս 12 գործիչների կիսանդրիների տեղադրմամբ ամենևին էլ ծանրութեթև չենք անում նրանց և պատմությանը հայտնի ու անհայտ բազմաթիվ այլ հայասերների կատարած գործերը։ Մենք երախտապարտ ենք բոլոր նրանց, ովքեր իրենց ուժերի ներածին չափով փորձել են մեղմել հայության վիշտը։ Երախտապարտ ենք այն հասարակ արաբ գյուղացուն, ով մի կտոր հաց է տվել ծնողներին կորցրած հայ որբուկին, այն քրդին, ով իր հարկում թաքցրել է յաթաղանի սպառնալիքի տակ հայտնված հայ հարևանին։ - Արամ Սիմոնյան

Պատկերասրահ

• 
• 
• 
  Ջեյմս Բրայս
• 
  Ռաֆայել Լեմկին
• 
  Ֆրանց Վերֆել
• 
  Ալմա Յոհանսոն
• 
  Պիեռ Քիյառ
• 
  Անատոլ Ֆրանս
• 
• 
  Ֆրիտյոֆ Նանսեն
• 
  Յոհաննես Լեփսիուս
• 
  Կարեն Եպպե
• 
  Արմին Վեգներ
• 
  Յակոբ Կյունցլեր
• 
  Հենրի Մորգենթաու
• 

Ծանոթագրություններ

Հիշատակի ծառուղի էջը Վիքիպահեստում