Հեյլի Ռայնհարտ

Հեյլի Ռայնհարտ
Հիմնական տվյալներ
Ի ծնե անուն	անգլ.՝ Haley Elizabeth Reinhart
Ծնվել է	սեպտեմբերի 9, 1990 (33 տարեկան); Wheeling, Կուկ շրջան, Իլինոյս, ԱՄՆ
Երկիր	ԱՄՆ
Ժանրեր	Փոփ; ջազ; ռոք; բլյուզ; սոուլ; R&B; ֆանկ;
Մասնագիտություն	հեղինակ-կատարող, ջազ երաժիշտ, երգչուհի, կոմպոզիտոր, ձայնային դերասանուհի և ստուդիական երաժիշտ
Գործիքներ	վոկալ
Գործունեություն	2009-ներկա (երգչուհի) ; 2015-ներկա (դերասանուհի)
Լեյբլ	19 Recordings և Concord Records
Կրթություն	Wheeling High School? և Harper College?
Կայք	haleyreinhart.com
	Haley Reinhart Վիքիպահեստում

Հեյլի Էլիզաբեթ Ռայնհարտ^[3] (անգլ.՝ Haley Elizabeth Reinhart, սեպտեմբերի 9, 1990(1990-09-09)^[1]^[2], Wheeling, Կուկ շրջան, Իլինոյս, ԱՄՆ), ամերիկացի երգչուհի, երգահան և հնչյունավորող դերասանուհի։ Հայտնի է դարձել American Idol նախագծի տասերորդ եթերաշրջանում զբաղեցնելով երրորդ տեղը։ 2011 թվականի հուլիսին Ռայնհարտը պայմանագիր է կնքում Interscope Records լեյբլի հետ^[4]։ Նրա «Listen Up!» առաջնելութային ալբոմը թողարկվել է 2012 թվականի մայիսի 22-ին^[5], և նա արդյունքում դարձել է American Idol-ի առաջին սանը, որը ելույթ է ունեցել «Lollapalooza»-ին։ Իր ընթացիկ պայմանագրից բացի 2014 թվականի մարտին Ռայնհարտը պայմանագիր է կնքում ICM Partners լեյբլի հետ։

2015 թվականին Ռայնհարտը մեծ ճանաչում է ձեռք բերել` ելույթ ունենալով և շրջագայելով Սքոթ Բրեդլիի Postmodern Jukebox-ում։ Postmodern Jukebox-ի հետ առավել հայտնի համագործակցությունը Radiohead խմբի «Creep» երգի ջազային տարբերակն է, որը 58 շաբաթ անցկացրել է Billboard Jazz թվային հիթ-շքերթներում և ստացել քննադատների դրական գնահատականները։ Նույն թվականին թողարկված Էլվիս Փրեսլիի «Can’t Help Falling in Love» երգի քավեր տարբերակը, որը օգտագործվել է «Extra Gum»-ի գովազդային հոլովակում, դարձել է վիրուսային սենսացիա, US Adult Contemporary չարթում 16-րդ հորիզոնականի հասնելով և 2019 թվականի հոկտեմբերի 4-ին ձայնագրող ընկերությունների ամերիկյան ասոցիացիայի կողմից պլատինե հավաստագիր ստանալով։ 2016 թվականին Ռայհնարտը ստացել է Cannes Lion for Entertainment և Clio Award մրցանակները։ Բացի այդ, նա 2015 թվականի դեկտեմբերի 18-ին դեբյուտ է կատարել հնչյունավորելով Բիլ Մյորֆիի դերը Նեթֆլիքսի «F Is for Family» անիմացիոն կատակերգությունում։ Սիթքոմի երկրորդ և երրորդ եթերաշրջաններում իր կերպարը գլխավոր դեր է կատարել։

Նրա «Better» երկրորդ ստուդիական ալբոմը թողարկվել է 2016 թվականի ապրիլի 26-ին^[6]։ Billboard ազատ ալբոմների չարթերում ալբոմը 22-րդ հորիզոնական է հասել։ Ալբոմին աջակցելու համար նա 2016 թվականին ամբողջ ԱՄՆ-ի տարածքով ամառային շրջագայության է մեկնել, իսկ 2017 թվականի մայիսին և հունիսին ելույթ է ունեցել ամբողջ Եվրոպայում։ Ռայնհարտի «What's That Sound?» երրորդ ստուդիական ալբոմը թողարկվել է 2017 թվականի սեպտեմբերի 22-ին Concord Records լեյբլում։ Ալբոմի «Baby It's You» առաջին սինգլը թողարկվել է 2017 թվականի հունիսի 16-ին, «The Letter» սինգլը 2017 թվականի հուլիսի 13-ին և «For What It's Worth»-ը 2017 թվականի օգոստոսի 11-ին։ «Let's Start» չորրորդ սինգլը թողարկվել է 2017 թվականի սեպտեմբերի 15-ին։ Ալբոմին աջակցելու համար Ռայնհարտը 2017 թվականին մեկնել է ամերիկյան շրջագայության։

2018 թվականին Ռայնհարտը Ջեֆ Գոլդբլումի դեբյուտային «The Capitol Studios Sessions» ալբոմի և Vicetone-ի «Something Strange» սինգլում որպես համագործակցող վոկալիստ է հանդես եկել։ 2018 թվականի հունիսի 1-ին թողարկվել է «Last Kiss Goodbye» սինգլը, իսկ նույն թվականի սեպտեմբերի 14-ին թողարկվել «Don't Know How to Love You»-ն, որը Ռեյնհարտի չորրորդ ստուդաիական ալբոմի՝ «Lo-Fi Soul»-ի (մարտի 27, 2019) գլխավոր սինգլն է։ Նույնանուն երգը թողարկվել է 2019 թվականի փետրվարի 8-ին, որպես ալբոմի երկրորդ սինգլ։ «Honey, There's the Door» երրորդ սինգլը թողարկվել է մարտի 8-ին։ «Deep Water» չորրորդ սինգլը թողարկվել է հուլիսի 29-ին։ Ռայնհարտը աջակցել է ալբոմին ամերիկյան շրջագայությամբ։

Ռայնհարտը դեբյուտ է կատարելու Ռոբերտ Ռոդրիգեսի նոր գիտաֆանտաստիկ սուպերհերոսական «We Can Be Heroes» ֆիլմում, որը թողարկվելու է Նեթֆլիքսում։

Սկավառակագրություն

«Listen Up!» (2012)
«Better»(2016)
«What's That Sound?» (2017)
«Lo-Fi Soul» (2019)

Ֆիլմագրություն

«American Idol» (2011, 2012, 2016)
«Hell's Kitchen» (2012)
«90210» (2012)
«Real Music Live» (2013)
«F Is for Family» (2015-ներկա)
«We Can Be Heroes»

Ծանոթագրություններ

↑ ^1,0 ^1,1 Internet Movie Database — 1990.
↑ ^2,0 ^2,1 Discogs — 2000.
↑ «BMI | Repertoire Search». archive.is. 2016 թ․ հուլիսի 18. Արխիվացված է օրիգինալից 2016 թ․ հուլիսի 18-ին. Վերցված է 2019 թ․ նոյեմբերի 1-ին.
↑ «Haley Reinhart signed to Interscope Records». EW.com (անգլերեն). Վերցված է 2019 թ․ նոյեմբերի 1-ին.
↑ Chinen, Nate; Caramanica, Jon; Ratliff, Ben (2012 թ․ մայիսի 21). «New Albums by John Mayer, Haley Reinhart and Linda Oh». The New York Times (ամերիկյան անգլերեն). ISSN 0362-4331. Վերցված է 2019 թ․ նոյեմբերի 1-ին.
↑ Abbey Interviews Haley Reinhart, Վերցված է 2019 թ․ նոյեմբերի 1-ին

Արտաքին հղումներ

Հեյլի Ռայնհարտ Allmusic կայքում

Վիքիպահեստն ունի նյութեր, որոնք վերաբերում են «Հեյլի Ռայնհարտ» հոդվածին։

[_cbdf7b2a2390950e-1] 1,0 ^1,1 Internet Movie Database — 1990.

[_067e996a5873c4cf-2] 2,0 ^2,1 Discogs — 2000.

[3] «BMI | Repertoire Search». archive.is. 2016 թ․ հուլիսի 18. Արխիվացված է օրիգինալից 2016 թ․ հուլիսի 18-ին. Վերցված է 2019 թ․ նոյեմբերի 1-ին.

[4] «Haley Reinhart signed to Interscope Records». EW.com (անգլերեն). Վերցված է 2019 թ․ նոյեմբերի 1-ին.

[5] Chinen, Nate; Caramanica, Jon; Ratliff, Ben (2012 թ․ մայիսի 21). «New Albums by John Mayer, Haley Reinhart and Linda Oh». The New York Times (ամերիկյան անգլերեն). ISSN 0362-4331. Վերցված է 2019 թ․ նոյեմբերի 1-ին.

[6] Abbey Interviews Haley Reinhart, Վերցված է 2019 թ․ նոյեմբերի 1-ին

[3]

[1]

[2]

[4]

[5]

[6]