Հանրապետության հրապարակ (Փարիզ)

Հանրապետության հրապարակ, հրապարակ Փարիզի տարածքում, գտնվում է 3-րդ, 10-րդ և 11-րդ շրջաններում։ Տարածքը մոտ 340 × 100 մետր է։

ֆր.՝ Place de la République

Հանրապետության հրապարակ
Երկիր	Ֆրանսիա
Տեղագրություն	Փարիզի 3-րդ շրջան, Փարիզի 10-րդ շրջան, Փարիզի 11-րդ շրջան, Arts-et-Métiers?, Quartier des Enfants-Rouges?, Quartier de la Porte-Saint-Martin? և Quartier de la Folie-Méricourt?
Մասն է	road network of Paris?
Ստեղծում	1883
Անվանվել է	հանրապետություն

Պատմություն

Նախկինում՝ 14-րդ դարում, Շառլ Իմաստունի օրոք, հրապարակի տարածքում եղել է Փարիզի քաղաքային պատը։ Այստեղ գտնվել է դարպաս, ամրացված բաստիոնով, որը կոչվել է Porte du Temple (այդպես է կոչվել Տաճարականների միաբանության նստավայրի անունով)։ 1811 թվականին Նապոլեոնը հրամայում է զարդարել հրապարակը Fontaine du Château d’Eau շատրվաններով։

Հրապարակն իր բնորոշ ուղղանկյուն ձևը ստացել է 1854 թվականին ոստիկանապետ և քաղաքաշինարար Բարոն Օսմանի կարգադրությամբ՝ որպեսզի այն օգտագործվի մարտական նախապատրաստություն իրականացնելու նպատակով։ Ներկայիս Մաժենտա և Վոլտեր բուլվարները ուղիղ գծով դուրս էին գալիս դեպի Հանրապետության հրապարակ, որը ամենևին չէր խաթարում քաղաքի դասական տեսքը և միաժամանակ ապահովում էր քաղաքի լավագույն հրետանային պաշտպանությունը, քան հասարակ ծուռումուռ փողոցները։

Հրապարակի կենտրոնում կանգնած է 1880 թվականին Մորիս եղբայների կողմից կառուցված Հանրապետության արձանը`հաղթանդամ կնոջ մարմին՝ պսակված դափնեպսակով, որի պարզած ձեռքին ձիթենու ճյուղ է, ինչը խաղաղությունն է խորհրդանշում։ Ոտքերի մոտ՝ պատվանդանին զետեղված են կանացի ֆիգուրներ՝ ջահերը ձեռքերին։ Կանայք խորհրդանշում են Ազատությունը, Հավասարությունը և Եղբայրությունը։ Արձանախմբի ամենաներքում բրոնզաձույլ առյուծ է տեղադրված, որը երիզված է խորաքանդակներով, որոնց վրա քանդակված են Ֆրանսիայի պատմության հիշարժան դեպքերը։

Փողոցներ

Հետևյալ փողոցները դասված են ժամացույցի սլաքի հերթականությամբ։

• Մաժենտի բուլվար (boulevard de Magenta)
• Լեոն-Ջոուայի փողոց (rue Léon-Jouhaux)
• Ֆոբուր դյու Թամփլեի փողոց (rue du Faubourg du Temple)
• Հանրապետության պողոտա (avenue de la République)
• Վոլտերի բուլվար (boulevard Voltaire)
• Դյու Թամփլեի բուլվար (boulevard du Temple)
• Դյու Թամփլեի փողոց (rue du Temple)
• Սան- Մարտենի բուլվար (boulevard Saint-Martin)
• Ռենե Բուլանժի փողոց (rue René Boulanger)

Մոտակա մետրոյի կայարանը «Հանրապետական»(գծեր 3, 5, 8, 9, 11)։

Տես նաև

• Հանրապետության հրապարակ (Երևան)

Ծանոթագրություններ

Վիքիպահեստն ունի նյութեր, որոնք վերաբերում են «Հանրապետության հրապարակ (Փարիզ)» հոդվածին։