Հայկազ Հովհաննիսյան
Հայկազ Հովհաննիսյան (1958[1], Վաղարշապատ, Հայկական ԽՍՀ, ԽՍՀՄ), հայ պատմաբան, պատմական գիտությունների դոկտոր, պրոֆեսոր։
| Հայկազ Հովհաննիսյան | |
|---|---|
| Ծնվել է | 1958[1] |
| Ծննդավայր | Վաղարշապատ, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Ազգություն | հայ |
| Կրթություն | Հայկական պետական մանկավարժական համալսարանի ասպիրանտուրա |
| Գիտական աստիճան | պատմական գիտությունների դոկտոր և պրոֆեսոր |
| Մասնագիտություն | պատմաբան |
| Աշխատանք | դասախոս |
| Աշխատավայր | Հայկական պետական մանկավարժական համալսարան, Երևանի պետական համալսարան |
| Զբաղեցրած պաշտոններ | ԵՊՀ գիտական վարչության հումանիտար գիտությունների բաժնի պետ, գիտա-կազմակերպչական բաժնի վարիչ |
Կենսագրություն
խմբագրելԾնվել է 1958 թվականի հունվարի 1-ին Էջմիածնի շրջանի Գայ գյուղում։ 1975 թ. ոսկե մեդալով ավարտել է գյուղի միջնակարգ դպրոցը։ 1975–1979 թվականներին ուսանել է Երևանի պետական մանկավարժական համալսարանի Պատմության ֆակուլտետում, որն ավարտել է գերազանցության դիպլոմով։ 1979–1985 թվականներին աշխատել է Էջմիածնի շրջանի Բաղրամյան գյուղի միջնակարգ դպրոցում որպես պատմության ուսուցիչ։ 1985–1988 թվականներին ուսումը շարունակել է Երևանի պետական մանկավարժական համալսարանի ասպիրանտուրայում։ 1989 թվականին պաշտպանել է թեկնածուական ատենախոսություն։ 1989 թվականից որպես դասախոս աշխատանքի է անցել Հայկական պետական մանկավարժական համալսարանի Պատմության ֆակուլտետում սկզբում ԽՍՀՄ, ապա՝ Հայոց պատմության ամբիոններում։ 1999 թվականին պաշտպանել է դոկտորական ատենախոսություն «Հայագիտությունը Ռուսաստանում XIX դարում» թեմայով։ 2000 թվականից դասախոսում է ԵՊՀ Պատմության ֆակուլտետի Հայոց պատմության ամբիոնում նախ որպես դոցենտ, այնուհետև՝ պրոֆեսոր։ 2006–2008 թվականներին եղել է ԵՊՀ գիտական վարչության հումանիտար գիտությունների բաժնի պետ, գիտա-կազմակերպչական բաժնի վարիչ։ Չորս մենագրությունների և շուրջ 50 գիտական հոդվածների հեղինակ է։ Գիտական հետազոտությունների հիմնական ոլորտը Հայ-ռուսական հարաբերություններն են։
Երկեր
խմբագրել- Հայոց պատմության հիմնահարցերը 19-րդ դարի ռուսական մամուլի հրապարակումներում, Երևան, 1999, 88 էջ։
- Հայագիտությունը Ռուսաստանում (Պատմագիտություն, XIX դար), Երևան, 2004, 504 էջ։
- Ինչպես գրել ավարտական և կուրսային աշխատանք պատմությունից (մեթոդական հանձնարարականներ), Երևան, 2007, 46 էջ։
- Ինչպես գրել գիտական աշխատանք պատմությունից (մեթոդական հանձնարարականներ), Երևան, 2014, 64 էջ։
- Սուրմալու (1828-1921 թթ.), Երևան, 2015, 524 էջ։
Գրականություն
խմբագրել- Երևանի պետական համալսարանի 90-ամյա պատմության ֆակուլտետը, խմբ. Էդիկ Գ. Մինասյան, Երևան, 2009, էջ 232։
Արտաքին հղումներ
խմբագրել- Հայկազ Հովհաննիսյան Արխիվացված 2016-05-02 Wayback Machine
- ↑ 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.