Բաղրամյան (Էջմիածնի շրջան)
Անվան այլ կիրառումների համար տե՛ս՝ Բաղրամյան (այլ կիրառումներ)
Բաղրամյան, գյուղ Հայաստանի Արմավիրի մարզի Փարաքար համայնքում[1]։
| Գյուղ | |||
|---|---|---|---|
| Բաղրամյան | |||
| Երկիր |  Հայաստան | ||
| Մարզ | Արմավիրի | ||
| Գյուղ | Փարաքար համայնք[1] | ||
| Հիմնադրված է | 1947 թ. | ||
| Մակերես | 10.7 կմ² | ||
| ԲԾՄ | 950 մ | ||
| Պաշտոնական լեզու | Հայերեն | ||
| Բնակչություն | 2838[2] մարդ (2011) | ||
| Ազգային կազմ | Հայեր | ||
| Կրոնական կազմ |  Հայ Առաքելական եկեղեցի | ||
| Տեղաբնականուն | բաղրամյանցի | ||
| Ժամային գոտի | UTC+4 | ||
| Հեռախոսային կոդ | +374 (231)[3] | ||
| Փոստային ինդեքս | 1123[4] | ||
| |||
Անուն խմբագրել
Հիմնադրվել է 1947 թվականին որպես ավան և իր անվանումը ստացել է ի պատիվ մարշալ Հովհաննես Բաղրամյանի։
Աշխարհագրություն խմբագրել
Բաղրամյան գյուղը Վաղարշապատ քաղաքից հեռու է 5 կմ, մարզկենտրոն Արմավիր քաղաքից՝ 38 կմ, հայ-թուրքական շփման գծից՝ 9 կմ։
Տեղակայված է Միջինարաքսյան հարթավայրում՝ ծովի մակարդակից 945 մ բարձրության վրա։
Կլիմա խմբագրել
Կլիման չոր խիստ ցամաքային է։ Ձմեռները սկսվում են դեկտեմբերի կեսերին, հունվարյան միջին ջերմաստիճանը տատանվում է -3-ից -5 °C։ Ամառը տևական է՝ մայիսից մինչև հոկտեմբեր, օդի միջին ամսական ջերմությունը հասնում է 24-ից 26 °C, իսկ առավելագույնը՝ 42 °C։ Հաճախ լինում են խորշակներ, որոնք զգալի վնաս են հասցնում գյուղատնտեսությանը։ Մթնոլորտային տարեկան տեղումների քանակը 250-300 մմ է։ Բնական լանդշաֆտները կիսանապատներ են, որոնք ոռոգման ընթացքում վեր են ածվել կուլտուր-ոռոգելի լանդշաֆտի։ Ագրոկլիմայական տեսակետից համայնքն ընկած է բացարձակ ոռոգման գոտում։
Բնակչություն խմբագրել
Գյուղի բնակչությունը տեղափոխվել է նույն շրջանի հարակից գյուղերից և Հայաստանի այլ շրջաններից։ Ըստ ՀՀ 2011 թվականի հանրաքվեի արդյունքների՝ Բաղրամյանի մշտական բնակչությունը կազմել է 2838 մարդ (1379 տղամարդ և 1459 կին), առկա բնակչությունը՝ 2804 մարդ (1361 տղամարդ և 1443 կին)։
Բաղրամյանի ազգաբնակչության փոփոխությունը[5].
| Տարի | 1970 | 1979 | 1989 | 2001 | 2011 |
|---|---|---|---|---|---|
| Բնակիչ | 1831 | 2233 | 2629 | 2675 | 2838[2] |
Տնտեսություն խմբագրել
Գյուղն ունի 668 առկա տնտեսություն։ Ունի դպրոց, գրադարան, մանկապարտեզ, բուժկետ, կապի հանգույց։ Գյուղատնտեսական հողահանդակները ոռոգվում են Ստորին Հրազդանի ջրանցքի ջրերով։ Գյուղատնտեսական հողահանդակներում մեծ բաժին ունեն վարելահողերը (340 հա), պտղատու (16 հա) և խաղողի այգիները (80 հա)։ Պետական հողերը օգտագործվում են որպես վարելահողեր, խաղողի այգիներ՝ կազմելով համապատասխանաբար 155 և 3 հեկտար։ Զբաղվում են պտղաբուծությամբ, այգեգործությամբ, մշակում են նաև բանջարաբոստանային կուլտուրաներ։ Զբաղվում են թռչնաբուծությամբ, խոշոր եղջերավոր անասնապահությամբ։
Հարուստ է տուֆի պաշարներով, որոնք ունեն արդյունաբերական նշանակություն։
Ծանոթագրություններ խմբագրել
- ↑ 1,0 1,1 Տեղեկություններ Փարաքար համայնքի մասին Արմավիրի մարզպետարանի կայքում, (արխիվացված 05․11․2023 թվական)։
- ↑ 2,0 2,1 2011 թ Հայաստանի մարդահամարի արդյունքները
- ↑ «ՀՀ մարզերի կոդեր». Արխիվացված է օրիգինալից 2013 թ․ օգոստոսի 26-ին. Վերցված է 2013 թ․ օգոստոսի 23-ին.
- ↑ Code database of Armenia, Արմավիր
- ↑ «Հայաստանի հանրապետության բնակավայրերի բառարան, էջ 42» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2015 Մարտի 27-ին.