Կուրիս

Կուրիս (նախկինում նաև Կուրավանք), գյուղ Հայաստանի Հանրապետության Սյունիքի մարզի Մեղրու տարածաշրջանում, Մեղրի քաղաքից մոտ 7 կմ հյուսիս-արևմուտք, լեռնաբազկի ընդարձակ գագաթին, ծովի մակարդակից 1320-1380 մ բարձրության վրա։ Հեռավորությունը Կապան մարզկենտրոնից ճանապարհով կազմում է մոտ 74 կմ։

Գյուղ
Կուրիս
Երկիր	Հայաստան
Մարզ	ՍյունիքՍյունիք
Գյուղապետ	Արտակ Ավետյան
Մակերես	14,31 կմ²
ԲԾՄ	1375 մ
Պաշտոնական լեզու	հայերեն
Բնակչություն	44 մարդ (2011)
Ազգային կազմ	Հայեր
Տեղաբնականուն	կուրիսեցի
Ժամային գոտի	UTC+4
Կուրիս (Հայաստան)
Կուրիս Վիքիպահեստում

Նույն անվան տակ ընդգրկված է եղել Ցարական Ռուսաստանի Ելիզավետպոլի նահանգի Զանգեզուրի գավառում։ Խորհրդային տարիներին մասն է կազմել Հայկական ԽՍՀ Մեղրու գավառի, իսկ 1930 թվականից` Մեղրու շրջանի։ 1995 թվականից մտնում է ՀՀ Սյունիքի մարզի մեջ։

Գյուղում պահպանվել է 15-17-րդ դարերի սբ. Ամենափրկիչ եկեղեցին, գյուղից 1,5 կմ հարավ-արևելք՝ նախկին Ագարակ գյուղի ավերակները և Կուրկուտախաչ հնավայրը։ Գյուղի հարավ-արևելյան և արևելյան կողմում կան գյուղատեղիներ, սառնորակ աղբյուրներ, այդ թվում նաև հանքային։

Բնակչություն

Ըստ ՀՀ 2011 թ. մարդահամարի արդյունքների` Կուրիսի բնակչությունը կազմել է 44 մարդ։ Գյուղը բնակեցված է եղել հայերով, բնակչության փոփոխությունը ժամանակի ընթացքում` ստորև.

Տարի	1831	1873	1897	1926	1939	1959	1970	1979	1989	2001	2011
Բնակիչ	12	154	194	281	239	303	297	234	144	112	44

Կուրիսցիներ

• Հրանտ Գյուլասարյան

Տես նաև

• Կուրիսի պատմության և մշակույթի անշարժ հուշարձանների ցանկ (Սյունիքի մարզ)