Կորինա Կիրիակ
Կորինա Կիրիակ (ռումիներեն՝ Corina Chiriac, հոկտեմբերի 26, 1949, Բուխարեստ, Ռումինիա), ծագումով հայ ռումինացի երգչուհի, կոմպոզիտոր, քնարերգու, հեռուստատեսային ռեժիսոր և դերասանուհի։ Նա 1970-1980-ականների ռումինացի ամենահաջողակ երգչուհիներից մեկը։
Կորինա Կիրիակ | |
---|---|
Ծնվել է | հոկտեմբերի 26, 1949 (74 տարեկան) Բուխարեստ, Ռումինիա |
Երկիր | Ռումինիա և Ռումինիայի Ժողովրդական Հանրապետություն |
Ժանրեր | թեթև երաժշտություն |
Մասնագիտություն | երգչուհի, կոմպոզիտոր և ստուդիական երաժիշտ |
Լեյբլ | Electrecord? |
Corina Chiriac Վիքիպահեստում |
Ձայնագրել է ավելի քան 500 երգ, 21 ձայնասկավառակ, հանդես է եկել ռումինական հեռուստատեսային բազմազան շոուներում, մյուզիքլներում, վարիետեներում։ Ռումինացի առաջին կատարողն է, ում թույլ են տվել հանդես գալ արևմտյան երկրներում։ Համերգներով հանդես է եկել Մեծ Բրիտանիայում, Ֆրանսիայում, Իտալիայում, Գերմանիայում, Շվեյցարիայում, Պորտուգալիայում, Իսրայելում, Բրազիլիայում, Արգենտինայում, Պուերտո Ռիկոյում։ 70-ականների և 80-ականների սկզբին շրջագայել է Արևելյան Եվրոպայում (նախկին Արևելյան Գերմանիա, Ռուսաստան, Բուլղարիա, Լեհաստան, նախկին Չեխոսլովակիա և այլն)։
1988-1994 թվականներին ապրել է ԱՄՆ-ում։ Ռումինիայում հայտնի լինելու համար առաջարկ է ստացել Walt Disney Pictures-ից, և 1994 և 2005 թվականներին Ջրահարսը մուլտֆիլմի ռումինական տարբերակի համար կատարել Ուրսուլայի ձայնը։
Կենսագրություն
խմբագրելԿորինա Կիրիակը ծնվել է դաշնակահարուհի Արշալույս Քալաջյանի և ռումինացի կոմպոզիտոր Միրչա Կիրիակի (1919-1994) ընտանիքում[1]։ Տատը Փարիզ Քալաջյանը, 1915 թվականին վերապրել է Հայոց ցեղասպանությունը, հաստատվել Բուխարեստում։
Կորինա Կիրիակի դեբյուտը բեմում կայացել է 1970 թվականին՝ «Աստղ առանց անվան» հեռուստատեսային վոկալ մրցույթի ժամանակ։ 1972 թվականին ավարտել է Ազգային թատերական ինստիտուտը։ Հանդես է եկել Կառել Գոտի, Ալլա Պուգաչովայի, Սոֆյա Ռոտարուի, Լիլի Իվանովայի, Բոնի Էմ խմբի հետ։
Ֆիլմագրություն
խմբագրելՏարի | Ֆիլմ | Դեր | Ծանոթագրություն |
---|---|---|---|
1972 | Cu mâinile curate | Երգչուհի | |
1972 | Aventuri la Marea Neagră | Բարբարա | Գլխավոր դեր |
1976 | Roșcovanul | Սյուզի | |
1994/2005 | Ջրահարսը | Ուրսուլա (կրկնօրինակում)[2][3] |
Ծանոթագրություններ
խմբագրել- ↑ «Corina Chiriac – Free listening, concerts, stats, & pictures at». Last.fm. n.d. Վերցված է 2013 թ․ դեկտեմբերի 27-ին.
- ↑ «despre corina chiriac : ACTOR». Desprecorinachiriac.blogspot.ro. n.d. Վերցված է 2013 թ․ դեկտեմբերի 27-ին.
- ↑ «Poor Unfortunate Souls – Romanian». 2013 թ․ սեպտեմբերի 7. Վերցված է 2013 թ․ դեկտեմբերի 27-ին – via YouTube.
Արտաքին հղումներ
խմբագրելՎիքիպահեստն ունի նյութեր, որոնք վերաբերում են «Կորինա Կիրիակ» հոդվածին։ |