Կյուիտի Տոկուդա

Կյուիտի Տոկուդա; ճապ.՝ 徳田球一
Ծնվել է	սեպտեմբերի 12, 1894
Ծննդավայր	Նագո, Օկինավա, Ճապոնիա
Մահացել է	հոկտեմբերի 14, 1953 (59 տարեկան)
Մահվան վայր	Պեկին, Չինաստան
Քաղաքացիություն	Ճապոնիա
Կրթություն	Նիհոն համալսարան
Մասնագիտություն	քաղաքական գործիչ և փաստաբան
Զբաղեցրած պաշտոններ	Ճապոնիայի Ներկայացուցիչների պալատի անդամ
Կուսակցություն	Ճապոնիայի կոմունիստական կուսակցություն
	Kyūichi Tokuda Վիքիպահեստում

Կյուիտի Տոկուդա (սեպտեմբերի 12, 1894(1894-09-12)^[1]^[2], Նագո, Օկինավա, Ճապոնիա - հոկտեմբերի 14, 1953(1953-10-14)^[1]^[2], Պեկին, Չինաստան), Ճապոնիայի բանվորական շարժման գործիչ, Ճապոնիայի կոմունիստական կուսակցության (ՃԿԿ) հիմնադիրներից։

Ծնվել է տպագրիչ-բանվորի ընտանիքում։ Մասնակցել է Տոկիոյում տեղի ունեցած զանգվածային հակակառավարական ելույթներին («Բրնձային խռովություններ», 1918)։ Տոկիոյի Նիհոն համալսարանի իրավաբանական ֆակուլտետն ավարտելուց (1920) հետո քաղաքական ակտիվ գործունեություն է ծավալել։ Մասնակցել է 1922 թ. հունվար-փետրվարին Մոսկվայում կայացած Հեռավոր Արևելքի կոմունիստական և հեղափոխական կուսակցությունների 1-ին համագումարին։ ՃԿԿ 1-ին համագումարում (1922) ընտրվել է ՃԿԿ ԿԿ անդամ։ Կյուիտի Տոկուդա 1923-1927 թթ. ՃԿԿ այլ ղեկավարների հետ գլխավորել է աջ օպորտունիստական լիկվիդատորական և ձախ օպորտունիստական աղանդավորական թեքումների դեմ կուսակցության պայքարը։ 1926-1927 թթ. երկու անգամ անլեգալ մեկնել է Ճապոնիայից և մասնակցել Կոմինտերնի գործկոմի աշխատանքներին։ 1928 թ. ձերբակալվել է և մոտ 7 տարվա դատական քաշքշուկից հետո դատապարտվել 10 տարվա բանտային կալանքի։ Ազատվել է միայն 1945 թ.՝ երկրորդ համաշխարհային պատերազմում Ճապոնիայի պարտությունից հետո։ 1945 թ. դեկտեմբերին ընտրվել է կուսակցության ԿԿ գլխավոր քարտուղար։ 1946 թվականից Ճապոնիայի պառլամենտի անդամ էր։ Նոր ձերբակալումից խուսափելով՝ 1950 թվականի ամռանն անցել է ընդհատակ և, չնայած առողջական ծանր վիճակին, շարունակել է ղեկավարել ՃԿԿ։ Մահացել է Չինաստանում, ուր մեկնել էր բուժման։

Ծանոթագրություններ խմբագրել

↑ ^1,0 ^1,1 ^1,2 ^1,3 ^1,4 SNAC — 2010.
↑ ^2,0 ^2,1 ^2,2 ^2,3 ^2,4 Find A Grave — 1996.

Վիքիպահեստն ունի նյութեր, որոնք վերաբերում են «Կյուիտի Տոկուդա» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։

Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։

[_d6e0a6b4cdbc0b5e-1] 1,0 ^1,1 ^1,2 ^1,3 ^1,4 SNAC — 2010.

[_02a8934d6c628841-2] 2,0 ^2,1 ^2,2 ^2,3 ^2,4 Find A Grave — 1996.

[1]

[2]

Կյուիտի Տոկուդա ճապ.՝ 徳田球一

Ծնվել է	սեպտեմբերի 12, 1894(1894-09-12)^[1]^[2]
Ծննդավայր	Նագո, Օկինավա, Ճապոնիա
Մահացել է	հոկտեմբերի 14, 1953(1953-10-14)^[1]^[2] (59 տարեկան)
Մահվան վայր	Պեկին, Չինաստան
Քաղաքացիություն	Ճապոնիա
Կրթություն	Նիհոն համալսարան
Մասնագիտություն	քաղաքական գործիչ և փաստաբան
Զբաղեցրած պաշտոններ	Ճապոնիայի Ներկայացուցիչների պալատի անդամ
Կուսակցություն	Ճապոնիայի կոմունիստական կուսակցություն
Kyūichi Tokuda Վիքիպահեստում