Կլարա Աուտերի

Կլարա Աուտերի (իտալ.՝ Clara Auteri), ամուսնությունից հետո Կլարա Աուտերի Պեպե (իտալ.՝ Clara Auteri Pepe), մայիսի 19, 1918(1918-05-19), Կալտաջիրոնե, Կատանիա, Սիցիլիա, Իտալիայի թագավորություն - հունիսի 16, 2018(2018-06-16), Միլան, Իտալիա), թատրոնի և կինոյի իտալացի դերասանուհի։

Կլարա Աուտերի իտալ.՝ Clara Auteri Pepe
Ծնվել է	մայիսի 19, 1918(1918-05-19)
Ծննդավայր	Կալտաջիրոնե, Կատանիա, Սիցիլիա, Իտալիայի թագավորություն
Մահացել է	հունիսի 16, 2018(2018-06-16) (100 տարեկան)
Մահվան վայր	Միլան, Իտալիա
Քաղաքացիություն	Իտալիայի թագավորություն և  Իտալիա
Մասնագիտություն	դերասանուհի
Ժանրեր	թատրոն և Կինեմատոգրաֆիա

Կենսագրություն և կարիերա

Կլարա Աուտերին իր կարիերան սկսել է թատրոնում՝ խաղալով ոչ մեծ դեր։ 1937 թվականին ծանոթանում է դերասան Նիկո Պեպեի հետ, որի հետ ավելի ուշ ամուսնանում է։ Ամուսնությունից հետո փոխում է կուսական ազգանունը և վերցնում ամուսնունը։

Միաժամանակ Կլարան նկարահանվել է ամսագրերում, մասնակցել է ռադիոբեմադրություններին։ Հատկապես Երկրորդ համաշխարհային պատերազմի տարիներին շատ էր նկարահանվում ֆիլմերում։ Հենց այդ տարիներին էլ փայլուն խաղալով երկրորդական դերեր՝ արժանացավ հանդիսատեսի և քննադատների համակրանքին։

Կլարա Աուտերին խաղացել է Վիտորիո Դե Սիկայի «Ուրբաթ Թերեզան» ֆիլմում՝ 1941 թվականին։ Հաջորդ տարի դերասանուհին նկարահանվում է նույն ռեժիսորի «Գարիբալդիականը մենաստանում» ֆիլմում։ Ակտիվ մասնակցել է վոդևիլների ներկայացումներին Տոտոյի և Աննա Մանյանիի հետ։ Դերասանուհու կարապի երգը ֆիլմում դարձավ Ալբինո Պրինչիպեի «Օր, կյանք» ֆիլմը՝ 1970 թվականին։

Հատընտիր ֆիլմեր

Թվական	Ֆիլմ	Ռեժիսոր	Դեր
1941	«Ուրբաթ Թերեզան» իտալ.՝ Teresa Venerdì	Վիտտորիո դե Սիկա	Ջուզեպինա
1942	«Կոմսուհի Կաստիլիոնե» իտալ.՝ La contessa Castiglione	Ֆլավիո Կալցավարա	Մարտինա
	«Փոքրիկ ուսուցչուհին» իտալ.՝ La maestrina	Ջորջո Բիանկի	ուսուցչուհի
	«Գարիբալդիականը մենաստանում» իտալ.՝ Un garibaldino al convento	Վիտորիո Դե Սիկա	Ջելտրուդե Կորբետի

Արտաքին հղումներ

• Clara Auteri
• Clara Auteri

Վիքիպահեստն ունի նյութեր, որոնք վերաբերում են «Կլարա Աուտերի» հոդվածին։