Կիմ Քրիստոֆտե
Կիմ Պիտալա Քրիստոֆտե (դան․՝ Kim Piitala Christofte,օգոստոսի 24, 1960[1][2], Կոպենհագեն), դանիացի ֆուտբոլիստ, պաշտպան, որը հայտնի է «Բրոնդբյուում» և Դանիայի հավաքականում իր խաղերով։ 1992 թվականի Եվրոպայի չեմպիոն։
 | |||
|---|---|---|---|
| Քաղաքացիությունը | Դանիա | ||
| Ծննդյան ամսաթիվ | օգոստոսի 24, 1960[1][2] (64 տարեկան) | ||
| Ծննդավայր | Կոպենհագեն | ||
| Դիրք | եզրային պաշտպան | ||
|
| |||
|
| |||
|
| |||
|
| |||
|
| |||
Ակումբային կարիերա
խմբագրելՔրիստոֆտեն իր կարիերան սկսել է «Բրոնդբյուում»։ 1979 թվականին ակումբի կազմում նորամուտն է նշել Դանիայի Սուպերլիգայում։ 1981 թվականին Կիմը տեղափոխվել է բելգիական «Լոքերեն», սակայն երեք մրցաշրջան անցկացնելուց հետո վերադարձել է «Բրոնդբյու»։ 1985 թվականին հաղթել է Դանիայի առաջնությունում և նույն թվականին մեկնել է իսպանական «Մալագա», բայց ո՛չ Իսպանիայում, ո՛չ շվեյցարական «Ուիթինգենում» չի դարձել հիմնական կազմի ֆուտբոլիստ։ 1987/88 մրցաշրջանը Կիմն անցկացրել է «Օդենսեում», որից հետո երրորդ անգամ վերադարձել է «Բրոնդբյու»։ Թիմի հետ հասել է ՈՒԵՖԱ-ի գավաթի կիսաեզրափակիչ և երկու անգամ հաղթել է առաջնությունում։ Եվրո-92-ից հետո Կիմը տեղափոխվել է գերմանական «Քյոլն»։ Առաջին մրցաշրջանում հաճախ էր վնասվածքներ ստացել և նոր մարզչի գալուց հետո զրկվել է իր տեղից։ 1994 թվականին տեղափոխվել է «Լյերս», բայց ոչ մի խաղ չխաղալով՝ վերադարձել է Դանիա, որտեղ ևս մեկ մրցաշրջան անցկացրել է ակումբի կազմում, ապա ավարտել է կարիերան։
Միջազգային կարիերա
խմբագրել1984 թվականին Կիմը իր նորամուտն է նշել Դանիայի հավաքականում։ Վնասվածքը խանգարել է նրան մեկնել Մեքսիկա մասնակցելու աշխարհի առաջնությանը։ 1991 թվականի սեպտեմբերի 25-ին Ֆարերյան կղզիների հավաքականի դեմ Եվրո-92-ի ընտրական խաղում Կիմը խփել է առաջին և միակ գնդակը ազգային թիմի կազմում[3]։ 1992 թվականին ընդգրկվել է ազգային հավաքականի հայտացուցակում՝ մասնակցելու Եվրոպայի առաջնությանը և դարձել մրցաշարի հաղթող։ Մրցաշարում մասնակցել է Անգլիայի[4] Շվեյցարիայի[5], Նիդերլանդների[6], Ֆրանսիայի[7] և Գերմանիայի հավաքականների դեմ բոլոր խաղերին[8]։ Նիդերլանդների հավաքականի դեմ խաղում Կիմը որոշիչ 11 մետրանոց է խփել հետխաղյա սերիայում, որը թույլ է տվել դանիացիներին դուրս գալ եզրափակիչ։
Գոլեր Դանիայի հավաքականի կազմում
խմբագրել| # | Ամսաթիվ | Վայր | Հակառակորդ | Հաշիվ | Արդյունք | Մրցույթ |
|---|---|---|---|---|---|---|
| 01. | 1991 թվականի սեպտեմբերի 25 | Տորսհավն, Ֆարերյան կղզիներ |  Ֆարերյան կղզիներ |
0:1 | 0:4 | Եվրոպայի առաջնություն 1992 ընտրական մրցաշար |
Ձեռքբերումներ
խմբագրելԹիմային 
«Բրոնդբյու»
- Դանիայի ֆուտբոլի առաջնություն՝ 1985
- Դանիայի ֆուտբոլի առաջնություն՝ 1990
- Դանիայի ֆուտբոլի առաջնություն՝ 1991
- Միջազգային
Դանիա
Ծանոթագրություններ
խմբագրել- ↑ 1,0 1,1 Transfermarkt.com(բազմ․) — 2000.
- ↑ 2,0 2,1 FBref.com(բազմ․)
- ↑ «Фарерские острова VS. Дания 0:4» (ռուսերեն). allsoccer.ru. 1991 թ․ սեպտեմբերի 25. Արխիվացված է օրիգինալից 2014 թ․ օգոստոսի 22-ին. Վերցված է 2013 թ․ օգոստոսի 8-ին.
- ↑ «Дания VS. Англия 0:0» (ռուսերեն). allsoccer.ru. 1992 թ․ հունիսի 11. Արխիվացված է օրիգինալից 2013 թ․ դեկտեմբերի 25-ին. Վերցված է 2013 թ․ օգոստոսի 8-ին.
- ↑ «Швеция VS. Дания 1:0» (ռուսերեն). allsoccer.ru. 1992 թ․ հունիսի 14. Արխիվացված է օրիգինալից 2013 թ․ սեպտեմբերի 15-ին. Վերցված է 2013 թ․ օգոստոսի 8-ին.
- ↑ «Нидерланды VS. Дания 2:2» (ռուսերեն). allsoccer.ru. 1992 թ․ հունիսի 22. Արխիվացված է օրիգինալից 2014 թ․ օգոստոսի 22-ին. Վերցված է 2013 թ․ օգոստոսի 8-ին.
- ↑ «Франция VS. Дания 1:2» (ռուսերեն). allsoccer.ru. 1992 թ․ հունիսի 17. Արխիվացված է օրիգինալից 2014 թ․ օգոստոսի 22-ին. Վերցված է 2013 թ․ օգոստոսի 8-ին.
- ↑ «Дания VS. Германия 2:0» (ռուսերեն). allsoccer.ru. 1992 թ․ հունիսի 26. Արխիվացված է օրիգինալից 2014 թ․ օգոստոսի 22-ին. Վերցված է 2013 թ․ օգոստոսի 8-ին.
Արտաքին հղումներ
խմբագրել- Ֆուտբոլիստի էջը soccerway.com կայքում(անգլ.)
- National team profile Արխիվացված 2019-06-09 Wayback Machine