Լուիզիանա

Լուիզիանա (անգլերեն՝ Louisiana), նահանգ ԱՄՆ-ի հարավային մասում, Մերձմեքսիկական դաշտավայրում։ Տարածքը՝ 125,7 հազար կմ քառակուսի։ Վարչական կենտրոնը՝ Բաթոն Ռուժ, խոշոր քաղաքը Նոր Օրլեանն է: Ընդհանուր տարածքը 135 382 կմ² (31-րդ տեղը ԱՄՆ-ում) է, որից ցամաքը կազմում է 113 721 կմ²: Բնակչությունը կազմում է 4 574 836 մարդ (25-րդ տեղում է ԱՄՆ-ում): Նահանգի պաշտոնական մականունը՝ «Հավալուսների նահանգ»: Անվանակոչվել է Ֆրանսիայի թագավոր Լյուդովիկոս XIV-ի պատվին (ֆրանսերեն արտասանությունը՝ Լուի): Նախկինում Լուիզիանա էր անվանվում՝ ֆրանսիացիների կողմից վերահսկվող Մեքսիկական ծոցի ափին գտնվող ընդարձակ տարածքը (Նոր Ֆրանսիա):

Լուիզիանա անգլ.՝ Louisiana
flag of Louisiana? Զինանշան
Երկիր	ԱՄՆ
Մաան է	Մայրցամաքային նահանգներ
Կարգավիճակ	ԱՄՆ-ի նահանգ
Մտնում է	ԱՄՆ
Վարչկենտրոն	Բաթոն Ռուժ
Ամենաբարձր կետ	Driskill Mountain?
ԲԾՄ	30 մետր
Օրենսդրական մարմին	Louisiana State Legislature?
Դատական մարմին	Louisiana Supreme Court?
Միության մուտք	ապրիլի 30, 1812 (18-րդ)
Պաշտոնական լեզուներ	չկա
Բնակչություն	4 533 372 մարդ (ապրիլի 1, 2010) (25 տեղ)
Տարածք	135 382 կմ²  (31 տեղ)
Հիմնադրված է	ապրիլի 30, 1812 թ.
Սահմանակցում է	Տեխաս, Արկանզաս և Միսսիսիպի
Ժամային գոտի	UTC-6, Կենտրոնական ժամային գոտի և Ամերիկա/Չիկագո
Հապավում	LA
ISO 3166-2 կոդ	US-LA
Անվանված է	Լյուդովիկոս XIV
Մականուն	Bayou State, Child of the Mississippi, Creole State և Pelican State
Միության մուտք	ապրիլի 30, 1812 (18-րդ)
louisiana.gov

Անվանում

17-րդ դարի վերջից մինչև 19-րդ դարի սկիզբը Լուիզիանա էր կոչվում Միսիսիպի գետի ավազանի ընդարձակ տարածքը, որի զգալի մասը գաղութացրել էր Ֆրանսիան։ Այդ տարածքը 1682 թվականին ֆրանսիացի ճանապարհորդ Ռոբեր Կավելիե դը Լա Սալը ի պատիվ Ֆրանսիայի թագավոր Լյուդովիկոս XIV-ի (ֆրանսերեն՝ Louis) անվանեց Louisiana։ Այժմ Լուիզիանա նահանգը զբաղեցնում է այդ ընդարձակ տարածքի միայն մի մասը։

Աշխարհագրություն

Արևմուտքից Լուիզիանան սահմանակից է Տեխասին, հյուսիսից Արկանզասին, արևելքից Միսսիսիպիին, հարավից նահանգը սահմանակից է Կարիբյան ծովին: Նահանգի տարածքը հստակ բաժանված է երկու մասի`«վերին» և «ստորին»: Վերջինին բնորոշ է ճահճային ցածրադիր վայրերի առատությունը:

Ամենաբարձր կետը Դրիսքիլլ լեռն է, որի բարձրությունը ծովի մակարդակից 163 մետր է:

Բնակչություն

2000 թվականի տվյալներով նահանգի բնակչությունը կազմված է սպիտակամորթներից (63 %), սևամորթներից (32 %), 5 % ասիացիներից և այլն: 92 %-ի մայրենի լեզուն անգլերենն է, 5 %-ինը ֆրանսերենը, 3 %-ինը իսպաներենը:

Աֆրոամերիկացիներ և ֆրանսիական ծագման ամերիկացիներ

Լուիզիանան երկրորդ տեղում է, իր տարածքում բնակվող աֆրիկյան ամերիկացիների թվով (32.5 %), հարևան Միսիսիպիից (36.3 %) հետո:

Սպիտակամորթ բնակչությունը հյուսիսում

Լուիզիանայի հյուսիսում գերակշռում են բրիտանական ծագման սպիտակամորթները: Այդ մարդիկ հիմնականում ունեն անգլիական, ուելսական և շոտլանդաիռլանդական արմատներ և նույն մշակույթն ու բողոքական կրոնը ինչ հարևան նահանգները:

Այլ եվրոպացիներ

Լուիզիանայի վաճառքից առաջ մի քանի գերմանացի ընտանիքներ տեղափոխվեցին Միսսիսիպի գետի երկայնքով դեպի ծայրամաս: Նրանք միաձուլվեցին կրեոլների և քաշունցիների հասարակությունների հետ: Քանի որ Նոր Օռլեանը հանդիսանում է խոշոր նավահանգիստ և երկրի երրորդ ամենաաղտոտ քաղաքը, այն ներգրավեց բազմաթիվ իռլանդական, իտալական և գերմանական ներգաղթյալներին, որոնք ի սկզբանե կաթոլիկներ էին:

Ասիացիներ և ամերիկացիներ

Լուիզիանայի ասիական բնակչությունը համարվում է 19-րդ դարի և 20-րդ դարի սկզբին այստեղ եկած չինական աշխատողների ժառանգները 1970-ական թվականներին: 1980-ական թվականներին Մեքսիկական ծոց ժամանեցին բազմաթիվ փախստականներ Վիետնամից և Հարավարևելյան Ասիայից, ովքեր զբաղվում էին ձկնորսությամբ, արդյունաբերությամբ և ծովախեցգետնի արտադրությամբ:

Արտաքին հղումներ

• Louisiana.gov Պաշտոնական կայք