Լուեն Գիդեոն
Լուեն Գիդեոն (անգլ.՝ Louan Gideon, նոյեմբերի 12, 1955[1], Էրաթ շրջան, Տեխաս, ԱՄՆ - փետրվարի 3, 2014[1], Էշվիլ, Հյուսիսային Կարոլինա, ԱՄՆ[2]), ամերիկացի դերասանուհի, գրող, ջազ երգչուհի, ռիելտոր։
 | |
|---|---|
| Ծնվել է | նոյեմբերի 12, 1955[1] |
| Ծննդավայր | Էրաթ շրջան, Տեխաս, ԱՄՆ |
| Մահացել է | փետրվարի 3, 2014[1] (58 տարեկան) |
| Մահվան վայր | Էշվիլ, Հյուսիսային Կարոլինա, ԱՄՆ[2] |
| Կրթություն | Բեյլորի համալսարան |
| Քաղաքացիություն |  ԱՄՆ |
| Մասնագիտություն | դերասանուհի, ջազ երաժիշտ, հեռուստատեսային դերասանուհի, կինոդերասանուհի, թատրոնի դերասանուհի, գրող և անշարժ գույքի գործակալ |
Կենսագրություն խմբագրել
Վաղ տարիներ խմբագրել
Լուեն Գիդեոնը ծնվել է 1955 թվականի նոյեմբերի 12-ին ԱՄՆ-ի Տեխաս նահանգի Էրաթ շրջանում։ 1987 թվականին ավարտել է Տեխաս նահանգի Ուեյկոյում գտնվող Բեյլորի համլսարանը՝ ստանալով աստիճան բանավոր հաղորդակցության ոլորտում (ռադիո, հեռուստատեսություն, կինո)։ Ուսումնական առաջին տարում ընտրվել է «Բեյլորի գեղեցկուհի», թեև այդ տիտղոսը հազվադեպ է շնորհվել առաջին կուրսեցիներին։
Կարիերա խմբագրել
Լուենը նախքան ԱՄՆ-ում դերասան դառնալը իր կարիերան սկսել է որպես Եվրոպայի և Ասիայի ջազ երգչուհի։ 1985 թվականից սկսած՝ Գիդեոնը խաղացել է 36 ֆիլմում ու հեռուստասերիալում։ Առավել հայտնի է դարձել Nickelodeon-ի «Ալեքս Մակի գաղտնի աշխարհը» հեռուստասերիալում Դանիել Աթրոնի դերով (1994-1998)։ Լուենը դարձել է վերջին դերասանուհին, որը երկարատև նկարահանված «Վաղվա օրվա որոնումներում» սերիալում (1985-1986) մարմնավորել է Լայզա Ուոլթոն Սենթելին։
Կյանքի վերջին տարիներ և մահ խմբագրել
2006 թվականին Լուենը Լոս Անջելեսից տեղափոխվել է Աշվիլ՝ Հյուսիսային Կարոլինա, որտեղ բնակություն է հաստատել Կապույտ լեռնաշղթայի լեռներում։ Այնտեղ նա շարունակել է գրողի և թատերական դերասանուհու կարիերան, նահանգի ներսում աշխատել է որպես ռիելթոր։
2009 թվականին հաջողությամբ հաղթահարել է կրծքագեղձի քաղցկեղը, իսկ 2011թվականի նոյեմբերի 11-ին (11/11/11) ամուսնացել է իր վաղեմի գործընկերոջ՝ պաշտոնաթող գործադիր տնօրեն Ուոլթ Բորհերսի հետ։ Հարսանեկան արարողությունը, որը վարել է նրա մտերիմ ընկերը՝ դերասան Բրայան Քրենսթոնը, տեղի է ունեցել Իտալիայի Կոմո լճի ափին։ 2013 թվականի վերջին քաղցկեղը նորից կրկնվել է։ Մահացել է 2014 թվականի փետրվարի 3-ին ժամը 23։ 11-ին (11:11) 58 տարեկան հասակում՝ սիրելիներով շրջապատված[3]։
Ընտրյալ ֆիլմագրություն խմբագրել
| Տարի | հափերեն անվանում | Բնօրինակ անվանում | Դեր | |
|---|---|---|---|---|
| 1985-1986 | ս | Վաղվա օրվա որոնումներում | Search for Tomorrow | Լայզա Ուոլթոն Սենթել |
| 1989 | ֆ | Թեթև անիվներ | Easy Wheels | Մոլի Վուլֆ |
| 1991 | ֆ | Կոմանդոն արվարձան | Suburban Commando | առևտրային մեքենայով կինը |
| 1991 | Առեղծվածային Էյրի քաղաքը Ինդիանայում | Eerie, Indiana | Բեթի Ուիլսոն | |
| 1991 | ս | Ո՞վ է այստեղ շեֆը | Who's the Boss? | տեր |
| 1993 | ս | Բևերլի Հիլզ, 90210 | Beverly Hills, 90210 | Ջինա |
| 1993 | ս | Օդային թռիչք | Airborne | տիկին Գուսեն |
| 1994 | հֆ | Փախչել բանտից | Jailbreakers | ֆիզկուլտուրայի մարզիչ |
| 1994-1998 | ս | Ալեքս Մաքի գաղտնի աշխարհը | The Secret World of Alex Mack | Դանիել Աթրոն |
| 1996 | ս | Ախտորոշումը՝ սպանություն | Diagnosis: Murder | Ստրեթոնի քարտուղար |
| 1996 | ս | Մութ երկինք | Dark Skies | Թեմի |
| 1997 | ս | Սայնֆելդ | Seinfeld | տիկին Համիլթոն |
| 2000 | ս | Արևից երրորդ մոլորակը | 3rd Rock from the Sun | վաճառողուհի |
| 2001 | ս | Սաբրինա փոքրիկ կախարդ | Sabrina the Teenage Witch | Էլինոր |
| 2001 | ս | Հաճախորդը միշտ մահացած | Six Feet Under | սգացող կին |
| 2003 | ս | Ջոան Արկադիայից | Joan of Arcadia | Վել Ուայեթ (նշված չէ տիտրերում) |
| 2004 | ս | Մալքոլմը կենտրոնում | Malcolm in the Middle | կին |
Ծանոթագրություններ խմբագրել
- ↑ 1,0 1,1 1,2 1,3 1,4 Internet Movie Database — 1990.
- ↑ 2,0 2,1 2,2 Freebase տվյալների վերբեռնում — Google.
- ↑ "'A perfect stage exit': Asheville actress Louan Gideon dies", citizen-times.com; accessed February 12, 2014.