Լիեն Ռայմս

Լիեն Ռայմս
Բնօրինակ անուն	անգլ.՝ LeAnn Rimes
Ծնվել է	օգոստոսի 28, 1982 (41 տարեկան); Ջեքսոն
Երկիր	ԱՄՆ
Ժանրեր	փոփ և Քանթրի
Մասնագիտություն	երգչուհի, դերասանուհի և երգերի հեղինակ
Երգչաձայն	սոպրանո
Գործիքներ	վոկալ
Լեյբլ	Curb Records
Ամուսին	Էդդի Սիբրիան
Պարգևներ	Գրեմմի լավագույն նոր արտիստի համար
Կայք	leannrimesworld.com
	LeAnn Rimes Վիքիպահեստում

Մարգարետ Լիեն Ռայմս Սիբրիան (անգլ.՝ Margaret LeAnn Rimes Cibrian, օգոստոսի 28, 1982(1982-08-28)^[1], Ջեքսոն^[2]), քանթրի ոճի ամերիկացի երգչուհի։ Հայտնի է նրանով, որ պրոֆեսիոնալ երաժշտական գործունեություն սկսել է դեռևս 11 տարեկանում, իսկ 14 տարեկանում արդեն հաղթել է իր առաջին «Գրեմմին»^[4]։

Կենսագրություն խմբագրել

15 տարեկանում Լիեն Ռայմսը ձայնագրել է Դայան Ուորենի հեղինակած «How Do I Live» փոփ-բալլադը, որը «Billboard Hot 100» հիթ-շքերթում ավելի երկար է մնացել (69 շաբաթ), քան պատմության մեջ երգչուհու կատարմամբ ցանկացած այլ երգ (բոլոր արտիստների շրջանում ռեկորդը գերազանցել է Ջեյսոն Մրազի «I’m Yours» հիթը 2009 թվականին)^[5]։ Դա քանթրի երաժշտության պատմության մեջ առաջին բազմապլատինե սինգլն էր։ Այն «Billboard» ամսագրի հոբելյանական ամփոփիչ «Hot 100 55th Anniversary» հիթ-շքերթում, որը նվիրված էր ամերիկյան գլխավոր հիթ-շքերթի 55-ամյակին, զբաղեցրել է 4-րդ հորիզոնականը^[6]։

2000 թվականի հոկտեմբերին Միացյալ Նահանգների, Եվրոպայի և Ասիայի հիթ-շքերթների բարձր հորիզոնականներ է վերադարձել Ուորենի հեղինակած մեկ այլ երգ` «Can’t Fight the Moonlight», որը հնչել է «Կեղտոտ կոյոտ բար» ֆիլմում։ Երգը Ռայմսին համաշխարհային ճանաչում է բերել և ամրապնդել նրա երաժշտական գործունեությունը^[7]։ 2001 թվականի հունվարին թողարկված «I Need You» ալբոմը և «Can’t Fight the Moonlight» երգը վաճառվել են ավելի քան 8 միլիոն օրինակով։

2002 թվականի հոկտեմբերին Ռայմսը թողարկել է «Twisted Angel» ալբոմը, որտեղ ներառված են «Life Goes on» և «Suddenly» սինգլները։ Ռայմսի ևս մեկ ձեռքբերում է դարձել «We Can» հաջողակ սինգլի թողարկումը, որը դարձել է «Օրենքով շիկահերը 2» ֆիլմի սաունդթրեքը։ Մինչև 2003 թվականը «Twisted Angel» ձայնասկավառակն ամբողջ աշխարհում վաճառվել է 3 միլիոն օրինակով։

2003 թվականի դեկտեմբերի 1-ին` 21 տարեկան հասակում, Ռայմսը թողարկել է լավագույն հիթերի հավաքածու։ Փետրվարին լավագույն հիթերի հավաքածուն թողարկվել է Մեծ Բրիտանիայում, Ֆրանսիայում, Գերմանիայում, Իտալիայում, Ճապոնիայում, Շվեդիայում, Նորվեգիայում և շատ այլ երկրներում։

2005 թվականի հունվարին Լիեն Ռայմսը թողարկել է «This Woman» ստուդիական նոր ալբոմը, որը բաղկացած է «Nothin' 'bout Love Makes Sense», «Probably Wouldn’t Be This Way», «Something’s Gotta Give» և «Some People» սինգլներից^[8]։ Ալբոմի թողարկումից հետո Լիենը մի շարք մենահամերգներ է տվել Միացյալ Նահանգների տարբեր քաղաքներում։ Մինչև 2006 թվականը «This Woman» ալբոմը վաճառվել է ավելի քան 2 միլիոն օրինակով։ Առավելագույն թվով վաճառք իրականացվել է Միացյալ Նահանգներում, Մեծ Բրիտանիայում և Գերմանիայում։ Դրանից հետո Լիենը ձայնագրել և թողարկել է անհատական երկու ալբոմ` «Whatever We Wanna» (2006) և «Family» (2007): Երկու ալբոմն էլ Ռայմսի երկրպագուների շրջանում միջին հաջողություն են ունեցել։ Ձայնասկավառակների վաճառքը ցածր է եղել և նույնիսկ չի հասել մեկ միլիոն օրինակի։

2010 թվականին Ռայմսը թողարկել է անհատական «Lady & Gentlemen», իսկ 2012 թվականին՝ «Spitfire» ալբոմները։

Սկավառակագրություն խմբագրել

Ալբոմներ խմբագրել

«Everybody's Sweetheart» (1991)
«From My Heart to Yours» (1992)
«Blue» (1996)
«Unchained Melody: The Early Years» (1997)
«You Light up My Life: Inspirational Songs» (1997)
«Sittin' on Top of the World» (1998)
«LeAnn Rimes» (1999)
«I Need You» (2001)
«God Bless America» (2001)
«Twisted Angel» (2002)
«Greatest Hits» (2003)
«The Best of LeAnn Rimes» (2004)
«What a Wonderful World» (2004)
«This Woman» (2005)
«Whatever We Wanna» (2006)
«Family» (2007)
«Lady & Gentlemen» (2011)
«Spitfire» (2013)
«Today Is Christmas» (2015)
«Remnants» (2016)

Ֆիլմագրություն խմբագրել

«Holiday in Your Heart» (1997)
«Days of Our Lives» (1998)
«Կեղտոտ կոյոտ բար» (2000)
«American Dreams» (2003)
«Holly Hobbie and Friends: Christmas Wishes» (2006)
«Good Intentions» (2008)
«Հյուսիսափայլ» (2009)
«I Get That a Lot» (2009)
«Տան ճանապարհին» (2011)

Ծանոթագրություններ խմբագրել

↑ ^1,0 ^1,1 Encyclopædia Britannica
↑ ^2,0 ^2,1 ^2,2 Deutsche Nationalbibliothek Record #120805316 // Gemeinsame Normdatei (գերմ.) — 2012—2016.
↑ http://www.rockonthenet.com/grammy/newartist.htm
↑ «LeAnn Rimes : People.com». 2013 թ․ հունվարի 26. Արխիվացված է օրիգինալից 2013 թ․ հունվարի 26-ին. Վերցված է 2018 թ․ հուլիսի 12-ին.
↑ «The Top 20 Billboard Hot 100 Hits of the 1990s». Billboard. Վերցված է 2018 թ․ հուլիսի 12-ին.
↑ «Hot 100 55th Anniversary: The All-Time Top 100 Songs». Billboard (անգլերեն). Prometheus Global Media. Վերցված է 3 августа 2013-ին.
↑ «Rock On The Net: LeAnn Rimes». www.rockonthenet.com. Վերցված է 2018 թ․ հուլիսի 12-ին.
↑ «LeAnn Rimes | Album Discography | AllMusic». AllMusic. Վերցված է 2018 թ․ հուլիսի 12-ին.

Արտաքին հղումներ խմբագրել

Երգչուհուն նվիրված կայք(ռուս.)
Ֆան ակումբ(ռուս.)

Վիքիպահեստն ունի նյութեր, որոնք վերաբերում են «Լիեն Ռայմս» հոդվածին։

[_620ed891f47cf2f5-1] 1,0 ^1,1 Encyclopædia Britannica

[_67917139088ec0a1-2] 2,0 ^2,1 ^2,2 Deutsche Nationalbibliothek Record #120805316 // Gemeinsame Normdatei (գերմ.) — 2012—2016.

[_83f89cf40a90348d-3] ttp://www.rockonthenet.com/grammy/newartist.htm

[4] «LeAnn Rimes : People.com». 2013 թ․ հունվարի 26. Արխիվացված է օրիգինալից 2013 թ․ հունվարի 26-ին. Վերցված է 2018 թ․ հուլիսի 12-ին.

[5] «The Top 20 Billboard Hot 100 Hits of the 1990s». Billboard. Վերցված է 2018 թ․ հուլիսի 12-ին.

[55thAnniversary-6] «Hot 100 55th Anniversary: The All-Time Top 100 Songs». Billboard (անգլերեն). Prometheus Global Media. Վերցված է 3 августа 2013-ին.

[7] «Rock On The Net: LeAnn Rimes». www.rockonthenet.com. Վերցված է 2018 թ․ հուլիսի 12-ին.

[8] «LeAnn Rimes | Album Discography | AllMusic». AllMusic. Վերցված է 2018 թ․ հուլիսի 12-ին.

[1]

[2]

[4]

[3]

[5]

[6]

[7]

[8]