Իզաբել Բայրաքդարյան
Իզաբել Բայրաքդարյան (Իզապէլ Պայրագտարեան, 1974[1][2][3][…] կամ փետրվարի 1, 1974, Զահլե, Լիբանան[4]), կանադահայ օպերային երգչուհի (սոպրանո)։ Առաջադրվել է «Գրեմմի» մրցանակի։
| Իզաբել Բայրաքդարյան | |
|---|---|
 | |
| Հիմնական տվյալներ | |
| Ծնվել է | 1974[1][2][3][…] կամ փետրվարի 1, 1974 (50 տարեկան) Զահլե, Լիբանան[4] |
| Երկիր | .svg){kind=small} Կանադա |
| Ժանրեր | օպերա |
| Մասնագիտություն | օպերային երգչուհի (սոպրանո) |
| Երգչաձայն | սոպրանո |
| Գործիքներ | վոկալ |
| Լեյբլ | CBC Records Nonesuch Records Sony Classical Records |
| Կրթություն | Տորոնտոյի համալսարան, Թագավորական երաժշտական ակադեմիա և Senator O'Connor College School? |
| Ամուսին | Սերուժ Քրաջյան |
| Պարգևներ | |
| Կայք | bayrakdarian.com |
 Isabel Bayrakdarian Վիքիպահեստում | |
2002 թվականին ձայնագրվել է կանադահայ ռեժիսոր Ատոմ Էգոյանի «Արարատ» ֆիլմի համար՝ կատարելով Կոմիտասի ստեղծագործություններից։
Կենսագրություն
խմբագրելԻզաբել Բայրաքդարյանը ծնվել է Լիբանանի Զահլե քաղաքում։ Հանդես է եկել Լիբանանի հայկական եկեղեցական համույթում, այնուհետև տեղափոխվել է Կանադա, շարունակել է երգել Տորոնտոյի հայկական եկեղեցական համույթում։ 1997 թվականին ավարտել է Տորոնտոյի համալսարանը։ Հանդես է եկել աշխարհի տարբեր բեմերում, արժանացել բազմաթիվ բարձրագույն պարգևների և մրցանակների՝ Դոմինգոյի վոկալիստների մրցույթի առաջին մրցանակի, Մեծ Բրիտանիայի թագուհի Եղիսաբեթ 2-րդի ոսկե մեդալի և այլն։
Բայրաքդարյաի ձայնասկավառակը Կանադայում ճանաչվել է լավագույնը։ Հանդիսանում է Նյու Յորքի «Մետրոպոլիտեն» օպերային թատրոնի մեներգչուհի, համագործակցում է աշխարհի լավագույն ֆիլհարմոնիկ նվագախմբերի հետ։ Ելույթներով հանդես է եկել Պլասիդո Դոմինգոյի, Յո-Յո Մայի, Փինչաս Զուկերմանի հետ։
2002 թվականին ձայնագրվել է կանադահայ ռեժիսոր Ատոմ Էգոյանի «Արարատ» ֆիլմի համար՝ կատարելով Կոմիտասի ստեղծագործություններից։ Նրա ձայնը հնչում է նաև «Մատանիների տիրակալը» ֆիլմում։
Հայաստան կատարած այցելությունների ժամանակ հանդես է եկել Հայաստանի պետական ֆիլհարմոնիկ նվագախմբի հետ[5]։
Մրցանակներ
խմբագրել- 2009 թ. առաջադրվել է «Գրեմմի» մրցանակի՝ լավագույն վոկալ կատարման համար։
- Կանադայի արվեստի խորհրդի մրցանակ
- «Մետրոպոլիտեն» օպերայի ազգային խորհրդի մրցանակ, 1997
- Պլասիդո Դոմինգոյի մրցույթի 1-ին մրցանակ
- Ելիզավետա թագուհու կողմից՝ ոսկե մեդալ, 2000
- Juno-ի 4 մրցանակ
Ընտանիք
խմբագրել2004 թվականին ամուսնացել է դաշնակահար Սերուժ Կրաջիանի հետ։ Ունեն երկու երեխա՝ որդին՝ Արի և դուստրը՝ Լեան։
Ֆիլմեր
խմբագրել- Օպերային գիշեր Քյոլնում (2005)
- Հենդել. Քսերքսես (2005)
- «Երկար ճանապարհ դեպի տուն» (2005)
- Մոցարտ. Դոն Ժուան, ուղիղ հեռարձակում Զալցբուրգից (2006)
- Great Performances at the Met: Կախարդական սրինգ (2007)
- Օպերա աստղերի տակ (2007)
Ծանոթագրություններ
խմբագրելԱրտաքին հղումներ
խմբագրել- Իզաբել Բայրակդարյան(չաշխատող հղում)
- Հայերին միավորում է անկախությունը. Իզաբել Բայրաքդարյանի բացառիկ հարցազրույցը «Արմենպրես»-ին
 | Վիքիպահեստն ունի նյութեր, որոնք վերաբերում են «Իզաբել Բայրաքդարյան» հոդվածին։ |