Հայաստանի ազգային ֆիլհարմոնիկ նվագախումբ

Հայաստանի ազգային ֆիլհարմոնիկ նվագախումբ, դիրիժոր` Էդուարդ Թոփչյան

Հայաստանի ազգային ֆիլհարմոնիկ նվագախումբ, հիմնադրվել է 1924 թվականի դեկտեմբերի 10-ին, Ալեքսանդր Սպենդիարյանի և Արշակ Ադամյանի կողմից։

Հանդիսանում է Հայաստանում պրոֆեսիոնալ նվագախմբային արվեստի առաջատար կոլեկտիվը։ Ֆիլհարմոնիկի գործունեությունը միտված է բարձրացնելու ունկնդրի մշակութային և երաժշտական պատրաստվածությունը՝ կանոնավոր կերպով հանդես գալով դասական սիմֆոնիկ և օպերային, ինչպես նաև ժամանակակից և ազգային երաժշտության համերգներով։

Ֆիլհարմոնիկը ներկայացնում է նաև հայ կոմպոզիտորների ստեղծագործություններ և մտադիր է իր ծրագրերում ներգրավել նոր գործեր, որոնք կարող են հետաքրքրել ինչպես հավատարիմ ունկնդիրներին և երաժշտության գիտակներին, այնպես էլ երիտասարդներին և Հայաստան այցելող զբոսաշրջիկներին։

ՀԱՖՆ-ը նաև Հայաստանի յուրահատուկ դեսպանն է և հաճախ հյուրախաղերով հանդես է գալիս արտերկրում։ Հայ և օտարազգի ականավոր մենակատարների մասնակցութամբ՝ նվագախումբն Արամ Խաչատրյանի, Էդվարդ Միրզոյանի, Ալեքսանդր Հարությունյանի, Առնո Բաբաջանյանի, Ավետ Տերտերյանի և այլ անվանի հայ կոմպոզիտորների գործերի լավագույն ներկայացնողն է։

2014 թ. նոյեմբերի 27-ին ՀՀ Կառավարության որոշմամբ շնորհվել է «ազգային» կարգավիճակ:

Գեղարվեստական ղեկավարներ

• Էդուարդ Թոփչյան (2000 թ.-ից)
• Լորիս Ճգնավորյան (1989-1998 թթ.), (1999-2000 թթ.)
• Միքայել Ավետիսյան (1998-1999 թթ.)
• Վահագն Պապյան (1987-1989 թթ.)
• Մարտին Ներսիսյան (1986-1987 թթ.)
• Ռաֆայել Մանգասարյան (1985-1986 թթ.)
• Վալերի Գերգիև (1981-1985 թթ.)
• Դավիթ Խանջյան (1974-1981 թթ.)
• Արամ Քաթանյան (1970-1973 թթ.)
• Ռուբեն Վարդանյան (1967-1970 թթ.)
• Միքայել Մալունցյան (1945-1960 թթ.), (1966-1967 թթ.)
• Օհան Դուրյան (1960-1965 թթ.)
• Միքայել Տերյան (1965-1966 թթ.)
• Կոնստանդին Սարաջյան (1941-1945 թթ.)
• Գևորգ Բուդաղյան (1932-1933 թթ.)
• Սուրեն Չարեկյան (1928-1932 թթ.)
• Ալեքսանդր Սպենդիարյան (1926-1928 թթ.)
• Արշակ Ադամյան (1924-1926 թթ.)

Արտաքին հղումներ

• Հայաստանի ազգային ֆիլհարմոնիկ նվագախումբ