Ժան-Քրիստոֆ Գրանժե
Ժան-Քրիստոֆ Գրանժե (ֆր.՝ Jean-Christophe Grangé, հուլիսի 15, 1961[1][2][3][…], Բուլոն Բիյանկուր և Փարիզ, Ֆրանսիա[4]), ֆրանսիացի գրող և սցենարիստ։ Երկար ժամանակ, որպես լրագրող-ֆրիլանսեր, համագործակցել է հայտնի պարբերականներին։ Իր լրագրողական փորձը Գրանժեն օգտագործել է վեպերի վրա աշխատելիս, որոնք սուր սյուժետային ժանրի դետեկտիվ ստեղծագործություններ են. դրանք հաճախ արծարծում են միջազգային բարդ թեմաներ, մասնավորապես՝ ահաբեկչություն, քաղաքական էքստրեմիզմ, կասկածելի գործունեություն ծավալող կազմակերպություններ։
Ժան-Քրիստոֆ Գրանժե ֆր.՝ Jean-Christophe Grangé | |
---|---|
Ծնվել է | հուլիսի 15, 1961[1][2][3][…] (63 տարեկան) |
Ծննդավայր | Բուլոն Բիյանկուր կամ Փարիզ, Ֆրանսիա[4] |
Մասնագիտություն | լրագրող, սցենարիստ, լրագրող, գրող և վիպասան |
Լեզու | ֆրանսերեն |
Քաղաքացիություն | Ֆրանսիա |
Կրթություն | Փարիզի համալսարան |
Ժանրեր | դետեկտիվ, թրիլեր և սարսափ |
Աշխատավայր | Paris Match |
Կայք | jc-grange.com |
Jean-Christophe Grangé Վիքիպահեստում |
Կենսագրություն
խմբագրելԺան-Քրիստոֆ Գրանժեն մագիստրոսի աստիճան է ստացել Սորբոնի համալսարանում։ Նրա նեղ մասնագիտական թեզը վերաբերել է Գյուստավ Ֆլոբերի արվեստին։ Սորբոնից հետո գրողը դարձել է քոփիրայթեր և սկսել աշխատել գովազդային գործակալությունում։ 1989 թվականին, 28 տարեկան հասակում, նա դարձավ հայտնի միջազգային լրագրող։ Այդ ժամանակ նա աշխատում էր Paris Match, Sunday Times և National Geographic ամսագրերի համար։
Հետագայում Գրանժեն սկսեց աշխատել որպես ֆրիլանսեր իր սեփական ընկերությունում, որի անունն էր «L & G»: Արդեն ինքնուրույն նա սկսեց վճարել ուղևորությունները։ Տարբեր երկրներում արված լրագրողական աշխատանքները նրա համար դարձան ներշնչանքի աղբյուր։ Հենց այդ շամանակաշրջանում նա ստացավ լրագրության ոլորտի երկու գլխավոր մրցանակները՝ Ռեյտեր (1991) և World Press (1992)։
1994 թվականին Ժան-Քրիստոֆը գրեց իր անդրանիկ վեպը՝ «Արագիլների թռիչքը»։ 1998 թվականին հրապարակված իր երկրորդ վեպը՝ «Ծիրանագույն գետեր», դարձավ հայտնի, հատկապես, երբ 2000 թվականին էկրանավորվեց։
1998 թվականին «Ծիրանագույն գետեր» ստեղծագործության համար Գրանժեն ստացավ «Grand prix RTL-Lire» (կամ "Prix RTL grand public") ֆրանսիական գրական ամենամյա մրցանակը։ Այն շնորհվում է ընթերցողների խմբի կողմից։
Հետագա տարիներին գրողը ստեղծել է ևս մի քանի վեպեր, գրել «Վիդոկ» ֆիլմի և «Անիծված Զեներները» կոմիքսի սցենարները։
Ժան-Քրիստոֆը ամուսնացած է եղել լրագրող Վիրջին Լյուկի հետ։ Ունի երեք զավակ՝ Լուի, Մաթիլդա, Իզե։
Մատենագիտություն
խմբագրել- 1994 - «Արագիլների թռիչքը» (Le Vol des cigognes)
- 1998 - «Ծիրանագույն գետեր» (Les Rivières pourpres)
- 2000 - «Քարի եղբայրություն» (Le Concile de pierre)
- 2003 - «Գայլերի կայսրություն» (L'Empire des loups)
- 2004 - «Սև շուշան» (La Ligne noire)
- 2007 - «Խավարում երդվյալները» (Le Serment des limbes)
- 2008 - «Միզերերե» (Miserere)
- 2009 - «Մեռյալների անտառը» (La Forêt des mânes)
- 2011 - «Ուղևորը» (Le Passager)
- 2012 - «Կայկեն» (Kaiken)
- 2015 - «Լոնտանո» (Lontano)
- 2016 - «Կոնգո։ Ռեքվիեմ» (Congo Requiem)
Ֆիլմեր հեղինակի սցենարով
խմբագրել- Բոսորագույն գետեր
- Քարի եղբայրություն
- Գայլերի կայսրություն
- Միզերերե (en:The Mark of the Angels – Miserere)
- Արագիլների թռիչքը (Մինի սերիալ) 2012
- Ուղևորը (Մինի սերիալ) 2014
Սցենարներ
խմբագրել- Վիդոկ
- Բոսորագույն գետեր 2։ Ապոկալիպսիսի հրեշտակները
- Նենգափոխում/ Switch
Ծանոթագրություններ
խմբագրել- ↑ 1,0 1,1 Discogs — 2000.
- ↑ 2,0 2,1 NooSFere (ֆր.) — 1999.
- ↑ 3,0 3,1 filmportal.de — 2005.
- ↑ 4,0 4,1 4,2 Deutsche Nationalbibliothek Record #120996626 // Gemeinsame Normdatei (գերմ.) — 2012—2016.
Արտաքին հղումներ
խմբագրել- Ժան-Քրիստոֆ Գրանժե (անգլ.) Internet Movie Database կայքում
- Պաշտոնական կայք
- Արվեստի երկրպագուների խումբ
Վիքիպահեստն ունի նյութեր, որոնք վերաբերում են «Ժան-Քրիստոֆ Գրանժե» հոդվածին։ |