Միզերերե (վեպ)
Միզերերե (ֆր.՝ Miserere), ֆրանսիացի գրող և սցենարիստ Ժան-Քրիստոֆ Գրանժեի 2008 թվականին լույս տեսած դետեկտիվ ժանրին պատկանող վեպը։
| Միզերերե ֆր.՝ Miserere | |
|---|---|
| Տեսակ | գրավոր աշխատություն |
| Ժանր | քրեական վեպ |
| Հեղինակ | Ժան-Քրիստոֆ Գրանժե |
| Երկիր |  Ֆրանսիա |
| Բնագիր լեզու | ֆրանսերեն |
| Տեսարան | Փարիզ |
| Հրատարակվել է | 2008 |
Սյուժե խմբագրել
Փարիզի հայկական Սուրբ Հովհաննես Մկրտիչ եկեղեցում տեղի է ունենում խորհրդավոր կերպով կատարված սպանություն։ Զոհը նույն եկեղեցու մանկական երգչախմբի ղեկավար և երգեհոնահար Վիլհելմ Գյոտցն էր, ով 1973 թվականին Չիլիում տեղի ունեցած զինվորական հեղաշրջումից հետո մի կերպ կարողացել է փախչել գաղտնի ոստիկանության ճիրաններից և ապաստան գտել Փարիզում։ Սուրբ Հովհաննես Մկրտիչ եկեղեցու հոգևոր հովիվ Հայր Սարգիսը կատարված սպանության մասին, բացի ոստիկանությունց տեղեկացնում է նաև այդ եկեղեցու հավատացյալ և Փարիզի հայկական համայնքի հարգված անդամներից մեկին՝ ոստիկանության նախկին սպա Լիոնել Կասդանին։ Կասդանը խիստ հետաքրքրվում է այդ տարօրինակ սպանությամբ և ձեռնամուխ լինում այդ դեպքի հետաքննությանը։ Շուտով նրան է միանում նաև ոստիկանության աշխատակից Սեդերիկ Վոլոկինը։ Նրանք երկուսով կարողանում են հետաքննել և բացահայտել զոհի՝ Վիլհելմ Գյոտցի մութ անցյալը, որն էլ իր հերթին հնարավորություն է տալիս վեպի հերոսներին լույս սփռելու այս խորհրդավոր սպանության հանգամանքների վրա։
Էկրանավորում խմբագրել
- 2013 թ. - «Միզերերե», ռեժիսոր՝ Սիլվեն Ուայթ (ֆր.՝ Sylvain White), գլխավոր դերակատար՝ Ժերար Դեպարդիե[1]։
Ծանոթագրություններ խմբագրել
- ↑ Միզերերե(անգլ.) ֆիլմը Internet Movie Database կայքում