Ելենա Ժուկովա
Ելենա Պավլովնա Ժուկովա (ռուս.՝ Еле́на Па́вловна Жу́кова, հունիսի 5, 1906, Սանկտ Պետերբուրգ, Ռուսական կայսրություն - հոկտեմբերի 31, 1991, Սանկտ Պետերբուրգ, ՌԽՖՍՀ, ԽՍՀՄ), խորհրդային նկարիչ[1] և գծանկարիչ, Լենինգրադի նկարիչների միության անդամ։
Ելենա Ժուկովա | |
|---|---|
| Ծնվել է | հունիսի 5, 1906 |
| Ծննդավայր | Սանկտ Պետերբուրգ, Ռուսական կայսրություն |
| Վախճանվել է | հոկտեմբերի 31, 1991 (85 տարեկան) |
| Մահվան վայր | Սանկտ Պետերբուրգ, ՌԽՖՍՀ, ԽՍՀՄ |
| Քաղաքացիություն |  ԽՍՀՄ |
| Կրթություն | Սուրբ Պետրոսի դպրոց |
| Մասնագիտություն | նկարչուհի |
| Ոճ | ռեալիզմ |
| Ժանր | բնանկար և նատյուրմորտ |
| Թեմաներ | գեղանկարչություն |
| Անդամակցություն | ԽՍՀՄ նկարիչների միություն |
Կենսագրություն խմբագրել
Ելենա Ժուկովան ծնվել է Սանկտ Պետերբուրգում։ 1923-1927 թվականներին սովորել է Լենինգրադի գեղարվեստա-մանկավարժական տեխնիկումում, Արկադի Ռիլովի և Ի. Վլադիմիրովի մոտ, 1930-1936 թվականներին` Լենինգրադի արվեստի աշխատողների որակավորման բարձրացման ինստիտուտում, Վսեվոլոդ Վոինովի և Ալեքսանդր Օսմյորկինի մոտ [2]: 1928 թվականից մասնակցել է ցուցահանդեսների։ Նկարել է բնանկարներ, դիմանկարներ, նատյուրմորտներ, աշխատել է յուղաներկերի, ջրաներկերի և գծանկարների տեխնիկայով։
1927-1930 թվականներին դասավանդել է ԼԳՄՀ-ում։ Ժուկովայի աշխատանքների ցուցահանդեսներն անցկացվել են 1940, 1948 և 1975 թվականներին Լենինգրադում։ 1930-ականներին Ժուկովան ծանոթ էր Կ. Ս. Մալևիչին։ Ներկա է եղել նրա հոգեհանգստի և հուղարկավորության ժամանակ, նկարվել է մի քանի խմբակային լուսանկարներում։ [3]
1932 թվականից եղել է Լենինգրադի նկարիչների միության անդամ։ Շուրջ կես դար եղել է Լենինգրադի նկարիչների միության գեղանկարչության բաժնի մշտական քարտուղար։ Ժուկովայի հայտնի գեղանկարներ և գրաֆիկական դիմանկարներ, տարբեր տարիների կատարվել են լենինգրադցի նկարիչներ Կուզմա Պետրով-Վոդկինի (1930), Յարոսլավ Նիկոլաևի (1945), ինչպես նաև Միխայիլ Նեստերովի (1936) կողմից [2]:
Նա մահացել է 1991 թվականի հոկտեմբերի 31-ին Սանկտ Պետերբուրգում, 86 տարեկան հասակում։
Ժուկովայի ստեղծագործությունները գտնվում են Ռուսական պետական թանգարանում, Ռուսաստանի և արտերկրի թանգարաններում և մասնավոր հավաքածուներում։
Ծանոթագրություններ խմբագրել
- ↑ Справочник членов Ленинградской организации Союза художников РСФСР. — Л., Художник РСФСР, 1987. — С. 45.
Աղբյուրներ խմբագրել
- Шестнадцать пятниц: Вторая волна ленинградского авангарда. Experiment/Эксперимент: Журнал русской культуры. № 16: : В 2-х ч. LA (USA), 2010. Ч. 2. С. по указ.
- Художники народов СССР. Биобиблиографический словарь. Т.4. Кн.1. М., Искусство, 1983. С.145.
- Справочник членов Ленинградской организации Союза художников РСФСР. Л., Художник РСФСР, 1987. С.45.
- Иванов С. Неизвестный соцреализм. Ленинградская школа. СПб., НП-Принт, 2007. С.385, 402, 403, 445.