Դեֆանովկա
Դեֆանովկա (ռուսերեն՝ Дефановка), գյուղ Ռուսաստանի Դաշնության Կրասնոդարի երկրամասի Տուապսեի շրջանում, Դեֆան և Շափսուղո գետերի միախառնման վայրում։ Գտնվում է Տուապսեից 42 կմ հյուսիս-արևմուտք, ծովի մակարդակից 69 մ բարձրության վրա։ Մտնում է Ջուբգայի քաղաքային բնակավայրի կազմի մեջ։
Գյուղ | |||
---|---|---|---|
Դեֆանովկա | |||
ռուս.՝ Дефановка | |||
Երկիր | Ռուսաստան | ||
Դաշնային սուբյեկտ | Կրասնոդարի երկրամաս | ||
Շրջան | Տուապսեի շրջան | ||
Հիմնադրված է | 1864 թ. | ||
ԲԾՄ | 69 մ | ||
Պաշտոնական լեզու | ռուսերեն | ||
Բնակչություն | 1871 մարդ (2010) | ||
Ազգային կազմ | հայեր, ռուսներ | ||
Ժամային գոտի | UTC+3 | ||
Հեռախոսային կոդ | +786167 | ||
Փոստային դասիչ | 352845 | ||
ՍՎՏԲՀԴ | 03 255 554 004 | ||
|
Բնակչությունը խմբագրել
Գյուղում բնակվում են ռուսներ, հայեր, մոլդովացիներ և այլ ազգերի ներկայացուցիչներ։ 1864 թվականին այնտեղ ապրում էր 48 ընտանիք և 346 մարդ։ 1905 թվականին գյուղն ուներ 122 տուն, որտեղ բնակվում էին ռուսներ։ 1972 թվականին գյուղն ուներ 396 տուն, իսկ 1989 թվականին գյուղում ապրում էր 1817 մարդ, որից 1384 ռուսներ, 296 հայեր, 47 ուկրաինացիներ, 45 հույներ և 15 մոլդովացիներ։
Հաշվառման տարեթիվը | Բնակիչների թվաքանակը |
---|---|
1987 | 1947 |
1989 | 1817 |
1999 | 2043 |
2002 | 1989 |
2010 | 1871 |
Բնակիչներն զբաղվում են այգեգործությամբ և բանջարաբուծությամբ։ Գյուղն ունի միջնակարգ դպրոց, ակումբ, գրադարան և պոլիկլինիկա։
Պատմությունը խմբագրել
Ստանիցա Դեֆանսկայան հիմնադրվել է 1860-1864 թվականներին[1]` Շափսուղական ափային գումարտակի կողմից, գեներալ Ֆելիքս Սումարոկով-Էլստոնի հրամանատարության ներքո։ Ստանիցայի առաջին ատամանը եղել է յասավուլ Գապոնենկոն։ 1870 թվականին, Շափսուղական գումարտակի կազմալուծումից հետո, ստանիցան վերածվել է գյուղի` Դեֆանովսկայա անունով։
Ծանոթագրություններ խմբագրել
- ↑ Азаренкова А.С., Бондарь И.Ю., Вертышева Н.С. Основные административно-территориальные преобразования на Кубани (1793-1985 гг.). — Краснодар: Краснодарское книжное издательство, 1986. — С. 248. — 395 с.
Արտաքին հղումներ խմբագրել
- Բնակչության` 2010 թվականի համառուսական հաշվառումներ Արխիվացված 2014-05-17 Wayback Machine
- Տուապսեի շրջանի գյուղերի կազմավորման պատմություն
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 366)։ |