Դավիթ Դավթյան
- Վիքիպեդիայում կան հոդվածներ Դավթյան ազգանունով այլ մարդկանց մասին։
Դավիթ Գրիգորի Դավթյան (1880[1], Տրապիզոն, Օսմանյան կայսրություն[1] - ապրիլի 25 (մայիսի 8), 1911[1], Մարզվան, Սեբաստիայի վիլայեթ, Օսմանյան կայսրություն[1]), հայ ջութակահար։
| Դավիթ Դավթյան | |
|---|---|
| Բնօրինակ անուն | արմտ. հայ.՝ Դաւիթ Դաւիթեան |
| Ծնվել է | 1880[1] Տրապիզոն, Օսմանյան կայսրություն[1] |
| Երկիր | .svg){kind=small} Օսմանյան կայսրություն |
| Մահացել է | ապրիլի 25 (մայիսի 8), 1911[1] Մարզվան, Սեբաստիայի վիլայեթ, Օսմանյան կայսրություն[1] |
| Մասնագիտություն | ջութակահար |
| Գործիքներ | ջութակ |
| Աշխատավայր | Ներսիսյան դպրոց[1] |
| Կրթություն | Մուրադ-Ռափայելյան վարժարան[1], Բրյուսելի թագավորական կոնսերվատորիա (1900)[1] և Վենետիկի Բենեդետտո Մարչելլոյի անվան կոնսերվատորիա |
Կենսագրություն
խմբագրելՍովորել է Վենետիկի Մուրատ-Ռափայելյան վարժարանում, երաժիշտ Տիգրան Կյուրեղյանի դասարանում, ապա՝ Վենետիկի կոնսերվատորիայում։ 1900 թվականին ավարտել է Բրյուսելի կոնսերվատորիան, աշակերտել Ց. Թոմսոնին, տարբեր ժամանակներում նաև Օ. Շևչիկին, Յա. Կուբելիկին, Պ. Սարասատեին։ 1904 թվականին Բրյուսելի Միջազգային մրցույթում արժանացել է առաջին մրցանակի, հրավիրվել է Բրյուսելի կոնսերվատորիա՝ որպես ջութակի դասարանի պրոֆեսոր։ 1905 թվականին համերգներ է տվել Բրյուսելում, Փարիզում, Լոնդոնում, Ամստերդամում և Եվրոպայի այլ քաղաքներում, Եգիպտոսում։ 1906 թվականից համերգներով հանդես է եկել Թիֆլիսում, Երևանում, Վաղարշապատում, Կարսում, Ռուսաստանի քաղաքներում։ Համերգացանկում ընդգրկել է Բախի, Բեթհովենի, Շումանի, Գրիգի, Պագանինիի, Սեն-Սանսի, Սարասատեի, Էռնեստի, Բացինիի, Վյոտանի ստեղծագործությունները, ինչպես և հայ ժողովրդական երգեր։ 1908 թվականին դասավանդել է Թիֆլիսի Ներսիսյան դպրոցում, սերտ կապի մեջ եղել Կոմիտասի, Արմեն Տիգրանյանի, Ռոմանոս Մելիքյանի և այլ երաժիշտների հետ։ Գրել է «Հայու հոգին», «Կիլիկիոյ արցունքներ», «Անուշ յիշատակներ», «Մահուան քայլերգ», մանրանվագներ, բանաստեղծություններ, հոդվածներ։ Դավթյանի վերջին ելույթը տեղի է ունեցել Թուրքիայի Մարզվան քաղաքում, ուր և 24 ապրիլի 1911 թվականին 31 տարեկանում մահացել է սրտի կաթվածից[2][3]։
Մրցանակներ
խմբագրել- Բրյուսելի միջազգային մրցույթի դափնեկիր
Ծանոթագրություններ
խմբագրել- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ Ասատուր Փաշայան, Հայ մշակույթի վաղամեռիկ գործիչներ, Ե., 2002, էջ 58։
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 298)։ 
|